göstərir ki, bəşəriyyət qlobal
informasion infrastruktur
yaratmaq yolundadır.
Yeni yüzillikdə elm və texnologiyanın fantastik inkişafını
gözləmək olar. Texnologiyada dəyişiklik ağlagəlməz sürətlə baş
verəcək. Molekulyar biologiya bitki və heyvan orqanizminə
genetik müdaxilənin yeni növlərini, həmçinin tibbi müalicənin
yeni səmərəli metodlarını mümkün edəcək. Kompüterlər və
məlumatın rəqəmlərlə verilməsi biznesdə, təhsildə və kütləvi
informasiya vasitələrində yeni imkanlar yaradacaq.
EXT nəticəsində postindustrial cəmiyyət, müasir kapitalizm,
texnotron və yaxud informasion cəmiyyət adlanan yeni tip
cəmiyyət bir sıra ölkələrdə artıq formalaşıbdır. Bu yeni
cəmiyyətdə ən mükəmməl texnologiyaya yiyələnlər maksimum
gəlir əldə edirlər. Bunun üçün elmi tədqiqatları intensiv-
ləşdirmək, onların tətbiqini sürətləndirmək, təhsilin səviyyəsini
qaldırmaq, geniş informasiya şəbəkəsi yaratmaq, əhalinin sosial
müdafiəsini əhəmiyyətli dərəcədə təmin etmək zəruridir. Yeni
şəraitdə cəmiyyətin fiziki deyil, intellektual potensialı ön plana
çəkilir. Kadrların ixtisas dərəcəsi və savadı xüsusi əhəmiyyət
kəsb edir. Ən vacib məsələlərdən biri də istehsal prosesini idarə
etməyin texniki təşkili və sosial aspektlərini öyrənən fənnə -
menecmentə əsaslanmaqdır.
Kompüterləşmə insan həyatının bütün sahələrinə tədricən
daxil olur (sənaye, dəftərxanaçılıq, bank və rabitə xidməti,
təhsil, məişət və s.).
Kompüter texnologiyasının, internetin, multmedia və qlobal
rabitə vasitələrinin sürətli ekspansiyası artıq virtual məkan
anlayışlarına və obrazlarına əsaslanan insan fəaliyyətinin
prinsipcə yeni növlərinin yaranmasına gətirib çıxardı: yeni
informasion iqtisadiyyat, kommunikavistika, mass-media
fəlsəfəsi (və yaxud imaqologiya), virtual coğrafiya və b.
Dostları ilə paylaş: 
