- 110 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 7 (88)
NAKHCHIVAN STATE UNIVERSITY.
SCIENTIFIC WORKS, 2017, № 7 (88)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 7 (88)
İLKİN VƏLİBƏYOV
ilkin.vəlibəyov1980@gmail.com
TAVAT İSMAYILLI
AMEA Naxçıvan Bölməsi
UOT:913
NAXÇIVAN MUXTAR RESPUBLİKASINDA VƏ ONA YAXIN SƏRHƏD
ƏRAZİLƏRİNDƏ BAŞ VERMİŞ ZƏLZƏLƏLƏRİN
MAKROSEYSMİK VƏ İZOSEYST SAHƏLƏRİ
( 1980-2003 –CÜ İLLƏR )
Açar sözlər: Zəlzələ, ərazi, qırışıqlıq, qırılma, makroseysmiklik, izoseyst xətlər, zəlzələ
ocağının parametrləri
Keywords: Earthquake, area, folded, breaking, macroseismic, izoseist lines, the parametr
of the earthquake сenter
Kлючевые: Землетрясение, площад, сложенные, ломая, макросейсмические,
изосейcт линии, параметры землетрясения центра
Naxçıvan Muxtar Respublikasının tektonik quruluşu haqqında ilk məlumatlar 1930-1940-cı
illərdə V.P.Renqarten, V.Y.Xain tərəfindən verilsə də, daha mükəmməl sxemlər 1945-1955-ci illər-
də Ş.Ə.Əzizbəyov tərəfindən aparılmış geoloji planlama işlərinə əsasən olmuşdur. Nəticədə Naxçı-
van Muxtar Respublikasının ərazisində ümumqafqaz istiqamətli Şərur-Culfa, Zəngəzur antik-
linoriumları, Ordubad sinklinorimu və Naxçıvan törəmə muldası ayrılmışdır. Sonralar Zəngəzur
antiklinoriumu horst-qalxım struktur tipinə, Naxçıvanın tektonik vahidləri Araz və ya Orta Araz,
Arazyanı adı altında Kiçik Qafqazın kənar tektonik zonasına aid edilmişdir.[1]
Akademik Ş.Ə.Əzizbəyov tərəfindən struktur mərtəbələrinin ayrılması və qırışıqların yaş
prinsipi əsasında MR-nın tektonik xəritəsi tərtib olunmuş, yaşa görə dörd qırışıq qrupu formalaşmışdır.
Bunlar Orta Yura, Oliqosen, üst Miosen və orta Pliosendən qabaq əmələ gəlmiş qırışıqlardır.[2]
Naxçıvanın Tektonik sxemi – Ş.А.Əzizbəyov
Antiklinallar: 1 – Orta Yuradan əvvəl; 2 – Yuxarı Oliqosendən əvvəl; 3 – Yuxarı Miosendən əvvəl; 4 – Orta
Pliosendən əvvəl.
Quruluşu: 5 – Alpa qədər qalxma; 6 – Orta Alp quruluşu; 7-9 Alpdan sonrakı quruluş .
Sərhədlərin quruluş mərtəbəsi: 10 – Yuxarı karbon; 11 – Aşağı təbaşir; 12 – Paliogen; 13 – Oliqosen; 14 –
Miosen; 15 – Dördüncü dövr çöküntüləri; 16 –Qırılma xətti.
İnturiziv və Effuzivlər: 17 – Oliqosendən sonra –
Miosenə qədər yarımfazalı qranit inturizvlər 18 – Aşağı Pilosen intruziv və ekustriziv ; 19 – Aşağı piliosen
effuzivi; 20 –Poliogen vulkanik mərkəzi.
- 111 -
MR-nın ərazisinin tektonikası müxtəlif yaşlı və istiqamətli qırışıqların əmələ gəlməsi və
inturizvlərin yayılmasına görə mürəkkəbdir. Qırışıqlar dedikdə- bütövlüyü qırılmadan yer qabığı
laylarının dalğavarı bükülmələrinə deyilir. Qırışıqlıq layların yan tərəfdən basılması nəticəsində əmələ
gəlir. Qırışıqların əmələ gəlməsi bəzi hallarda böyük qırılmalara səbəb olur. MR –nın ərazisi
qırılmalarla sərhədlənən 4 seysmotektonik bloka ayrılmışdır. Bu bloklar bir-birləri ilə fərqlənən eninə
istiqamətli Nehrəm- Ləkətağ, Vəlidağ-Qabaqyal, uzununa istiqamətli isə Ordubad-İrəvan və Zəngəzur
dərinlik qırılmaları boyunca keçir. Qırılmalar, şariajlar –tangensial hərəkətlərin məhsuludur. Bu
hərəkətlər nəticəsində yer qabığı titrəyir və bunun nəticəsində zəlzələlər əmələ gəlir.
Tərtib edən T.Kəngərli
Alpa qədər Naxçıvan Muxtar Respublikası ərazisinin dərinlik qırılmaları
Ümumi qafqaz istiqamətli qırılmalar
11-11. Zəngəzur tektonik dərinlik qırılması
12-12. Şərur -Ordubad tektonik dərinlik qırılması
13-13. Cənubi Araz tektonik dərinlik qırılması
Eninə istiqamətli qırılmalar
IV-IV. Arpa çay-Samur tektonik dərinlik qırılması
III-III. Nehrəm-Ləkətağ (Əlincəçay) tektonik dərinlik qırılması
Ortaqonal (Perpendikulyar) istiqamətli qırılmalar
j-j. Şərur-Göyçə tektonik dərinlik qırılması
Naxçıvan ərazisində zəlzələlərin instrumental tədqiqatlarına ötən əsrin 50-ci illərindən sonra
başlanmışdır. Apardığımız araşdırmalar 1980-2003-cü illəri əhatə edir. Naxçıvan Muxtar Respub-
likasının tektonik plandakı yeri, geoloji-tektonik inkişaf yolu seysmogeoloji şəraitinin mövcud
vəziyyətini formalaşdırır. Regionun seysmikliyi və seysmogeoloji şəraiti bilavasitə seysmotektonik
şəraitin mürəkkəbliyi ilə izah olunur. Naxçıvan Muxtar Respublikasında baş verən zəlzələlərin böyük
bir hissəsi Zəngəzur seysmogen zonası, Türkiyə, Ermənistan və İİR ərazisi ilə əlaqədar olmuşdur.[3]
1980-2003-cü illərdə Naxçıvan və ona yaxın ərazilərin
seysmikliyi
Tərtib edən: T.Məmmədov
25.03.1980 –cı il zəlzələsi. Naxçıvan şəhərindən 10km cənubda baş vermiş zəlzələnin
intensivliyi 5-6 bal hüdudlarında dəyişmişdi. MR ərazisində müxtəlif intensivlikdə hiss olunmuşdur.