4.11.
Zərurət, təsadüf və qaçılmazlıq
Səbəb və nəticə arasındakı münasibət iki formada çıxış edə
bilər: zəruri və təsadüfi.
Zərurət
mövcud şəraitdə mütləq baş
verəcək şeyə deyilir.
Təsadüfi
belə xarakterizə etmək olar:
təsadüf o şeydir ki, gerçəklikdə baş verə də bilər, verməyə də
bilər. Zərurətin ali təzahür formasına
qaçılmazlıq (labüdlük)
deyilir.
D.Yum göstərirdi ki, oxşar hadisələrin daim birləşməsini
müşahidə edən adamlar, onlann gələcəkdə də birləşməsini
gözləməyə məcburdurlar. Zərurət ideyası elə həmin gözləmə
məcburiyyəti deməkdir. Oxşar hadisələrin oxşar səbəblərdən
sonra gələcəklərini gözləyərək biz fikirləşməyə başlayınq ki,
səbəb müəyyən hadisəni baş verməyə məcbur edir. Lakin Yum
soruşur ki, burada zərurət haqqında danışa bilərikmi? Yox,
danışa bilmərik, çünki biz yalnız bir şeyin başqa şeydən sonra
gəldiyini görürük. Biz gözləyə bilmərik, zərurəti nə görə, nə də
ümumiyyətlə hiss edə bilərik.
Ənənəvi olaraq belə hesab edilirdi ki, bütün zəruri olan
şeylər varlığın, əşyanın, onlann daxili səbəbləri ilə bağlıdır.
Zərurət predmet və hadisələrin daxili tərəfinin bir aspektini
ifadə edir; təsadüf isə, əksinə, müxtəlif varlıq növlərinin xarici
xassə və əlamətlərini ifadə edir.
Lakin müasir tədqiqatçıların çoxu müəyyən ediblər ki,
zərurət yalnız daxili deyil, həm də xarici əlaqələr üçün də
xarakterikdir, təsadüf yalnız xarici deyil, həm də daxili
səbəblərlə şərtlənir. Ona görə ki, xarici - yalnız kənardan
gətirilən şey deyil. Xarici - tədqiq edilən daxilin üzdə olan
tərəfidir.
Əgər hər şey səbəblə şərtlənirsə və səbəb-nəticə əlaqəsi
zəruri xarakter daşıyırsa, buradan belə nəticə çıxarmaq olar ki,
təsadüf üçün ümumiyyətlə yer qalmır. Mexaniki determinizm
məhz belə hesab edir və zərurəti səbəbiyyət ilə eyniləşdirir.
Mexaniki determinizmin tərəfdarlan təsadüfi səbəbi məlum
olmayan hadisə hesab edirlər. Əgər səbəb dərk edilirsə, o
zərurətə çevrilir. Beləliklə, təsadüf təmiz subyektiv kateqoriya
olur; zərurət mütləq mənada başa düşülür və bütün baş
verənlərin öncədən müəyyən edilməsi ideyası - fatalizm ilə
ifadə edilir.
60
Dialektik materializmə görə həm zərurət, həm də təsadüf
obyektiv xarakter daşıyır və səbəblə şərtlənirlər. Obyektiv
əlaqələrin bu iki növü səbəbin xarakterinə görə fərqlənirlər.
Zərurət və təsadüf bir-biri ilə qırılmaz bağlarla əlaqədədir və
müəyyən şəraitdə bir-birinə keçirlər - zərurət təsadüfə, təsadüf
zərurətə çevrilir. F.Engels təsadüfi zərurətin təzahür forması
adlandırırdı. Zərurət bilavasitə hissi qavrayışla qəbul edilmir,
çoxlu təsadüfi xassə və əlaqələrdən keçərək özünə yol açır. Elm
yalnız zərurəti açaraq qanunauyğun əlaqə və münasibətləri dərk
etməyə başlayır, uyğun qanunları formalaşdırır. Zərurəti
açmadan təbiət və cəmiyyətdəki qanunauyğunluqları dərk
etmək mümkün deyil.
Marksist fəlsəfəyə görə zərurət kateqoriyası qaçılmaz (labüd)
olaraq başqa cür yox, məhz bu şəkildə baş verməli olan bu və ya
başqa hadisənin mütləq meydana gəlməsini və inkişafını
şərtləndirən əlaqəni əks etdirir. Lakin təsadüf kimi o da təmiz
şəkildə mövcud olmur: təsadüf zərurətin əsasında baş verir. Ona
görə də təmiz şəkildə zərurəti qəbul etmək onu
ideallaşdırmaqdır, bir sıra təsadüfi faktlardan təcrid olunmaqdır.
Belə ideallaşdırma, dinamik qanunauyğunluqlarda (sərt deter-
minasiya qanunauyğunluqlarında) baş verən zərurəti əks etdirən
mexanikada və klassik fizikada asanlıqla həyata keçirilsə də,
yalnız çoxlu təsadüfi hadisələrin ümumiləşdirilməsi əsasında
üzə çıxarıldığı mürəkkəb, xüsusən sosial hadisələrin dərk
edilməsində həyata keçirilə bilməz. Məsələn, demoqrafiya və
miqrasiya proseslərində, hər bir ayrı hadisə bütövə münasibətdə
təsadüf hesab edilir. Lakin bir yerdə götürüləndə bu proseslər
sabit, təkrar olunan zəruri meyllər (tendensiyalar) kimi çıxış
edirlər.
Bəzi filosoflar çox hallarda zərurəti qanun və yaxud
qanunauyğunluq ilə eyniləşdirirlər. Bu halda xarici asılılıq
zərurət sahəsindən kənar edilir, zərurətə yalnız daxili faktor kimi
baxılır; təsadüf isə qanun çərçivəsinə girməyən xarici hadisələr
hesab edilir.
Klassik fizika fundamental prosesləri determinasiya olunan
və dönmək qabiliyyəti olan proseslər kimi tədqiq edirdi. Tə-
61
sadüf və yaxud zərurət ilə əlaqədə olan proseslər ümumi
qaydadan təəssüf doğuran istisna hesab edilirdi. Lakin son
onilliklərdə təbiətşünaslıqda əhəmiyyətli dəyişikliklər baş verdi.
Nəticə etibari ilə biz indi daha dərindən anlayınq ki, elementar
hissəciklərdən başlamış kosmologiyaya qədər bütün səviyyələrdə
təsadüf və zərurət mühüm rol oynayır və bunun əhəmiyyəti
biliklərimiz genişləndikcə daha da artır. Bu kateqoriyalara indi
istisna kimi yox, ümumi qayda kimi baxılır.
Dostları ilə paylaş: |