308
Kənd təsərrüfatı məhsullarının qiymətləri ilə bu sahənin ehtiyacını qarşılayacaq digər maddi-istehsal
və xidmət sahələrinin təklif etdiyi mallar arasındakı qeyri-bərabərliyin tarazlanması üzrə fəaliyyətin
təşkili;
Subsidiyalaşma və investisiya təynatlı işlər üzrə dəqiq mexanizmlərin hazırlanması;
Aqrar sahənin tələbatını ödəyəcək zəruri kadr potensialının formalaşdırılması, onların mütəmadi
şəkildə peşəkarlıq səviyyələrinin artırılması üzrə işlərin icrası və s.
İfadə etdiyimiz bəndlərin fərdi qaydada nəzərdən keçirilməsi aqrar sahədə tənzimləmə fəaliyyəti
baxımından görülən işlərin vəziyyətini dəqiqləşdirməli, ona konkret qiymət verməyə imkan yaratmalıdır.
Hər bir sivil, bazar iqtisadiyyatına keçmiş ölkədə tənzimləmə fəaliyyəti iqtisadiyyatın inkişafının
əsas iştirakçı komponentlərindən hesab olunur. Real vəziyyətin qiymətləndirilməsi və perspektiv dövrlər
üzrə iqtisadi vəziyyətin inkişaf meyllərinin proqnozlaşdırılmasına əsaslanan vahid tənzimləmə
konsepsiyaları və əsasən fərdiliyi ilə seçilən proqramları istər ölkə, istərsə də regional müstəvidə sahələrin
təkamülü və transformasiyasına əsaslanmaqla yanaşı, son nəticədə istehlakın ödənilmə səviyyəsinin
müsbət dinamika üzrə hərəkətini təmin etmək məqsədini güdür.
İstər Azərbaycan Respublikasında, istərsə də Naxçıvan Muxtar Respublikasında tənzimləmə
sahəsində bəlli zaman kəsiklərini əhatə edən Dövlət Proqramlarının və digər hüquqi-normativ aktların
(taxılçılıq, kartofçuluq, meyvəçilik, əsas fondlarla təmin olunma, yanacağın güzəştlə verilməsi, vergilərdən
azad olunma, məqsədyönlü gömrük fəaliyyətinin təmin edilməsi və s.) qəbul edilməsi və icrasına
baxmayaraq, vahid tənzimləmə konsepsiyası qəbul edilməmişdir. Düşünürük ki, belə vəziyyət mütəşəkkil
tənzimləmə fəaliyyətinin həyata keçirilməsinə tammənalı şərait yaratmır, bəzi hallarda isə dolayı maneə
effekləri də müşahidə oluna bilər.
Ölkənin ərzaq təhlükəsizliyinin qorunması dövlətimiz qarşısında qoyulan mühüm vəzifələrdən
hesab olunur. Bu proseslər muxtar respublikada da öz əhəmiyyətini və aktuallığını daim qorumaqdadır.
Məsələnin zəruriliyi onun ilk növbədə “əhalinin saytərkib ifadəsi – istehlakın fizioloji normaları və həqiqi
göstəriciləri” tandemində nəzərdən keçirilməsini diktə edir. Haliyədə sayı 10 milyona yaxınlaşan əhalinin
sayı yaş və cins qrupları, milli, regional və digər xüsusiyyətlər nəzərə alınmaqla müxtəlif istehlak təs-
nifləşdirilməsinə məruz qalır. Digər tərəfdən, əhalinin fizioloji normalarını xarakterizə edən, Azərbaycan
Respublikasının Nazirlər Kabinetinin 06 iyul 2014-cü tarixli 182 nömrəli qərarı ilə qüvvəyə minmiş
“Minimum istehlak səbəti üzrə əsas növ ərzaq məhsullarının istehlak normaları” əsasında
proqnozlaşdırılan həcmlər dəqiqləşdirilməlidir. Alınan nəticələr aqrar istehsalın faktiki nəticələri ilə
müqayisə edilməli, bu əsasda idxaldan asılılıq həcmləri hesablanmalıdır. Haliyədə bir muxtar respublikada
neçə məhsul növü istisna olmaqla (bir sıra meyvə və tərəvəz növləri, ərzaqlıq bostan məh-sulları, süd və
s.) digər məhsullarda üzrə orta hesabla illik 4,0 - 46,2%-lik tərəddüdə malik idxaldan asılılıq səviyyələri
hələ də mövcudluğunu qorumaqdadır. Burada həmçinin muxtar respublikda müəyyən səbəblərdən (təbii-
iqlim, torpaq quruluşu və keyfiyyəti və s.) tamamilə istehsal olunmayan, lakin əhali və emal sənayesinin
istehlakında bəlli xüsusi çəkiyə məhsullar (şirələrin istehsalı üçün sitrus meyvələri və s.) da əlavə
olunmalıdır. Müvafiq işlər eyni zamanda “kəsirlə” müşayət olunan məhsullar üzrə ölkə və regional
imkanların qiymətləndirilməsi, sonrakı mümkün tənzimləmə adımlarının atılması üçün əsası təşkil
edəcəkdir.
Bəllidir ki, Naxçıvan Muxtar Respublikasında may ayının ortalarından başlayaraq aqrar istehsalın
kütləviliyi surətli artım meyli ilə irəliləməkdədir. İyun-sentyabr aylarında əsas ərzaq məhsulları üzrə
tələbatın ödənilməsi dərəcəsində ayrı-ayrı məhsullar üzrə (idxal göstəriciləri nəzərə alınmaqla) orta
hesabla 80%-dən 12 dəfəyədək olan amplitudada artım müşahidə olunmaqdadır. Bu xüsusilə özünün
meyvə və giləmeyvəlilərdə, ərzaqlıq bostan məhsullarında, ət və süd məhsullarında özünü biruzə vermək-
dədir. Bununla belə ilin digər zaman kəsiklərində daxili istehsalın məhdudlaşması (ancaq istixana
təsərrüfatlarında aparılması) və rayonlarda saxlama imkanlarının həm həcm, həm də qiymət baxımından
bir çox halda səmərəli olmaması bu məhsul növləri üzrə ehtiyatların azalması, onlar üzrə pərakəndə satış
qiymətlərinin artması ilə nəticələnir.
Qeyd olunanlara rəsmi statistik məlumatlarında öz əksini tapmış və 2015-ci ilin nəticələrini
xarakterizə edən idxal göstəriciləri haqqında bəzi informasiyaları da əlavə etmək yerinə düşərdi. Məsələn,
baxılan dövrdə cəmi dənlilərdə 41,8%-lik, buğda üzrə 49,4%-lik, arpa üzrə 50,1%-lik, qarğıdalı üzrə
38,6%-lik, vələmir üzrə 39,0%-lik, sair növ dənlilər üzrə 97,2%-lik, paxlalılar üzrə 26,5%-lik, kartof üzrə
309
11,9%-lik, üzüm üzrə 16,9%-lik həcmlər məhz idxalın payına düşmüşdür. Sadalanan bu bitkiçilik məh-
sullarının muxtar respublikada istehsalının daha mütəşəkkil təşkili idxaldan asılılıq səviyyəsini ən azı orta
hesabla 8-19,2% səviyyəsinə endirə bilər ki, bu da mütəşəkkil qaydada həyata keçirilən çoxtərəfli təşkilati
və tənzimləmə fəaliyyətinin nəticəsində mümkündür. Göstərilməlidir ki, muxtar respublikada qəbul
olunan “2012-2015-ci illərdə Naxçıvan Muxtar Respublikasında kartofçuluğun inkişafı üzrə Dövlət
Proqramı” və “2012-2015-ci illərdə Naxçıvan Muxtar Respublikasında meyvəçiliyin inkişafı üzrə Dövlət
Proqramı”nın qəbulu nəticəsində kartof istehsalında 3 dəfəlik, meyvə istehsalında 2,1 dəfəlik irəliləmə
müşahidə olunmuşdur. Lakin, düşünürük ki, bu son hədd deyil, bəhs olunan istiqamətlərdə kifayət qədər
ehtiyat mənbələri və görüləcək işlər (o cümlədən tənzimləyici xarakterə malik) mövcuddur.
Torpaq və digər resursların istifadəsində səmərəliliyin qorunması, onların sıradan çıxmasının
minimallaşdırılması üzrə tədbirlərin görülməsi digər istiqamətlərlə yanaşı tənzimləmə sahəsində də
mühüm vəzifələrin qoyulmasını zəruriləşdirir. Naxçıvan Muxtar Respublikası üzrə suvarılan əkin
sahələrinin həcmində 2010-cu ildə 39199 hektardan 2015-ci ildə 61414 hektara çatdırılmışdır. Lakin
aparılan müşahidələr göstərir ki, regionda əkinçilik məqsədləri üçün istifadə edilə biləcək, amma aktiv
iqtisadi dövriyyəyə cəlb olunmamış torpaqların həcmi şoranlaşmış və şorakətlənmiş torpaq həcmləri ilə
birlikdə 13 min hektar səviyyəsində qiymətləndirilir. Qeyd etmək yerinə düşər ki, 2015-ci ildə və 2016-cı
ilin I yarısında 0,8 min hektarda müvafiq təmizləyici işlər aparılsa da, bu rəqəm aktiv iqtisadi dövriyyəyə
qaytarılması mümkün olan torpaqların cüzi hissəsidir. Vəziyyətin belə qaydada olmasının çoxsaylı
səbəbləri mövcuddur ki, burada da ilk növbədə dövlət tərəfindən torpaqların təmizlənməsinə yönələn
meliorasiya tədbirlərinin həyata keçirilməməsi, sahibkarlarda əlavə maliyyə və texniki vəsaitlərin
olmaması, həmçinin bəzi hallarda bürokratik əngəllər göstərilə bilər.
Su ehtiyatları və onlardan istifadə sahəsində görülən işlər də özünəməxsusluğu ilə fərqlənir. Belə ki,
2015-ci ildə H.Əliyev adına Vayxır su anbarı, Uzunoba və Arpaçay su tutarları vasitəsilə muxtar
respublikanın su resurslarına olan tələbatının 89,2%-i ödənmişdir. Bu ilk növbədə həmin ilin yağıntı
normasının faktiki tələbata müvafiq zəif olması ilə əlaqəlidir. Bununla belə su infrastrukturnun yaradılması
və bərpası sahəsində bir çox işlər görülmüşdür ki, burada da əsas məqsəd adı çəkilən resursların israfının
qarşısının alınmasıdır. 2015-ci ildə 67 km həcmində su bölüşdürücü xəttlər istismara verilmişdir.
2016-cı ilin 1 dekabr tarixinə Babək rayonunun Kültəpə və Kərimbərli kəndlərini əhatə edən yeni
suvarma səbəkəsinin (9 km), Nəcəfəlidizə kəndində suvarma məqsədinə xidmət edəcək açıq drenaj
kanalının (1,8km), Kültəpə kəndində su kanalının (2,8 km), Badaşqan kəndində nasos stansiyasının
tikintisi başa çatmış, Nehrəm kəndində kollektorun, Güznüt kəndində drenaj xəttinin yenidən qurulması
həyata keçirilmiş, Kəngərli rayonunun Böyükdüz və Xok kəndləri ərazisində qapalı suvarma sisteminin
(8,6 km) tikintisi başa çatdırılmişdir. Babək rayonun Sirab kəndində qapalı suvarma xəttinin (3,3km),
Culfa rayonunun Ərəzin kəndində drenaj kanalının, Şərur rayonunda kollektor-drenaj şəbəkəsinin (ümumi
uzunluğu 21,5 km), həmin rayonun Ələkli və Məmmədsabir kəndlərinə suvarma xəttinin (2,7km),
Naxçıvan şəhərinin Qaraçuq, Babək rayonnun Çeşməbasar kəndlərində kollektorların, Araz çayından
sugətirici kanalların təmizlənməsi davam etdirilmişdir. Təməli Ordubad rayonunda Cənab Prezident İlham
Əliyev tərəfindən 2016-cı ilin dekabrinda atılan “Kaskad” tipli hidroelektrik stasiyasının su resurslarının
bir hissəsinin bu rayonun suvarma suyuna olan ehtiyacının ödənilməsinə yönəldilməsi də nəzərdə
tutulmuşdur.
Enerji ehtiyatlarına gəldikdə qeyd etmək lazımdır ki, muxtar respublikanın aqrar sahəsi bu resurs
növünün inkanlarından tam istifadə etməkdədir. 2016-ci ilin 1 dekabr vəziyyətinə muxtar respublikda
istehsal edilən 405330,7 min kVt-saat elektrik enerjisinin 1,9%-i (7701,3 min kVt-saat) birbaşa və ya
dolayı olaraq aqrar məqsədlər üçün istifadə edilmişdir. Haliyədə muxtar respublika elektrik enerjisini idxal
edən məkandan ixrac edən məkana çevrilmişdir.
Aqrar istehsalın nəticələrinin optimal reallaşdırılması bu sahə üzrə təşkilatlanma və tənzimləmə
baxımından görülən işlərin mühüm hissəsini təşkil edir. İlk növbədə qeyd olunmalıdır ki, bu istiqamətdə
artıq 5 ilə yaxındır ki, muxtar respublikada kənd təsərrüfatı məhsullarının satış yarmarkaların təşkil
olunması, birbaşa istehsalçı – istehlakçı əlaqələrinin yaradılması təmin edilmişdir. Bununla yanaşı, istər
muxtar respublikanın mərkəzi Naxçıvan şəhərində, istərsə də rayonlarda sərgi-satış yarmarkalarının
keçirilməsi ənənə halını almışdır. Düşünürük ki, bu sahədə əsas problem yaradacaq məsələlər sırasında ilk
yeri məhsulların daşınması məsələləri tutur. Belə ki, Naxçıvandakı aqrar istehsalçılar əsasən kiçik
Dostları ilə paylaş: |