Əksliklərin vəhdəti və mübarizəsi qanunu.
Dialektik təlimə
görə ziddiyyət bir-birini inkar edən və bir-birini şərtləndirən
əksliklərin vəhdətidir. Əksliklərin vəhdəti həmişə nisbidir,
müvəqqətidir, mübarizə isə çox hallarda mütləqdir.’Əksliklərin
vəhdətinin nisbiliyi - nisbi sükunət ilə, əksliklərin mübarizəsinin
mütləqliyi - mütləq hərəkət ilə əlaqədədir.
Dialektikada əksliklərin vəhdəti və mübarizəsi kimi ziddiyyət
varlığın ümumi formasıdır. Hegel sübut edirdi ki, ziddiyyət
ümumi xarakter daşıyır və dünyanı hərəkətə gətirir. Dialektik
materializmə görə isə ziddiyyətlərin universallığı ondadır ki,
onlar varlığın bütün sahələrində, idrak prosesinin bütün
mərhələlərində fəaliyyət göstərir.
Filosoflann çoxu ziddiyyətlərin mövcud olmasının əleyhinə
deyil, onlann mütləqləşdirilməsinə qarşı çıxış edirlər. Onlann
fikrincə sovet dövrünün filosoflarının və marksistlərin çoxunun
şərhində banşmaz münaqişə modeli fəlsəfənin əsasında dayanır:
həyat ağ və qara tərəflərdən ibarətdir, insanlar bizimkilər və
yadlar, tamamilə doğru və tamamilə günahkar kimi iki qrupa
bölünür. Barışmaz mübarizə (əslində müharibə) və əks tərəfin
tamamilə məhv edilməsi münaqişənin həll edilməsinin əsas
vasitəsi hesab edilirdi. Marksist leksikonunda «mübarizə» ən çox
işlənilən söz idi. Bütün mülahizələrin və planların mərkəzində
sinfi mübarizə, ictimai-siyasi formasiyaların və ideologiyaların
181
mübarizəsi, çoxlu «xalq düşmənləri» ilə mübarizə fikri dururdu.
Bu yalnız siyasi vəziyyətin və taktikanın atributu deyil, eyni
zamanda hakim dünyagörüşü, onun prinsipləri və ideallan idi.
Zarafat şəklində tərtib edilmiş anketi doldurarkən, Marks
xoşbəxtliyi necə başa düşür sualına qətiyyətlə cavab vermişdi:
«Mübarizə». Əksliklərin vəhdəti və mübarizəsi qanunu dialek-
tikanın ən əsas qanunu elan edilmişdi. Stalin isə bunu mübarizə
qanununa (yalnız mübarizə) çevirmişdi. Lenin göstərirdi ki,
əksliklərin mübarizəsi mütləqdir. Mübarizə ifrata çatdınlıb
univer- sallaşdınlmışdır.
Ziddiyyətin hərəkətin qaynağı olması fikrini birinci dəfə
ümumi şəkildə qədim yunan filosofu Heraklit söyləmiş, lakin
bu fikri universal şəkildə işləyib idrak prosesinə tətbiq edən
Hegel olmuşdur. O, yazırdı: «...Əkslik... hər cür hərəkətin və
həyatiliyin köküdün>. Bu müddəa Marks və onun davamçılan
tərəfindən materializm əsasında yenidən işlənmişdi. Lenin
göstərirdi ki, «inkişaf əksliklərin mübarizəsidir».
Dialektik ziddiyyətlərin mahiyyəti aşağıdakı formula ilə
ifadə edilir: ziddiyyət öz-özünə hərəkətin mahiyyətidir. Öz-
özünə hərəkət isə ziddiyyətin mövcudluq üsuludur. Ziddiyyət
əks dəyişgənlik tendensiyası olan əks tərəflərin və ya cisimlərin
qarşılıqlı təsiridir.
Marksist fılosoflann fikrincə əks tərəflərin mübarizəsi zəruri
olaraq yeni, daha yüksək keyfiyyət vəziyyətinə keçməyi tələb
edir, yəni bu mübarizə hərəkətin və inkişafın qaynağıdır. Lenin
dialektikanı əksliklərin vəhdəti haqqında təlim adlandırmışdı.
Dostları ilə paylaş: |