33
tutulur. Göbələyin törədiciləri ilə sirayətlənmiş süpürgələr tamamilə qara rəngli toz kütləsinə
çevrilir. Sirayətlənmiş bitkilərdə qıça əvəzinə xaricdən qısa yarpaqlarla örtülmüş, üzəri tutqun
rəngli spor kütləsi ilə dolu şişkinlik əmələ gəlir. Şişkinliyi üstən örtən qıça yarpaqları əvvəlcə yaşıl
rəngdə olur, qıçaların yetişməsinə yaxın saralıb quruyur və qıçaların ağzı açılır. Burada olan spor
kütləsinin bir hissəsi yavaş-yavaş tozlanaraq ətraf bitkilərə yayılır, bir hissəsi isə qıçanın saçaqları
arasında ilişib qalır. Xəstə bitkilərin boyu qısa olur, qıçalarda formalaşma getmir, bitki tamamilə
tələf olur. Bitkilərin xəstəliklə sirayətlənməsi adətən toxumun cücərmə mərhələsindən başlayaraq
cücərtilərin torpaq səthinə çıxmasına, bəzən də 2-3 yarpaq açanadək davam edir. Teliosporlar
torpağa düşərək cücərib fraqmobazidi və bazidiosporlar əmələ gətirir ki, bunlar da bütün sürmə
göbələklərində olduğu kimi cücərtilərin divarını deşib onun daxilinə keçir və gövdə boyu inkişaf
edərək çiçəkləmə mərhələsinə qədər gedir. Qovuqlu sürmədən fərqli olaraq, toz sürmənin
törədiciləri vegetasiya dövründə bitkinin bütün vegetativ və generativ orqanlarını sirayətləndirir.
Toz sürmə xəstəliyi qarğıdalı qıçalarına təsir edərək onun məhsuldarlıq elementlərini aşağı salır. Bu
təsir özünü sortların bioloji xüsusiyyətlərindən asılı olaraq müxtəlif cür göstərir. Belə ki, Naxçıvan
MR şəraitində toz sürmə xəstəliyinin mənfi təsiri Zaqatala-68 sortunda daha çox nəzərə çarpır. Bu
sortda nəzarət variantına görə təcrübə variantında məhsuldarlıq 17%, 1000 dənin kütləsi 7%, bir
qıçadakı dənlərin sayı 65%, bir qıçadakı dənin kütləsi 67% aşağı düşmüşdür. Müvafiq olaraq bu
rəqəmlər Zaqatala-514 sortunda 12, 4, 57, 61%; Zaqatala-yaxşılaşdırılmış sortunda 15, 5, 48, 53%;
Partlayan sortunda isə 10, 3, 33, 36% olmuşdur. Qeyd etmək lazımdır ki, Yerli partlayan sortunda
toz sürmə xəstəliyi qeydə alınmamışdır.
Xəstəliklərə qarşı mübarizə tədbirləri əsasən profilaktiki, aqrotexniki və kimyəvi üsullarla
aparılır. Profilaktiki tədbirlər: Buraya çoxlu sayda kompleks tədbirlər aiddir ki, bunlardan da əsası
karantin xidmətinin və toxum materiallarının yoxlanılmasının düzgün təşkili və Dövlət Sort
Sınağının məlumatlarından istifadə edərək xəstəliklərə qarşı davamlı sortların səpilməsidir;
Aqrotexniki tədbirlər: Tədbirlər sisteminə torpağın vaxtında şumlanması (27-30 sm), toxumların
səpinə hazırlanması, səpin norması, üsulu, mineral gübrələrin və vegetasiya sularının vaxtında
verilməsi, alaqlara, xəstəlik və zərərvericilərə qarşı mübarizə tədbirlərinin vaxtında aparılması,
məhsulun vaxtında və itkisiz yığılması və digər tədbirlər daxildir. Bununla yanaşı növbəli əkin
sisteminə də düzgün əməl edilməlidir. Belə ki, qarğıdalının eyni sahədə fasiləsiz becərilməsi
torpaqda olan bir çox xəstəlik törədicilərinin çoxalmasına səbəb olur. Bəzi xəstəliklər (tozlu sürmə,
kök çürüməsi, diplodioz və s.) güclü sirayətlənmiş sahələrdə 4-5 il müddətində qarğıdalı əkilməsi
tövsiyyə olunmur; Kimyəvi tədbirlər: Çalışmaq lazımdır ki, kimyəvi mübarizə üsulundan minimum
istifadə edilsin. Xəstəliklərə qarşı toxumların dərmanlanmasında 80%-li TMTD (1,5-2 kq/t); 75%-li
Vitavaks -200 (2 kq/t); 2,5%-li Premis (1,2 kq/t) preparatlarından istifadə olunmalıdır.
Qarğıdalı sahəsində çoxlu sayda zərərverici həşaratlara rast gəlinir. Ədəbiyyat
məlumatlarına əsasən müasir dövrdə qarğıdalı bitkisinə ziyan vuran həşəratların sayı 500 növdən
yuxarıdır ki, bunlarında böyük əksəriyyəti qarğıdalı bitkisinə o qədərdə də ziyan vurmurlar. Buna
baxmayaraq bəzi illərdə kütləvi çoxalmaları zamanı böyük ziyan vura bilirlər. Naxçıvan MR-də
qarğıdalı bitkisinin zərərvericilərini ilk dəfə olaraq Məmmədov S.H. öyrənmişdir [2, s. 64-82;]. O,
qarğıdalı bitkisindən 105 növ həşarat qeyd etmişdir ki, bunlardan da 64 növü qarğıdalı bitkisinə az
və ya cox dərəcədə zərər vurur.
Qarğıdalı bitkisinin zərərvericiləri dörd əsas qrupa bölünür. Dünyada qarğıdalı sahələrinə
daha çox zərər vuran həşaratlar aşağıda verilmişdir.
•
Kök sisteminə ziyan vuranlar- Melanotus cribulosus (Le Conte), Anuraphis maidi-radicis
(Forbes), Diabrotica longicornis (Say), Diabrotica duodecimpunctata (Fabricicus),
Phyllophaga rugosa (Meisheimer);
•
Gövdə və yarpaqlara ziyan vuranlar- Agrotis c-nigrum (Linne), Agrotis ypsilon (rottemburg),
Crymodes devastator (Brace), Blissus leucopterus (Say), Blissus hirtus (Montandon), Calendra
maidis (Chittenden), Cirphis unipuncta (Haworth), Melanoplus femur-rubrum (De Geer),
Camnula pellucida (Scudder), Heliothisarmigera (Hubner), Papaipema nebris (Guenee).
•
Bütövlükdə bitkiyə ziyan vuranlar- Pyrausta nubilalis (Hubner), Diatraea crambidoides (Grote).
34
•
Saxlanılma müddəti ərzində toxuma ziyan vuranlar- Sitotroga cerealella (Olivier), Hylemyia
cilicrura (Rondani)
Zərərvericilərin növ sayını və rast gəlmə tezliyini müəyyənləşdirmək üçün müşahidələr
mütəmadi olaraq stasionar şəraitdə aparılmış, nəticədə aşağıdakı zərərvericilərə daha çox rast
gəlinmişdir.
Təcrübələrimizdə daha çox rast gəlinən zərərvericilər mənənələr olmuşdur. Mənənələr
qarğıdalı bitkisini əsasən zərif hissələrinə zərər vurur, qıçalarını və yarpaqların şirəsini sormaqla
qidalanırlar. Müşahidələrimizdə erkək çiçəklərin üzərindən başlayaraq 1-2-ci yarpaq qınına qədər
koloniya şəklində toplanmışdır. Mənənələrdən adi taxıl mənənəsi (Schizaphis qraminum Rond) və
qarğıdalı mənənəsinə (Rhopolosiphum maydis Fitch. (Arhis avenae Kolt) daha çox rast gəlinmişdir.
Pambıq sovkası (Chlorida obsoleta F.)-Bu zərərverici əsasən qarğıdalının südyetişmə
mərhələsindən sonrakı dövrlərində güclü zərər vurur.
Payızlıq əkin sovkası (Aqroitis segetum Schiff)-Torpaqda olan cücərtiləri və kök boğazlarını
gəmirərək qarğıdalı əkinlərinə böyük ziyan vurur.
Uzunquyruq çəyirtkə (Tettigonia caudata Charp)-Tez-tez rast gəlinir. Əsasən qarğıdalı
bitkisinin yarpaqlarına zərər verir.
Adi qulağagirən (Forficula auricularia L.)- Əsasən qıçaları zədələyərək tam yetişməmiş
dənlərlə qidalanır. Bu zərərvericiyə bitkinin süd mum yetişmə dövründə qıçalarında və
yarpaqlarında rast gəlinir.
Yaşıl çəyirtkə (Tettigoni virdissima)- Az sayda rast gəlinir. Cavan bitkilərin çiçəkləri və
yarpaqları ilə qidalanaraq zərər vurur.
Çöl sisəyi (Gryllus desertus Pall)- Az sayda rast gəlinir. Əsasən sürfə və yetkin fərdlər
cücərtilərin gövdə və yarpaqlarını zədələyir.
Adi danadişi (Gryllotalpa gryllotalpa L.)- Əsasən cücərtilərin torpaqaltı hissələrini və yeni
cücərən bitkiləri zədələyir.
Asiya çəyirtkəsi (Lacusta migratoria L.)- Yarpaq və qıçanın yaşıl hissələrini zədələyir.
Kütləvi artım zamanı böyük ziyan vura bilər.
Altınöqtəli cırcırama (Macrosteles laevis Rib.)- Əsasən yarpaqların şirəsini sorur. Şirəsi
soyulmuş yarpaqlar rəngini itirərək ölüşkəyir və bitki zəifləməyə başlayır. Kütləvi çoxalma
dövründə çox ziyan vura bilər.
Taxıl mənənəsi (Trygonotylus Ruficonic Geoffr.)- Tez-tez rast gəlinir. Əsasən yarpaqların,
çiçəyin və gövdənin şirəsini soraraq bitkilərin inkişafını zəiflədir. Çiçəkləmə və südyetişmə
fazasında qıçalara daha çox zərər verərək cücərmə faizini aşağı salır.
Dağıstan tozcuqyeyəni (Podonta Daghestanica Reitt)- Tırtılları cücərtilərin kök boğazını
zədələyərək onları məhv edir.
Qırmızısinə zəlicə (Lema melanopus L.)- Həşəratın sürfələri yarpaqların lətli hissəsini zədələyir.
Qamma sovkası (Phytometra gamma L.)- Tırtılları yarpaqların aşağı hissələrini
deşərək zədələyirlər.
Zərərvericilərə qarşı mübarizə tədbirləri: Aqrotexniki tədbirlər: Tədbirlər sisteminə torpağın
vaxtında şumlanması (27-30 sm), toxumların səpinə hazırlanması, səpin norması, üsulu, mineral
gübrələrin və vegetasiya sularının vaxtında verilməsi, alaqlara, xəstəlik və zərərvericilərə qarşı
mübarizə tədbirlərinin vaxtında aparılması, məhsulun vaxtında və itkisiz yığılması və digər tədbirlər
daxildir. Bununla yanaşı növbəli əkin sistemi də düzgün əməl edilməlidir. Belə ki, qarğıdalının eyni
sahədə fasiləsiz becərilməsi torpaqda olan bir çox xəstəlik törədicilərinin çoxalmasına səbəb olur.
Bəzi xəstəliklər (tozlu sürmə, kök çürüməsi, diplodioz və s.) güclü sirayətlənmiş sahələrdə 4-5 il
müddətində qarğıdalı əkilməsi tövsiyyə olunmur.
Kimyəvi tədbirlər: Kimyəvi preparatlardan istifadə etməzdən əvvəl zərərvericinin hansı
növə aid olduğu, hansı dövrdə və nə sıxlıqda yayıldığını bilmək əsas şərtdir. Yalnız bundan sonra
hansı kimyəvi preparatdan istifadə ediləcəyinə qərar verilməlidir. Kimyəvi mübarizə tədbirləri
zərərvericilərin kütləvi yayıldığı illərdə və məhsul yığımına 20-25 gün qalana qədər aparıla bilər.
Dostları ilə paylaş: |