203
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 7 (88)
NAKHCHIVAN STATE UNIVERSITY.
SCIENTIFIC WORKS, 2017, № 7 (88)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 7 (88)
ŞƏHLA QULİYEVA
Naxçıvan Dövlət Universiteti
UOT:
612.8
İNSANIN SİNİR SİSTEMİ – SYSTEMA NERVOSUM
HAQQINDA ELMİ-NƏZƏRİ FİKİRLƏR
Açar sözlər:
tibb, sinir, sistem, orqanizm, refleks
Key words: medical, nervous, system, organism, reflection
Ключевые слова: медицина, нервы, система, организм, рефлекс
Anatomiya və fiziologiya biologiya elminin mühüm sahələrindən hesab olunur.
Biologiyanın sahələrdən bəzilərinin inkişaf tarixi eramızdan əvvəllərə təsadüf edir. Hələ o dövrlərdə
yaşamış təbabətin atası adlandırılan Hippokrat, II əsrdə yaşamış italyan alimi K.Qalen, X-XI
əsrlərdə yaşamış türk alimi Əbu Əli ibn-Sina anatomiya, fiziologiya və gigiyenaya aid əhəmiyyətli
məlumatlar vermişlər. XVI əsrin əvvəllərində Andrey Vezali anatomiya, XVII əsrin əvvəllərində isə
Vilyam Harvey fiziologiya elminin əsasını qoymuşlar. “Refleks” termini tibb elminə çex alimi
Proxaska tərəfindən gətirilmişdir. XVII əsrdə fransız filosofu Rene Dekard ilk dəfə refleks haqqında
fikir söyləmişdir. Refleks orqanizmin mərkəzi sinir sisteminin iştirakı ilə xarici mühit amillərinin
təsirinə qarşı verdiyi cavab reaksiyasıdır. Refleks sözü yunanca “əksetmə, rəddetmə” deməkdir.
Orqanizmin hər hansı qıcığa qarşı cavab reaksiyası refleks qövsü adlanır. Refleks qövsü 5 hissədən
ibarətdir: 1. Qıcığı qəbul edən sinir ucları – reseptor sahə, 2. Hissi (afferent) – qıcığı mərkəzi sinir
sisteminə nəql edən sinir, 3. Hissiyyat mərkəzi – mərkəzi sinir sistemində qıcığı qəbul edən neyron
toplusu, 4. Hərəki (efferent) sinir lifləri – mərkəzdə qəbul edilən sinir impulsunu icraçı üzvlərə
çatdıran hərəki və sekretor sinirlər, 5. İcraçı üzvlər.
Qıcığın təhlili əvvəlcə reseptorlarda başlayır, hər qıcıq qəbul edilmir, reseptor ancaq özünə
uyğun olan qıcığı qəbul edir. Daha dərin təhlil beyin qabığında aparılır. Burada təhlil differensiasiya
yolu ilə (hər hansı qıcıq özünə müvafiq qabıq mərkəzinə ötürülür) aparılır. Sintez prosesi də eyni
qanunauyğunluqlarla həyata keçirilir. Bu proseslərin insanlar üçün mürəkkəb, heyvanlar üçün isə
sadə formaları xasdır.
Rus təbabətinin görkəmli klinisisti, məşhur alim və pedaqoq Q.A.Zaxarin orqanizmin həyat
fəaliyyətində sinir sisteminin böyük əhəmiyyət kəsb etdiyini söyləmişdir.
A.A.Ostroumov fiziologiyaya aid bir sıra dəyərli əsərlər yazmışdır. Bu əsərlərdə sinir
sisteminin tər ifrazında, damarların genişlənməsində və daralmasında böyük rolunun olduğunu qeyd
etmişdir. A.A.Ostroumov üzvlərin reflektor və ya əks olunmuş pozğunluqlarına aid gərəkli
məlumat işləyib hazırlamışdır. O qeyd edirdi ki, orqanizmin vəhdəti və ayrı-ayrı üzvlərin arasındakı
qarşılıqlı əlaqə sinir sistemi vasitəsilə həyata keçirilir. Məhz buna görə də çox vaxt öddaşı
xəstəliyində döş anginası tutması, böyrəkdaşı xəstəliyi zamanı dispepsiya və qusma halları olur.
Görkəmli alim, həmçinin, orqanizmin funksional pozğunluqları zamanı mərkəzi sinir sisteminə və
trofik təsirlərə mühüm əhəmiyyət vermişdir.
XIX əsrin ortalarına qədər elmi mənbələrdə sinir sistemində yalnız oyanma prosesi getməsi
haqqında məlumatlar əsas yer tutur. Lakin məşhur rus fizioloqu İ.M.Seçenov 1862-ci ildə ilk dəfə
olaraq mərkəzi sinir sistemində ləngimə hadisəsini kəşf etmişdir. Sonralar müəyyən olunmuşdur ki,
hər bir sinir hüceyrəsi həm oyanma, həm də ləngimə halına düşə bilər. Ləngimə fəaliyyətsizlik
demək deyil. Bu hadisə sinir hüceyrələrinin elə bir durumudur ki, bu zaman oyanma həmin
hüceyrələrdən keçə bilmir. Hansı reflekslərdə ləngimə mənbəyi əmələ gəlirsə, həmin reflekslər ya
zəifləyir, ya da ləngimə olduğu müddətdə tamamilə itir. Sinir sisteminin hər iki vəziyyəti, yəni
ləngimə və oyanma sinir sisteminin normal fəaliyyəti üçün eyni dərəcədə zəruri olan hadisədir.
Bundan başqa İ.M.Seçenov 1863-cü ildə heyvan və insanın ən mürəkkəb davranışlarının, şüur
və təfəkkürün beyində baş verən reflektor fəaliyyətin məhsulu olduğunu göstərən bir fərziyyə irəli
204
sürmüşdür. Daha sonralar İ.M.Seçenovun bu fikirlərini İ.P.Pavlov təcrübə yolu ilə sübut etmişdir. Elə
buna görə də dünyanın elm aləmi İ.P.Pavlovu ali sinir fəaliyyəti haqqında müasir təlimin banisi hesab
edir. Alim həzm şirələrinin reflektor surətdə ifraz olunmasının səbəblərini öyrənərkən bəzi faktlarla
qarşılaşmışdır. Bunlar onun üçün də anlaşılmaz olmuşdur. Təcrübə obyekti olaraq seçilmiş itlərdə ağız
suyu və mədə şirəsi itlərə qida verən zaman, həm də onlar qidanın iyini hiss etdikdə, onlara qida verən
adamın ayaq səsini eşitdikdə belə ifraz olunmağa başlayır. Pavlov isə bütün bu hadisələri analiz
etmişdir. O belə bir nəticəyə gəlmişdir ki, insanlarda və heyvanlarda anadangəlmə reflekslərlə yanaşı,
bir sıra digər reflekslər də mövcuddur. Həmin reflekslər isə orqanizmin həyatı boyu qazanılır. Buna görə
də İ.P.Pavlov refleksləri iki qrupa ayırmışdır: şərtsiz və şərti reflekslər. Alim şərtsiz yəni, anadangəlmə
reflekslərin özünü də 7 qrupa bölmüşdür:
1. Qidalanma refleksləri
2. Müdafiə və ya xilas
olma refleksləri
3. Cinsi reflekslər
4.Valideynlik refleksləri
5. Bələdolma refleksləri
6. Stato-kinetik (dayaq-hərəki) və ya lokomotor reflekslər
7. Homeostazı (bədənin daxili mühit sabitliyini) saxlamağa yönələn reflekslər.
Neyrofizioloq N.A.Rojinski 24 növ bioloji refleks müəyyənləşdirmişdir. İ.M.Konorski isə
bütün şərtsiz refleksləri saxlanılan və qoruyucu reflekslər qrupuna aid etmişdir.
İ.P.Pavlov sübut etmişdir ki, orqanizmin həyat fəaliyyətinin əsasını mərkəzi sinir sisteminin
şərti reflektor fəaliyyəti təşkil edir. O nervizm dedikdə orqanizmin mümkün olduqca daha çox
fəaliyyətinə sinir sisteminin təsirinin şamil etməyə çalışan fizioloji cərəyanı nəzərdə tuturdu.
Nervizm nəzəriyyəsi orqanizmin bütövlüyünü əsaslandırır. Bu isə həyat proseslərini tənzim edən
sinir sistemi ilə təmin edilir.
İ.P.Pavlovun insanın bütün həyat fəaliyyəti proseslərində orqanizmin bütövlüyü, onun xarici
mühitlə vəhdətində mərkəzi sinir sisteminin əsas rol oynaması haqqındakı təlimi tibb elminin təbii-elmi
əsasını təşkil edir. Ümumiyyətlə, İ.P.Pavlov bütün sinir sistemi tiplərini iki yerə ayırmışdır: ümumi və
xüsusi. Heyvanların və insanların sinir sistemini ümumi qrupa, yalnız insanın sinir tipini isə xüsusi
qrupa aid etmişdir.
Xarici mühitin bütün qıcıqları I və II siqnal sistemlərinin elementlərindən təşkil olunmuşdur.
Ətraf aləmin bütün materiya və hadisələri I siqnal sisteminə, I siqnal sisteminin bütün elementlərinə
insanlar tərəfindən verilən adlar, onların söz ilə ifadəsi isə II siqnal sisteminə aiddir. Pavlov II
siqnal sistemini “siqnallar siqnalı” adlandırmışdır.
Bütün bunlarla yanaşı, İ.P.Pavlov qıcığı qəbul edən sinir ucları, keçirən neyronlar və baş
beynin böyük yarımkürələrinin sensor hüceyrələrinin cəmini analizator adlandırmışdır. Beyin qabığı
analizatorların qabıq uclarının cəmindən təşkil olunur. Brodmanın fikrincə (1909), yeni qabıq
qatında 52 anatomofunksional mərkəz ayırd edilir.
Nitqin hərəkət mərkəzi, yəni artikulyasiya – ümümi hərəki mərkəzə yaxın, aşağı alın
qırışığının arxa hissəsində yerləşir. Bu mərkəz pozulduqda hərəki afaziya yaranır. Afaziya zamanı
nitq əzələlərinin hərəkəti, qışqırmaq, oxumaq bacarığı qaldığı halda, sözləri ifadə etmək qabiliyyəti
itirilir. 1919-cu ildə E.K.Seppoyun fikrincə, ona yaxın başqa bir mərkəz pozulduqda isə vokal
amuziya – mahnı oxumaq, musiqi və sözlərdən cümlə düzəltmək qabiliyyəti itirilir (aqramatizm).
Nitq mərkəzlərinin əsası yarımkürələrdə yerləşir. Bir tərəfdə hərəkiliyi daha yaxşı inkişaf
edir. Belə ki, nitq mərkəzi sol tərəfdə yerləşir. Beyinin sol tərəfində pozğunluq olarsa, sağ qol, sağ
ayaq iflic olur, dil tutulur. Sağ tərəf pozulduqda isə bədənin sol tərəfi iflic olur, amma nitq
saxlanılır. 1985-ci ildə S.N.Şiringer və A.D.Deutsin fikrincə, isə sol yarımkürə nitq mərkəzlərinin
daha çox fəallığı ilə xarakterizə olunur. Ümumiyyətlə, sol beyin yarımkürəsi – mücərrəd, sağ isə
konkret
hissiyyat, yaddaş beyni hesab olunur.
Yetkin insanın beyin qabığının ümumi sahəsi 2000-2500 sm
2
olur. Həmçinin beyin qabığında
14-18 milyarda yaxın neyron olduğu qeyd olunur. 1972-ci ildə R.Qeyz və 1989-cu ildə B.A.Nikityuk
tərəfindən neyronların sayının 10 milyarddan 50 milyardadək olması barədə məlumatlar söylənilir.
B.A.Nikityukun fikrincə, qadınların baş beyninin çəkisi kişilərinkinə nisbətən 10% az olur. Bundan
başqa, B.A.Nikityuk və V.P.Çtesov qeyd etmişlər ki, baş beynin qocalması stress faktorlarının
sıxlığından asılıdır.
Dalqertin də bu barədə fikirləri maraqlıdır. O qeyd etmişdir ki, beyin qabığı bütün beyin
hissələrinin 53,7 %-ni, bazal nüvələr isə 3,7 %-ni təşkil edir.