- 107 -
Böyükdüz ərazisində yayılmış şoran torpaqlar
Torpaq münbitliyinin azalmasına təsir göstərən
amillərdən biri də sahələrdə aqrotexniki qaydalara
düzgün riayət edilməməsi və torpaqların həddən artıq
istifadə
olunması
nəticəsində
deqradasiyaya
uğramasıdır. Torpaqlardan istifadə edərkən aqrotexniki
qaydalara düzgün riayət olunmalıdır. Uzun illər boyu
mədəni bitkilər altında istifadə olunan torpaqlar bir
müddət dincə qoyulmalıdır.
Mənfi antropogen amillərdən biri də nəzarətsiz
suvarma nəticəsində torpaqlarda baş verən irriqasiya
eroziyasıdır. Bu prosses nəticəsində torpaqların üst münbit hissəsi yuyulur, dərin şırım və yarğanlar
yaranır nəticədə torpaqlar yararsız hala düşür. İkinci bir tərəfdən nəzarətsiz buraxılan sular çökək
yerlərə toplanaraq bataqlıqlar yaradır. İrriqasiya eroziyası və bataqlaşma proseslərinə Muxtar
Respublikanın Babək və Şərur rayonlarının düzənlik zonasında yerləşən bir neçə təsərrüfat
sahələrində rast gəlinir (4.səh 31). Hazırda Naxçıvan MR ərazisində 1468 ha bataqlıqlaşmış torpaq
sahəsi var ki, bunun da 1440 hektarı düzənlik hissədə yerləşir.
Çökək sahələrdə toplanmış sular
Antropogen amillərdən otarılma, ağac və kolların
qırılması, plansız nəqliyyat yollarının çəkilişi, tikinti
materialları, mədən sənayesinin inkişafı da torpaqların
ekologiyasına təsir edən faktorlardandır (3. səh 75).
Naxçıvan Muxtar Respublikasının ərazisi
geoloji quruluşunun mürəkkəbliyinə, tektonik inkişaf
tarixinə görə digər regionlardan fərqlənir. Geoloji
inkişaf tarixindən asılı olaraq ərazi faydalı qazıntılarla
zəngindir.
Ərazidə daşduz istehsalı, polimetal filiz
yataqları haqqında ilk məlumatların kökləri eramızın VII-IX əsrlərinə gedib çıxır. Təzəkənd və
Tunbul kəndləri ətrafında yerləşən şora təzahürlərindən və Gömür kəndi yaxınlığındakı kükürd
yatağından müxtəlif məqsədlər üçün istifadə edilmişdir.
Sonrakı dövrlərdə sistemli geoloji kəşfiyyat işləri nəticəsində Naxçıvan MR ərazisinin
müxtəlif faydalı qazıntı yataqları aşkar edilmiş və onların bir qismindən istifadə edilmişdir. Ərazidə
duz istehsalının genişlənməsi, tikinti materialı olan gəc və gips istehsalı üçün xammalın olması bu
sahələrin inkişafına səbəb olmuşdur.
Sosial infrastruktur sahələrin inkişafı üçün xammalla təchiz olunmasında landşaftlara və
onun bazisi olan torpağa ciddi ziyan vurulur. Bu zaman ətraf mühitə çoxtərəfli: faydalı qazıntıların
çıxarıldığı və zənginləşdiyi yerdə, daşınan zaman və istehsal edilən ərazidə təbiətə ciddi ziyan
dəyir.Torpağın məhsuldar qatının strukturu pisləşir, torpaq deformasiyaya uğrayır, bitki örtüyü
tamamilə məhv olur. Meşə zolağından yol çəkilərkən xeyli sahədə meşə qırılır. Belə ki,
uzunluğu
1 km, eni 10-15 m olan yol çəkilərkən 1,0-1,5 hektar meşə sahəsi ziyan çəkir, qırılır. Yol tikintisi
zamanı götürülən süxur kütləsi qonşu ərazilərə tökülür ki, bu da yenə torpaqların sıradan çıxmasına
səbəb olur. Bir ağacın normal hala düşməsi üçün 3-5 il lazım gəldiyini nəzərə alsaq landşaftlara nə
qədər ziyan vurulduğu bizə aydın olar. Muxtar Respublika ərazisində istehsal edilən hörgü
materiallarından gəc və gips istehsalı üçün zəngin xammal ehtiyyatı vardır. Bunlardan müəyyən
miqdarda gəc istehsal edilir. İstehsal prosesi vaxtı ilə primitiv üsullarla aparıldığından təbiətə böyük
ziyanlar dəymişdir. Xammal mədənləri ətrafında torpaqlar çirklənir, sıradan çıxır nəticədə təbii
landşaft da pozulur. Burada istifadəyə yaramayan tullantılar geniş sahələrə yayılır, qalxan toz
bitkilərin üzərinə qonaraq onları məhv edir (2.səh. 198).
- 108 -
Tullantılarla çirklənmiş torpaq sahələri
Müasir texnika və texnologiyadan istifadə
etməklə dövlət sektorunda gəc bişirmə sexlərini və
digər hörgü materialları istehsalını təmərküzləşdir-
mək olar.
Gəc istehsalı zamanı işlədilən çöl şpatının
Duzdağın yüksək təpələrində olması bu təpələrin
bulduzerlər vasitəsilə dağılmasına səbəb olur ki, bu
zaman həm təpənin üst hissəsinin təbii landşaftı,
həm də təpənin ətəklərində nisbətən zəngin
landşaftın dağılmasına və torpaqların deqradasiyasına səbəb olur.
Naxçıvan Muxtar Respublikasının ərazisində yerləşən Naxçıvan Duz mədəni, Asnı travertin
mədəni, Cəhriçay və Lizbert mergel sement mədənlərinin istismarı zamanı da xeyli miqdarda tullatı
əmələ gəlir. Burada çıxarılan mineral ehtiyyatların tullantıları ətraf torpaqlara ciddi ziyan vurur.
Açıq üsulla çıxarılan yataqların tullantıları külək vasitəsilə ətrafa yayılır ki, bu da torpaqların
çirklənməsinə və yararsız hala düşməsinə səbəb olur. Qeyd olunan mənfi təbii və antropogen
faktorların təhlilindən aydın olur ki, torpaqlarda gedən deqradasiya prosesləri muxtar respublikanın
iqtisadiyyatına külli miqdarda ziyan vurur. Buna görə də torpaqlara dövlət nəzarəti daha da
gücləndirilməlidir (4. səh. 32).
Naxçıvan MR-də torpaqların ekoloji problemlərini nəzərə alaraq aşağıdakı tədbirlərin
görülməsi məqsədəuyğundur:
1.
Torpaq örtüyünün pozulması dərəcəsini azaltmaq üçün təsərrüfat işləri zamanı torpaqlara
dəyən ziyan azaldılmalı və torpaqlardan istifadə optimallaşdırılmalıdır.
2.
Şoran torpaqların duzdan yuyulması və təkrar şoranlaşmaya qarşı mübarizə tədbirlərini
həyata keçirməlidir.
3.
Suvarma və drenaj sistemləri yenidən qurulmalı, qrunt sularının səviyyəsini daim nəzarətdə
saxlanmalıdır.
4.
Çirklənmiş, pozulmuş və münbitliyini itirmiş torpaqların münbitliyinin və bərpa edilməsi
üçün tədbirlər həyata keçirilməlidir.
ƏDƏBİYYAT
1.
Babayev S.Y. Naxçıvan Muxtar Respublikasının coğrafiyası, Bakı, Elm, 1999, 289 s.
2.
Həsənov Ə.M. Naxçıvan MR-in təbii sərvətləri və onlardan istifadə yolları, Bakı-2001, 246 s.
3.
Babayev M.P., Qurbanov E.A., Həsənov V.H. Azərbaycanda torpaq deqredasiyası və müha-
fizəsi, Bakı, Elm, 2010, 216 s.
4.
Hacıyev S.Ə. Naxçıvan Muxtar Respublikası torpaqlarının ekoloji qiymətləndirilməsi, Bakı
MBM, 2009, 296 s.
ABSTRACT
Ulviya Iskenderova
ON THE PROBLEM OF SOIL DEGRADATION IN THE
NAKHCHIVAN AUTONOMOUS REPUBLIC
The complexity of the relief and the sharp continental climate in the Nakhchivan
Autonomous Republic cause a variety of soil vegetation.
As, as a result of natural and anthropogenic impact, the soil degrades here, which leads falling
soil fertility and reduction in productivity. As a result, degraded lands are unfit for planting. Factors
influencing the soil ecology are also affected by anthropogenic factors, destruction of trees and
shrubs,
unplanned transport,
construction materials, mining.
Waste creating in the exploitation processof the Nakhchivan salt mine, Asnı travertine
mine, Jahrichay and Liasbert marl cement mine located in Nakhchivan Autonomous Republic
damage the land.