Cəbr mahiyyətcə görülən işləri insandan uzaqlaşdırmaq və
onları hər şeydən uca Yaradana aid etməkdir. Cəbrilər qruplara
bölünür: «həqiqi cəbrilər» insanın sərbəst fəaliyyət göstərmək
qabiliyyətini tamamilə inkar edənlərə deyilir. «Mötədil
cəbrilər» insanın qabiliyyəti olduğunu qəbul edir, lakin bu
qabiliyyət heç nə yarada bilmir».^^
Mötdzildr
(ərəbcə - «itazala» - uzaqlaşma, kənarlaşma
deməkdir) islam tarixində birinci olaraq ilahiyyatda rasionalist
(ağıla əsaslanan) cərəyanın yaradıcdan hesab edilir. Bu
məktəbin baniləri Vasil ibn Əta (öl. 749) və Əmir ibn Übeyd (öl.
762) sayılırlar.
Mötəzilər göstərirdilər ki, din məntiqi mühakimələrin
cəminə əsaslanır. İlahiyyatçılar isə, əksinə, təsdiq edirdilər ki,
belə fikir din üçün deyil, fəlsəfə üçün məqbuldur. Din vicdan
işidir, o elmi nəzəriyyəyə oxşamır, buna heç ehtiyac da yoxdur.
İlahiyyatçılar hesab edirlər ki, mötəzilərin fəlsəfəsi təfəkkürü
yüksəldir, ruhu isə zəiflədir.
Mötəzilərin sufilərdən fərqi odur ki, onlar ağılın qüdrətinə,
sufilər isə hissiyyata və inama istinad edirlər.
Əş-Şəhristaninin (1075/86-1153) yazdığına görə, mötəzilər
arasında bəzi fikir ayrılıqları olubdur. Lakin «onlar bir məsələdə
həmrəy idilər; insan müstəqil hərəkət etməyə qabildir, öz
əməllərinin - həm yaxşı, həm də pisinin yaradıcısıdır, gördüyü
işlərə uyğun olaraq axirət dünyasında mükafat və ya cəzaya
layiqdir».^*
Batinilik
(ərəbcə «batin» - sirli, bağlı, gizli) tərəfdarlannm
fikrincə Quranın özünəməxsus gizli mənalan var. Bu cərəyan
zahirlik
(ərəbcə - aşkar, görünən), yəni hərfi dəqiqlik
cərəyanına qarşı qoyulurdu.
Batinilik təliminə görə həqiqi dindarlar günahdan azaddırlar;
şeylərin görünən tərəfi əsas deyil, ona görə ki, həqiqət
görünməz və gizlidir, hiss üzvləri vasitəsilə qavranıla bilməz;
ağıl biliyin qaynağı ola bilməz, çünki məntiqi mühakimələr
bir-birinə ziddir; ağıllı adamların fikirləri çox hallarda bir-
birinə uyğun gəlmir.
Dostları ilə paylaş: