159
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 3 (84)
NAKHCHIVAN STATE UNIVERSITY.
SCIENTIFIC WORKS, 2017, № 3 (84)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 3 (84)
VAQİF FƏRZƏLİYEV
TOFİQ ƏLİYEV
NƏZƏR NƏZƏROV
nazarov-nazar@rambler.ru
ƏFSUN SUCAYEV
AMEA Aşqarlar Kimyası İnstitutu
UOT: 542.978:541.127:547.496.3
TETRAHİDROPİRİMİDİNTİONLARIN ANTİOKSİDANT XASSƏLƏRİNİN TƏDQİQİ
Açar sözlər:Tetrahidropirimidin, kumol, antioksidant, oksidləşmə, stexiometriya əmsalı, katalitik faktor,
induksiya dövrü, modelləşmə.
Ключевые слова:Тетрагидропиримидин, кумол, антиоксидант, окисление, коэффициент
стехиометрии, каталитический фактор, индукционный период, моделирование.
Key words: Tetrahydropyrimidine, isopropyl benzene, antioxidant, oxidation, stoichiometry coefficient,
catalytic factor,
induction period, modeling.
Sürtkü yağlarının ən vacib istismar xassələrindən biri onların oksidləşməyə qarşı davamlı olmasıdır.
Yağın istismar şəraitində oksidləşmə sürətinə mühərrikin hissələrinin hazırlandığı metalın təbiətinin,
temperaturun, yağın tərkibini təşkil edən maddələrin quruluş və xassələrinin, onların nisbətlərinin və
başqa amillərin təsiri vardır. Bu amillərin təsirindən yağlarda əmələ gələn oksidləşmə məhsulları maşın
və mexanizmlərin işi zamanı onların hissələrinin sıradan çıxmasına, korroziyasına səbəb olur. Buna görə
də sürtkü yağlarına lazımi istismar keyfiyyəti vermək, eləcədə maşın və mexanizmlərin etibarlı və uzun
müddətli işləməsini təmin etmək məqsədi ilə yüksək təsirli antioksidləşdirici aşqarların sintezi və
istifadəsi, həllini gözləyən əsas məsələlərdən biridir [1].
Müasir və perspektiv sürtkü yağlarının keyfiyyətinə qoyulan tələblərdən biri də onların tərkibində
metalların miqdarının az olmasıdır. Yağların istismarı zamanı tərkibində metal olan aşqarlar kül
çöküntüsü əmələ gətirdiyi üçün külsüz antioksidləşdirici aşqarların yaradılması və istifadəsi (fenollar,
aminlər, sulfidlər və b.) xüsusi əhəmiyyət kəsb edir.
Bu aktuallığı nəzərə alan AMEA Aşqarlar Kimyası İnstitutu əməkdaşları tərəfindən indiyə qədər
tərkibində azot- və kükürd saxlayan yeni nəsil aşqarlardan olan tiokarbamid törəmələri sintez olunub [2-
3] və onların antioksidləşdirici xassələri öyrənilmişdir. Tədqiqatçılar N-əvəzli tiokarbamidlərin sintezi,
çevrilmələri və antioksidləşdirici xassəsinin öyrənilməsinin davamında, məhz müxtəlif tiokarbamidlər
sintez edərək tədqiq etmişdirlər [4].
Müəyyənləşdirilmişdir ki, aşqarların antioksidləşdirici xassələri əsasən onların tərkibində müəyyən
funksional qrupların olması ilə əlaqədardır. Antioksidləşdirici aşqarlar kimi molekulunda əsasən kükürd,
azot, fosfor, həmçinin
eyni zamanda kükürd və fosfor, yaxud
azot və kükürd, eləcə də müxtəlif funksional
qruplar saxlayan birləşmələrdən istifadə edilir. Yeni sintez etdiyimiz tetrahidropirimidintionlarda müxtəlif
funksional qrupların mövcudluğu bu birləşmələr ətrafında araşdırmalar aparılmasını zəruri edir[5].
NƏTİCƏLƏRİN MÜZAKİRƏSİ
Tərəfimizdən ilk dəfə tetrahidropirimidinlərin karboksilat törəmələrinin yeni effektiv sintez üsulu
işlənib hazırlanmışdır. Öyrənilmişdir ki, tiokarbamid, β-ketoefirlər və müxtəlif aldehidlərin qarşılıqlı
təsirindən 75-80 % çıxımla tetra- və heksahidropirimidin-5-karboksilatlar alınır. Sintez aşağıdakı sxem
üzrə aparılımışdır:
NH
2
R
1
HN
S
+
R
3
R
2
O
O
+
R
4
R
5
H
O
-2H
2
O
NR
1
NH
R
2
C
R
3
O
S
R
5
R
4