156
mahiyyəti cəmiyyətdə real siyasət və siyasi münasibətlərdən törəyir və şəxsiyyətin dövlətə , onun
müxtəlif strukturlarına, habelə ictimai siyasi təşkilatlara və birliklərə münasibətində təzahür edir.
Müasir cəmiyyətdə şəxsiyyətin siyasi fəallığı ilə digər fəallıq növləri arasında qarşılıqlı
əlaqə və qarşılıqlı asılılıq durmadan artır ki, bu da insanların açıq cəmiyyət quruculuğuna yönəlmiş
sosial–siyasi yaradıcılığını əks etdirir .
Şəxsiyyətin siyasi fəallığını araşdırarkən onun daxili tərkibinin mürəkkəb və təhlilə çətin
məruz qalan xarekterini də qeyd etmək lazımdır. Hər şeydən əvvəl siyasi fəallığın meyarlarını və
göstəricilərini müəyyənləşdirmək tələb olunur. Ən böyük çətinlik isə həmin göstəricilərin şəxsiyyə-
tin əsl daxili yaradıcılıq mahiyyətini əks etdirdiyini, yoxsa zahiri, səthi empirik məna daşıdığını bir-
birindən ayırmaqdır. Bu zaman, şəxsiyyətin siyasi fəallığının konkret məzmununa nüfuz etmək
tələb olunur, yəni onun həmin şəxsin öz mənafelərini yerinə yetirməklə yanaşı, həm də cəmiyyətin
ümumi maraqları ilə ziddiyət təşkil etmədiyi təhlil edilməlidir.
Deyilənlər sübut edir ki, müasir dövrdə şəxsiyyətin siyasi fəallığını şərtləndirən amillər
kompleksindən əsas determinantları seçib ayırmaq və onların əsasında təhlil aparmaq zəruridir.
Sözügedən amillər obyektiv və subyektiv cəhətləri əhatə etməklə , geniş məzmuna malikdir. Onlar
əsasən şəxsiyyətin iqtisadi, sosial, demoqrafik səciyyələrini əhatə edir.İqtisadi amillər qrupunda
əməyin xarekteri və məzmunu əsas yer tutur, onu ifadə edən ixtisas dərəcəsi, mədəni–texniki
səviyyə, təhsil və başqa göstəricilər qarşılıqlı təsirdə çıxış edərək şəxsiyyətin fəallığında çox
mühüm rol oynayır. Sözügedən amillər qrupunun şəxsiyyətin siyasi fəallığına təsiri həm də onların
işçinin asudə vaxtının həcmi vasitəsilə özünü göstərir. Yəni şəxsiyyətin çalışdığı konkret əmək
növü onun məzmunu nə qədər çox asudə vaxt yaradırsa, həmin işçinin bir şəxsiyyət kimi siyasi
fəallıq göstərməsi üçün daha çox imkanlar açılır.
Nəhayət, şəxsiyyətin fəaliyyətində sosial–psixoloji xarekterli amillər (tələbat, maraq, məq-
səd, motiv, dəyər oriyentasiyaları və s.)böyük rol oynayır. Onlar həm siyasi fəallığın stimullaşdırıl-
masında, həm də onun şəxsiyyət baxımından dəyərliliyinin müəyyən edilməsində müstəsna dərəcə-
də mühüm yer tutur
Şəxsiyyətin siyasi fəallığı, onun fəaliyyətinin daha mütəşəkkil və səmərəli təşkil edilməsi
üçün vasitələr və yollar axtarmağa yönəlir. Onun düzgün təşkil və tənzimedilməsi cəmiyyətdə baş
verən əsaslı yeniləşmə proseslərinin çox mühüm subyektiv dayağı rolunu oynayır.
Müasir Azərbaycan cəmiyyətində şəxsiyyətin formalaşdığı və inkişaf etdiyi ümumi siyasi
şəraiti aşağıdakı kimi səciyyələndirmək olar: onun həyat fəaliyyətinin bütün sahələrinin əsaslı
surətdə dəyişilməsi və keyfiyyətcə yeni sosial zəmin üzərinə qoyulması; onun təbiətində, sosial
statusunda, rolunda, funksiyalarında keçid dövrünün xarekterinin şərtləndirdiyi cəhətlərin təzahür
etməsi (stabiliyiin əldə olunmasının çətinlikləri, bəzi hallarda sosial patalogiya əlamətləri ilə
müşayiət olunan qeyri–sabitlik ünsürlərinin özünü göstərməsi, baş verən dəyişikliklərin qeyri
adkevat mənalandırılması nəticəsində yaranan qeyri-müəyyənlik və hətta ümidsizlik əhval
ruhiyyəsinin özünü göstərməsi); ictimai həyatın bütün sahələrində ümumi nəzarətdən vaxtaşırı
çıxma hallarının təzahürü, özünü və özünü tənzimetmə arasındakı nisbətin ikinci tərəfin xeyrinə
dəyişilməsi, dövrün ziddiyyətlərinin və çətinliklərinin şəxsiyyətdə öz müvafiq ifadəsini tapması;
Sosiumun ilkin özəyi olan şəxsiyyətin sosial özünü hiss etməsində nasazlıqlar; keçid dövründə
özünü göstərən digər çətinliklər–istehsalın zəif surətlə inkişafı və çox vaxt isə öz yerində sayması,
əhalinin sosial təbəqələşməsinin güclənməsi və yoxsulluq, milli etnik münaqişələr nəticəsində
minlərlə insanın çəkdiyi əzab-əziyyətlər va s. bütün bunların nəticəsində bəzən şəxsiyyətdə
frusturasiya halları özünü göstərir. Bununla əlaqədar qeyd edək ki, yaradılmaqda olan bazar
iqtisadiyyatı və hüquqi dövlət quruculuğu yolunda atılan addımlar şəxsiyyətə göstərdiyi təsir
baxımından çox əhəmiyyətlidir.
Qeyd olunan münasibətdə Azərbaycanda bir çox uğurlar əldə olunmasına baxmayaraq, bu
sahədə görüləsi iş çoxdur. İctimai inkişafın gedişi və həyata keçirilməkdə olan vəzifələrin genişmiq-
yaslılığı və mürəkkəbliliyi şəxsiyətlərin sosial-siyasi həyata cəlb olunmasını yaxşılaşdırmağı, bu
işin formalarını, metodlarını, vasitələrini daha da təkmilləşdirməyi, ona xidmət edən yeni-yeni yol-
lar axtarıb tapmağı və həyata keçirməyi tələb edir .
157
Demokratik prinsiplərə əsaslanan cəmiyyətdə şəxsiyyətin siyasi fəallığını tam gücü ilə
hərəkətə gətirmək üçün indi fəaliyyət göstərən çoxsaylı ictimai təşkilatların və birliklərin yaradıcı
işini daha da dolğunlaşdırmaq tələb olunur. Sözügedən məqsədə nail olmaq üçün ictimai təşkilatlar
ilə dövlət orqanları arasında qarşılıqlı təsirin effektiv mexanizmini işləyib hazırlamaq və həyata
keçirmək çox zəruridir. Onun reallaşması ictimai–siyasi təşkilatların siyasi həyatda və eləcə də
ictimai həyatın digər sferalarında fəaliyyətini və təsir gücünü artırır, digər tərəfdən isə onlarda
təmsil olunan şəxsiyyətlərin siyasi fəallığını daha yüksək və səmərəli edir .
Cəmiyyətin ictimai həyatında şəxsiyyətin fəallığının artması geniş araşdırmalar aparmaq,
yeni tələblərə cavab verən qnaesoloji zəminlərin, metodoloji yanaşmaların işlənib hazırlanmasını
tələb edir.(10,12) Bu zaman Azərbaycanın yeniləşən dünyada bir müstəqil ölkə kimi milli maraq və
prioritetlərinin gözlənilməsi , cəmiyyətin demokratik prinsip və normalar əsasında təşkilatlanması
və idarə olunması,insan hüquq və azadlıqlarının təmin edilməsi, şəxsiyyətin sosiallaşması məsələlə-
rinə, milli dövlət və dövlətçilik problemlərinə xüsusi diqqət yetirilməlidir.Şəxsiyyətin siyasi fəal-
lığının artması cəmiyyətdə eyni zamanda milli ideologiya, azərbaycançılıq, siyasi institutların
demokratikləşməsi və effektivliyi, sosial idarəetmənin optimallaşdırılması və başqa bu kimi
problemlərin də təhlilinə əlverişli şərait yaradır .
ƏDƏBİYYAT
1.
Heydər Əliyev. Müstəqillik yolu, Bakı, 1997 s.136
2.
Шмитт К. Понятие политического // Вопросы социологии 1992
3.
Зеркин Д.П. Основы политологии, Ростов–на–Дону: 1977
4.
Борисов Л.П. Политология, М.: 1966
5.
Əfəndiyev M. Siyasi elmin problemləri, Bakı, Siyasət, 1998
6.
Rzayev.M.H Müasir şəxsiyyət, Bakı, MBM, 2014
7.
Арефьева Г.А. Социальная активность, М: Мысль, 1974
8.
Müasir qlobal siyasi proseslər və milli dövlət ideyası. Bakı, Səda 2006
9.
Fəlsəfə. Dərslik, (F.Ramazanovun redak. ilə ) Bakı, Azərnəşr, 1997
10.
Müasir fəlsəfə, idrakın ən yeni istiqamətləri.Bakı, Elm və Təhsil 2014
ABSTRACT
Kamran Valizada
MODERN AGE AND POLITICAL ACTIVISM OF PERSONALITY
The article explores multilevel peculiarities of rise in public activism of personality in political area.
The author analyzes key criteria of intensification of national conscience and the level of
organization of personality at the modern stage and concludes that participation of modern
personality in political life has a big and diverse importance. From this perspective, rise in political
activism of personality as a prerequisite and the integral part of the modern age acts as the key
factor in establishment of the rule-of-law state.
РЕЗЮМЕ
К.P.Велизаде
СОВРЕМЕННАЯ ЭПОХА И ПОЛИТИЧЕСКАЯ АКТИВНОСТЬ ЛИЧНОСТИ
В статье анализируются многоаспектные особенности повышения общественной
активности личности в политической сфере. Автор анализирует основные критерии
повышения национального сознания и уровня организации личности в современных
условиях и приходит к выводу, что участие современной личности в политической жизни
имеет большое и многостороннее содержание.
С этой точки зрения, повышение политической активности личности, будучи
непременным условием и важной составной частью современности, является важным
фактором создания правового государства.
NDU-nun Elmi Şurasının 19 oktyabr 2017-cı il tarixli qərarı ilə çapa
tövsiyyə olunmuşdur. (protokol № 02).
Məqaləni çapa təqdim etdi: Fəlsəfə üzrə elmlər doktoru, professor M.Rzayev
Dostları ilə paylaş: |