- 105 -
ABSTRACT
Shafag Aliyeva
SAFARI BABAYEV AND NAKHCHIVAN GEOGRAPHY
The article deals with the geographer academician,SafaraliBabayev’s researches. His
activity, on the field of Nakhichivan’s geography in the years of 1960-1970 is foregrounded. In the
same years, the main subjects of scientist’s researches, the scientific considerations which are
indicated in the articles that belongs to the different fields of geography are analyzed.Safarali
Babayev attracted everyone's attention with his scientific researches and consideration since the
beginning of his teaching and brought several innovation to geography. His written scientific works
that belong to the different fields of geography proves it again. The importance of landscape in
scientific activities of academician is shown in this article.
РЕЗЮМЕ
Шафак Алиева
САФАРИ БАБАЕВ И НАХЧЫВАНСКАЯ ГЕОГРАФИЯ
В статье речь идет об исследованиях учёного географа Сафарали Бабаева. На первый
план выдвигается его деятельность в области географии Нахчывана за 1960-1970-ые годы.
Анализируются основные темы исследований учёного тех лет, научные доводы, отраженные
в статьях, которые написаны им относительно к различным отраслям географии. Начиная с
преподавательской деятельности, Сафарали Бабаев всегда привлекал к себе внимание
своими научными исследованиями и доводами и внёс в географическую науку ряд новшеств.
Это еще раз доказывают написанные им научные публикации, относящиеся к различным
отраслям географической науки. В статье отмечается, что в научной деятельности учёного
основное место занимает тема ландшафта.
NDU-nun Elmi Şurasının 27 noyabr 2017-ci il tarixli qərarı ilə çapa tövsiyyə
olunmuşdur. (protokol № 03).
Məqaləni çapa təqdim etdi: Coğrafiya üzrə fəlsəfə doktoru, dosent N.Babayev
- 106 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 7 (88)
NAKHCHIVAN STATE UNIVERSITY.
SCIENTIFIC WORKS, 2017, № 7 (88)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 7 (88)
ÜLVİYYƏ İSGƏNDƏROVA
Naxçıvan Dövlət Universiteti
isgenderova.86@mail.ru
UOT:913
NAXÇIVAN MR ƏRAZİSİNDƏ TORPAQLARIN
DEQRADASİYA PROBLEMLƏRİNƏ DAİR
Açar sözlər: torpaq örtüyü, antropogen, deqradasiya, şorlaşma
Key words:
soil cover, anthropogenic, degradation, salting
Ключевые слова:
почвенный покров, антропогенный, деградация, соление
İnsan fəaliyyətinin bütün növləri təbiətin müxtəlif komponentlərinə ciddi təsir edir. Belə ki,
cəmiyyətin artan tələbatının ödənilməsi üçün ilk növbədə torpağa təsir edilərək zəruri məhsullar
əldə edilir. Bunun nəticəsində də torpaqlar münbitliyini itirir, səhralaşma baş verir, nəticədə münbit
torpaqlar deqradasiyaya uğrayır.
Naxçıvan MR relyefinin müxtəlifliyi, iqlimin kəskin kontinentallığı torpaq- bitki örtüyünün
müxtəlifliyinə səbəb olmuşdur. Nəticədə ərazidə az qələviləşmiş, duzlu, çox halda strukturlu arid
tipli torpaqlar əmələ gəlmişdir(2.səh.19). Bu isə Naxçıvan MR ərazisində kənd təsərrüfatına yararlı
torpaq sahələrinin azalmasına təsir göstərmişdir. Müasir dövrdə ərazidə bitkilərdən yüksək və
keyfiyyətli məhsul almaq üçün torpaqlardan maksimum dərəcədə istifadə olunmalıdır. Naxçıvan
MR-da kənd təsərrüfatına yararlı torpaq sahəsinin az olması və əhalinin kənd təsərrüfatı
məhsullarına olan tələbatını ödəmək məqsədilə muxtar respublikada daimi olaraq torpaq
tədqiqatlarının aparılması aktuallıq kəsb edir.
Naxçıvan MR-də düzənlik ərazilərinin torpaqları təbii və antropogen təsirlər nəticəsində
deqradasiyaya uğramış, bu isə torpaqlarda münbitliyin azalmasına, məhsuldarlığın aşağı düşməsinə
səbəb olmuşdur.
Naxçıvanın düzənlik hissəsində külək eroziyası üstünlük təşkil edir. Eroziyaya uğramış və
parçalanmış dağ yamaclarında, çay dərələrində güclü sellər əmələ gəlir. Bu zaman torpağın münbit
üst qatı yuyulur. Bu cür eroziya proseslərinin qarşısını almaq üçün ərazidə dağətəyi düzənliklərdə,
təpələrin yamaclarında çoxlu sayda ağac və kol bitkiləri əkilmişdir (1.səh 167). Külək münbit
torpaq qatını sovurub aparmaqla torpağı münbitsizləşdirir, çökəkliklər yaratmaqla sahələrin
quruluşunu pozur. Şoran və şorakət süxurlar aşınaraq başqa yerlərə aparılır və həmin yararlı sahələri
korlayır. Həmçinin külək eroziyasının materialları müxtəlif formalı təpələr yaradaraq münbit torpaq
sahələrini sıradan çıxarır. Külək eroziyasının qarşısını almaq üçün bu ərazilərdə torpaqların
münbitliyini pozan küləklərin istiqaməti müəyyənləşdirilməli və onlara qarşısını ala biləcək
istiqamətdə meşə zolaqları salınmalıdır.
Yuxarıda sadalanan amillər- torpaqların şorlaşması və şorakətləşmə, su və külək eroziyası
torpaqlara təsir edən təbii amillərdir. Torpaq deqradasiyasını yaradan səbəblər arasında təbii
amillərlə yanaşı antropogen amillər də böyük rol oynayır. Antropogen amillər ətraf mühitə, o
cümlədən torpağa təsir göstərərək insan fəaliyyətinin müxtəlif formalarını birləşdirir. Antropogen
amillərdən olan əhali məskunlaşması əsas faktorlardan biridir. Ərazinin mürəkkəb fiziki-coğrafi
şəraiti, düzənlik və çay vadilərində əhalinin sıx məskunlaşması, sənayenin inkişafı, ekstensiv kənd
təsərrüfatına malik olması və b. təsirlər nəticəsində burada torpaqların eroziyaya uğramasına,
şorlaşmasına, bataqlıqlaşmasına və çirklənməsinə şərait yaradır. Nəticədə deqradasiyaya uğrayan
torpaqlar əkin dövriyyəsindən çıxmışdır. Ümumiyyətlə, Muxtar Respublikada 355 min hektardan
çox torpaq sahəsi müxtəlif dərəcədə səhralaşma-torpaq deqredasiyasına məruz qalmışdır (4. səh 22).