47
qanaxmalarında tətbiq edilir. Qaraciyər və ürək xəstəliklərində yaranan ödemlərdə sidikqovucu
kimi istifadə edilir [5].
Bir xörək qaşığı çiçəklərini 0,5 litr qaynanmış suda (sutqalıq doza) dəmləyib, gündə 2-3 dəfə
yeməkdən 30 dəqiqə əvvəl qəbul edilir. Təbabət praktikasında bitkinin çiçəklərindən sidik
yollarının iltihabında diuretik dərman kimi istifadə edilir. Kök və kökümsovundan (bütöv, kəsilmiş)
öskürəkkəsici dərman, bişirmə kimi və işlədici qarışıqların tərkibində tətbiq edilir. Ürək və böyrək
xəstəlikləri səbəbindən yaranan ödemlərdə sidikqovucu kimi, sidikyolu xəstəliklərində (pielonefrit,
sistit, uretrit), prostat vəzi xəstəliyində diuretik olaraq, iltihab əleyhinə və spazmalotik dərman kimi,
maddələr mübadiləsi pozğunluqlarında (böyrəkdaşı və öddaşı) diuretik və duz mübadiləsinin
tənzimlənməsində,
xolesistit, xolangit, öd yollarının diskenziyası və hepatitdə təyin edilir.
Viola tricolor L. - Üçrəng bənövşə. Bir və ya ikiillik bitkidir. Gövdəsi sadə budaqlanan,
dikduran və ya azacıq əyilmiş, qabırğalı və tükcüklü olub, hündürlüyü 10-45 sm-ə bərabərdir.
Yarpaqları qısa yumurtavari-üçbucaqşəkilli və ya uzunsov-yumurtavari, dişcikli, dairəvi, pazşəkilli
əsasa malik olmaqla, uzun saplaqlıdır. Yuxarı yarpaqları uzunsov-neştərvari, künclü, kənarları
düyünlü, qısasaplaqlı olmaqla, demək olar ki, oturaqdır. Yarpaqları lələkşəkilli-bölünmüş olub, iri
paycıqla qurtarır. Çiçəkləri tək, düzgün olmayan əyilmiş uzun çiçək ayaqcığından ibarətdir.
Kasacığı 5, xətti-neştərvari yarpaqcıqlardan, əsası fırlı dişciklərdən, 2 yuxarı yumurtaşəkilli, 2 yan
ellipsşəkilli, göyümtül-bənövşəyi, aşağı hissəsi isə iri, dairəvi tozcuqdan tərs üçbucaqşəklli sarı və
kənarları bənövşəyi rənglidir. Çöl bənövşəsinin çiçəyinin kənarları kiçik, kasacıq ləçəkləri uzun
olmayan, yuxarı ləçəkləri ağ, ortasındakılar isə parlaq-sarı olur. May ayından sentyabr ayına qədər
çiçəkləyir.
Viola trlcolor L. - Üçrəng bənövşə
Avropa və Qərbi Sibirdə yayılmışdır. Xammal kimi Belorusiya və Ukrayna ölkələrindən
toplanılır. Bütün Azərbaycanda yayılmışdır. Meşə və talalarda, çəmənlik və çöllərdə, təpəciklərdə,
pöhrəliklərdə, alaqotu olan bostanlarda və yol kənarlarında rast gəlinir. Çiçəkləmə zamanı (may-
iyun) toplamaq lazımdır. İti bıçaq və oraqla 5-10 sm hündürlükdə kəsilərək toplanılır. Xammal
toplandıqdan sonra günəşli havada çardax və digər qapalı yerlərdə qurudulmalıdır. Süni qurudulma
40
о
С temperaturda quruducu şkafda aparılmalıdır. Quru xammalın çıxım faizi 20-22% olur.
Xammalı bitkinin yerüstü orqanlarıdır. Xammalından məhlul və ekstrakt hazırlanır ki,
öskürəkkəsici və sidikqovucu maddə kimi müvəffəqiyyətlə tətbiq edilir. Ağciyər və yuxarı tənəffüs
yollarının iltihabı, burun-udlaq xəstəlikləri, xüsusən difteriyada öskürəkkəsici dərman kimi istifadə
olunur. Böyrək və sidikçıxarıcı yollarının xəstəliklərində, sidikqovucu və iltihabsorucu dərman kimi
müvəffəqiyyətlə istifadə təyin edilir. Tərqovucu və «qan təmizləyici», oynaq, dəri, frunkulyoz,
48
səpki, diatez və ekzema xəstəliklərində tətbiq edilir. Oynaq və dəri xəstəliklərində vanna kimi
xaricə təyin edilir. Otunun dəmləməsi öskürəkkəsici, sidikqovucu olduğundan difteriya və bronxit
zamanı istifadə edilir. Son zamanlar bitkinin farmakoloji tədqiqatında onun allergiya əleyhinə
aktivliyi aşkar edilmişdir.
Tərkibində bioloji aktiv maddələrin çox olması onun
kosmetologiya sahəsində də
müvəffəqiyyətlə istifadə olunmasına zəmanət verir. Belə ki, dəmləməsini üzə islatma şəklində
qoymaqla, sifətdə və saçda yağlı seborreyanı, sıyrıntıları və irinli yaraları müalicə etmək mümkündür.
- 1-2 xörək qaşığı bitkini 500 ml qaynar suda dəmləyərək (termosda) qəbul etmək lazımdır
(sutqalıq doza). Məhlulu (10,0 : 200,0) bir xörək qaşığı gündə 3 dəfə qəbul edilməlidir.
- 2 çay qaşığı bitkini 250ml suda 5 dəqiqə ərzində dəmləmək lazımdır. Fincanla gündə 2-3
dəfə (öskürək olarsa tərkibinə bal qarışdırmaq lazımdır) qəbul etmək lazımdır.
Equisetum arvense L.- Çöl qatırquyruğu. Çoxillik sporlu ot bitkisidir. Kökümsovu zərif
olmaqla, horizontal istiqamətdə dayanır. İki tip gövdəsi vardır. Erkən yazda qonur, boz və ya
qırmızımtıl, şirəli, budaqlanmayan gövdəsinin hündürlüyü 20sm-ə qədər olmaqla, zirvəsində sporlar
daşıyan sünbülcükləri olur. Sporlar yetişdikdən sonra gövdəsi tədricən məhv olur. Əvəzində yaşıl
budaqlı, hündürlüyü 50-60sm olan vegetativ gövdə əmələ gəlir. Vegetativ gövdəsi sərt, silindrik,
qabırğalı, buğumlu budaqlardan ibarət olur. Qol-budaqları buğumlu, yuxarıya doğru istiqamlətli
olub, 4-5 qabırğalıdır. Yarpaqları kifayət qədər inkişaf etməyən, boruşəkilli və dişcikli qından
ibarətdir. Dişcikli qını üçbucaq-neştərşəkilli, qara-qonur rəngli, 2-3 ədəd olub, bitişikdir. Budaqları
yaşıl və uzun itiucludur. Alaq otu kimi geniş yayılmışdır. Kosmopolit areal tipinə malik olmaqla,
Azərbaycanın əksər ərazilərində yayılmışdır. Çöllərdə, əhali yaşamayan yerlərdə rast gəlinir.
Vegetativ gövdə və budaqları istifadə edilir. İltihabsorucu, dezinfeksiyaedici, sidikqovucu,
qankəsici, kardiotonik, orqanizm möhkəmləndirici, yara sağaldıcı və büzücü xüsusiyyətləri vardır.
Qatırquyruğu su-duz mübadiləsini normallaşdırır, xolesterini azaldır və orqanizmdən toksiki şlakları
(xüsusən qurğuşunla zəhərlənmələrdə) kənar edir. Hipertoniya xəstəliyi, ateroskleroz, podaqra və
çətin sağalan yaraların müalicəsində, revmatizm, göz, öddaşı və böyrəkdaşı xəstəliklərində, mədə
və bağırsağın şişində, daxili və xarici qanaxmalarda, aşağı ətrafların ödemlərində, istifadə edilir.
Xaricə təyini dərinin xroniki çətin sağalan xorasında və şaçın kəpək verməsində (seborreya) göstəriş
sayılır. Sidikqovucu çayların tərkibinə daxildir.
ƏDƏBİYYAT
1.
Mustafayeva İ.R., İbadullayeva S.C., Ələkbərov R.Ə., İsmayılov A.H., Qasımov H.Z., Qasımova
Ş.Ş. Farmakoqnoziya botanikanın əsasları ilə. Dərslik. Naxçıvan, Əcəmi, 2015, 668 s.
2.
Qasımov H.Z., Əliyeva Ş.Q., Əhmədzadə S., Ələkbərov R.Ə., Əsgərova N.Ə., İbadullayeva S.C.
Naxçıvan Muxtar Respublikası florasında yayılan ənənəvi dərman bitkiləri və onların istifadə
yolları // AMEA Botanika İnstitutunun
Elmi əsərləri, 2013, XXXIII c., s. 75-84
3.
Talıbov T.H., İbrahimov Ə.Ş. Naxçıvan Muxtar Respublikası florasının taksonomik spektri.
Naxçıvan, Əcəmi, 2008, 364 s.
4.
Гроссгейм А.А. Растительные ресурсы Кавказа. Баку: АН Азерб. ССР, 1946, 671 с. 357-369
5.
Ibadullayeva S., Gahramanova M.,
Gasymov H., Zulfigarova P. Etnobiological and phytotherapeutic
analysis of medicinal herbs of Azerbaijan flora used at cardiovascular diseases treatment // Global
Journal Of Biology, Agriculture & Health Sciences, USA, 2015. Vol. 4 (1): s. 38-43
6.
Ibadullayeva S., Gasimov H., Gahramanova M., Zulfugarova P., Novruzova L. Medico -
Ethnobotanical Inventory (Liver and Gallbladder Ducts Illnesses) of Nakhchivan AR, Azerbaijan
// International
Journal Of Sciences, England: Manchester M8 8XG, 2015, v. 4, N
0
6, s. 80-87