Elşən Misir oğlu Nəsibov
Yüklə 2,85 Kb. Pdf görüntüsü
|
- Bu səhifədəki naviqasiya:
- Efir yaradıcılığı
186 -ədəbiyyat qüsurları və eybəcərlikləri ifşa yolu ilə hadisələrə müsbət və mənfi qiymət vermək qabiliyyətini insanlarda aşılayır. Bu da nəticə etibarilə ədalətli cəmiyyətlərin qurulmasına səbəb olur; -ədəbiyyat yaradıcılıqda və quruculuqda əks olunur ki, bu da özlüyünndə mədəniyyətin tərkibinə çevrilir; -ədəbiyyat incəsənətin də formalaşmasını təmin edir ki, bu da özlüyündə mədəniyyətin yaranmasını şərtləndirir; -ədəbiyyat şəxsiyyətin yetişməsini təmin edir, şəxslərin etik və estetik zövqlərini formalaşdırır. Bu da özlüyündə cəmiyyət üçün dəyərli şəxslərin yetişməsinə zəmin yaradır; -ədəbiyyat milli mədəniyyətin dünya mədəniyyətinin tərkib hissəsinə çevrilməsinə şərait yaradır ki, bu da cəmiyyətin beynəlmiləlləşməsi ruhuna müsbət təsirlərini göstərir; -bütün ədəbiyyatlar bilik mənbəyi rolunu oynayır ki, bu da cəmiyyətin maariflənməsinə, şəxslərin savadlanmasına şərt verir; -ədəbiyyat cəmiyyətin, xalqın, dünyanın tarixinin öyrənilməsinə rəvac verir və insanlarda tarixi-bədii şüurun formalaşmasını təmin edir; -ədəbiyyat ardıcıl yaradıcılıq və quruculuq təfəkkürünü meydana gətirir ki, bu da cəmiyyətin mədəni inkişafının ardıcıl təminatı üçün elementlərin üzərə çıxmasını şərtləndirir; -ədəbiyyat oxumaq faydalı vərdişləri də meydana gətirir ki, bu da cəmiyyətdə mədəni şəxslərin formalaşmasına, qaydalara tabe ola bilən, nizamlı şəxsərin yetişməsinə nəticə verir; -ədəbiyyat hadisələrdən nəticələr çıxarmaq yolu ilə insan ruhunun təmizlənməsində əvəzsiz iştirak edir. Haqsızlığa qarşı insanları mübariz və barışmaz olmağa səsləyir; -ədəbiyyat cəmiyyətdə mədəniyyət normalarının yaranmasını və çoxalmasını şərtləndirir və s . Yazılma tarixi-02 fevral 2016-cı il 187 Efir yaradıcılığının əsasları Efir yunancadan havanın ən yuxarı, şəffaf, sadə təbəqəsi kimi başa düşülür. Efir həm də radiodalğaların yayıldığı fəza kimi də məna bildirir. Bu baxımdan da belə qəbul etmək olar ki, efir siqnalların meydana gətirdiyi müəyyən ölçülü məkanlardan ibarətdir. Teleefir televiziya siqnallarının yayılması vasitəsi kimi qəbul olunur. Teleekranlarda efirlər mövcud olur və verilişlər də bu efirlər vasitəsilə yayımlanır, dalğalanır, tamaşaçıya çatdırılır. Məlumdur ki, teleefir görüntülü vasitədir və vizual obrazlanma nümunəsidir. Radio efir isə radio dalğalarının, siqnalların radioötürücülər və radioqəbuledicilər, radioqurğular, antenlər, eləcə də internet qurğuları vasitəsilə yayımlanmasını təmin edir və səsli efir vasitəsidir. Belə qərara gəlmək olar ki, tele və radio efir siqnallar, səs və görüntü ötürən, obyektləri əks etdirən məkandan ibarətdir. Bu gün bütün dünyada demək olar ki, məlumatların yayılmasını təmin edən vasitələr, resurslar geniş vüsət almışdır. Yaşadığımız postmodernist dünyada informasiyaların sürətlə yayılması, onun insanlara kollektiv və fərdi surətdə zamanında çatdırılmasının əhəmiyyəti vurğulanmaqdadır. İnformasiya əsiri dünya inkişafının avanqard mexanizmlərini hərəkət vəziyyətində saxlayan vasitələr qismində çıxış edir. Radio və televiziyanın yarandığı XIX-XX əsrlər radio-tele- elektronika əsrləri olmuşdur və bu da insan həyatının zaman, məkan və hadisələrlə komplektləşdirilməsini, informa- siyalaşdırılmasını təmin etmişdir. İnformasiyaların insan həyatında artan önəmi onun mahiyyətinin də genişlənməsini zəruri etmiş və bu baxımdan da informasiya fəlsəfəsinin meydana gəlməsinə zəmin yaratmışdır. Məlumat fəlsəfəsi özündə məkan, hadisələr, proseslər və zaman, imkanlar, şəraitlər, aydınlıqlar, müəyyənliklər və gerçəkliklər, zəruriliklər, zərurətlər və istəklər və onların informasiyalaşmış 188 formada qarşılıqlı əlaqələrini cəmləşdirmişdir. İnformasiya fəlsəfəsi həyatın hadisələri və onlar haqqında məlumatların subyektlərə ötürülməsi, sonrakı addımların baş vermiş hadisələrə uyğunlaşdırılması və gerçəkliklərlə uzlaşdırılması prinsiplərini özündə ehtiva etməkdədir. İnformasiya məkanı tutumunun böyük bir qismini efir (radio və televizya) yaradıcılığı da əhatə edir. Onu da əlavə etmək olar ki, öz yaranış başlanğıcını XIX əsrdən götürmüş televizorlar bu gün vizual effekt baxımından daha da təkmilləşdirilməkdədir. Televizorlar nazik plazmalar olan LCD, LED ilə əvəz olunmuşdur. Bu da özlüyündə informasiyalara və onların vizual əhəmiyyətli rəngarəng məzmunlarına olan marağı daha da artırmışdır. Efir yaradıcılığı dedikdə, radioda, televiziyada (anten, peyk, kabel-internet yayım formalı) veriliş yaradıcılığını, o cümlədən kinoxronika yaradıcılığını, şou-biznes və şou debat yaradıcılığını, ayrı-ayrı sahələr üzrə yaradıcılığı və film yaradıcılığını, həmçinin yaradıcılıq məhsullarının ekrana təqdim olunmasını başa düşmək olar. Efir yaradıcılığının tərkibinə veriliş hazırlığı, veriliş redaktorluğu və veriliş təqdimatı daxildir. Veriliş hazırlığı texniki hazırlıqdan və texniki vasitələrin köməyi ilə təqdimatdan, müəyyən müddət üçün nəzərdə tutulan verilişin təqdim olunmasından ibarətdir. Verilişlər aidiyyatı sahələr üzrə studiyalarda hazırlanır. Verilişlər hazır məhsullar kimi productionlar adlanır. Studiyalarda həm texniki, həm də şərhi, analitik formalı hazırlıq işləri, təşkilatçılıq özlüyündə efir yaradıcılığının tərkibini təşkil edir. Sadalanan fikirlər efir yaradıcılığının formal, strukturlu, funksional və prosesual formasını əks etdirir. Efir yaradıcılığı bir məzmunu əks tərəfə çatdıran müəyyən bir formalı təqdimat proseslərindən və hadisələr məcmusundan ibarətdir. Efir yaradıcılığı obyektin, mövzunun məzmunu haqqında auditoriyanı məlumatlandıran bir prosesdən ibarətdir. Yüklə 2,85 Kb. Dostları ilə paylaş:
|