Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 137 Mirsahib heç nə anlaya bilmirdi. Buna şübhə yox idi ki, gizli tala aşkar edilmişdi. Ancaq bunu kim etmiş olar, görəsən? Bilirdi ki, Ağayar onu satmaz. O, elə oğlan deyildi... «Bəs onda niyə məndən yapışıb bu əzazil köpək oğlu? Özü də elə yapışıb ki, boynuma almasam dediyini edəcək mənə. Bəlkə deyim təkcə özüm əkmişəm?...» Uzun çək-çevirdən sonra Mirsahib meşədə hind çətənəsi əkib, ona qulluq etməsi barədə izahata qol çəkdi. Ancaq onu kiminlə birlikdə yetişdirdiyini boynuna almadı. Əmirəliyev onu yenidən kameraya göndərdi: - Get, yaxşı- yaxşı fikirləş, yoldaşının adını desən, işini bir az yüngülləşdirərsən! Polis əməkdaşı Mirsahibi aparandan sonra Əhlimanın gəldiyini xəbər verdilər. Mayor onu çox könülsüz qəbul etdi. Bu tərəfdən də Səfayənin axtarışında heç bir yenilik əldə edə bilməmişdilər. İndilərdə şəhərin kənarındakı göldə axtarış aparılmalı idi. Əhliman kabinetə girib salam verdi: - Eşitdim, qaynım atasıgilə gəlib. Mən də durub gəldim ki, ondan bir xəbər öyrənim. Sonra dedim, sizə də baş çəkim, görək təzə nə xəbər var... - Nə deyir qaynın? - Əmirəliyev özünü soyuq aparırdı. downloaded from KitabYurdu.org downloaded from KitabYurdu.org 138 - O, bacısını görməyib... - Əhliman belə cavab verdi və Allahyarla ciddi mübahisə etdikləri, Zəlimxan kişinin araya girməyə məcbur olması barədə heç nə demədi. - Bizdə də təzə xəbər yoxdur. - mayor darıxırmış kimi qalstukunu boşaldıb pəncərəyə baxdı. - Göldə axtarış aparılır. Nəticəsini gözləyirik. Çünki ehtimalımıza görə, arvadın intihar edib. Onu da deyim ki, ehtimalımız təsdiq olunsa, sənin üçün yaxşı olmayacaq. - Bilmək olar nə üçün? - Əhliman kinayə ilə soruşdu. - Ona görə ki, onu bu işə sən vadar etmisən! - Əgər doğrudan da o intihar edibsə, onu mən yox, öz doğmaca atası vadar etmiş sayılır. Bunun üçün o cavab verməlidir! - Əhliman! - mayor yenə əlini qalstukuna apardı. - Səni and verirəm balalarının canına, çıx get! Bir xəbər olanda özümüz sənə bildirərik! Əhliman daha bir söz deməyib kabineti tərk etdi. Bir azdan sonra qanı bərk qaralmış Əmirəliyev də otaqdan çıxıb dəhlizin o biri başındakı istintaq otağında Bayəddini danışdıran müstəntiqin yanma getdi. Zeynalov sürücünün növbəti dindirilməsini yekunlaşdırmaq üzrə idi. Otağa girən mayorun dilxor olduğunu başa düşüb: downloaded from KitabYurdu.org downloaded from KitabYurdu.org 139 - Nə xəbər var? - deyə soruşdu. - Mirsahibi danışdırdım. Kanapilanı əkməsini boynuna aldı. Ancaq yoldaşının adını demir. Guya təkbaşına əkib. Onsuz da bilirəm ki, o, Ağayarla əlbirdir. Mahmudun qardaşı ilə. Gözləyirəm ki, özü desin. Bəs bu nə deyir? - başı ilə büzüşüb oturmuş Bayəddini göstərdi. - Bu yenə köhnə havanı çalır. Əmirəliyev Bayəddinə tərs-tərs baxdı: - Ay bədbəxt, niyə özünə yazığın gəlmir? Bayəddin dinmədi. Mayor içəri girəndən qıçları əsməyə başlamışdı. Müstəntiq Zeynalov düyməni basıb onu müvəqqəti saxlama kamerasına qaytarmaq barədə göstəriş verdi. Bölmə rəisi müstəntiqlə bir qədər söhbət edib öz kabinetinə qayıtdı. Telefonun dəstəyini götürüb Mirsahibi yenidən yanma gətirməyi tapşırdı. Onu gətirib kabinetə salaraq geri qayıtdılar. Əmirəliyev üzünü yarım saat ərzində xeyli yazıqlaşmış bu adama tutub sərt şəkildə dilləndi: - Axırıncı dəfə soruşuram, həmin narkotik bitkini kiminlə əkmişən? Onsuz da özüm bilirəm. Məni aldada bilməyəcəksən! Mirsahib artıq aşağıda nə isə düşünmüşdü: downloaded from KitabYurdu.org downloaded from KitabYurdu.org 140 - Başına dönüm, Telman müəllim, Ağayarla əkmişəm. Məni də o yoldan çıxartdı. - Səni ha?! - mayor istehza ilə güldü. - O ki sənin oğlun yaşındadır?! - Ağlım yoxdur da mənim. Bir qələtdir eləmişəm... - Özü də bilirsən nə boyda qələt eləmisən? Adam öldürmək bundan yüngül işdi, - mayor əlini hirslə stola vurdu. - Sən milləti bədbəxt eləmək istəyirsən, biqeyrət oğlu, biqeyrət! Mirsahib söyüşü çox rahatlıqla qəbul edib boynunu burdu: - Görün neyləyirsiniz, Telman müəllim, bir çarə eləyin, balalanm var... - Yox əşi?! - Əmirəliyev onu dolamağa başladı. - Heç bilirsən nə danışırsan? Bilirsən kim aşkar edib sizin plantasiyanı? Bakıdan gəlmiş jurnalistlər! Rəis, prokuror, ümumiyyətlə, hamının xəbəri var bu işdən. Nazirliyə də məlumat vermişik. - Bəs indi nə olacaq? - Mirsahib bir az da yazıqlaşdı. - Deyim də, necə olacaq. İbtidai istintaq qurtaran kimi işi verəcəyik məhkəməyə. Məhkəmə də 234-cü maddə ilə sizi azadlıqdan məhrum edəcək. Nə az, nə çox, yeddi il! - Biz ki, satmaq üçün əkməmişik?! downloaded from KitabYurdu.org downloaded from KitabYurdu.org 141 - Kəs səsini! - Əmirəliyev əlini yellədi. - Mənim üçün qanun bilən olub! Siz çəkəni olsaydınız indiyəcən bilərdik. Rahat qazanc yeri tapmaq istəmisiniz özünüzə! Sizi daha heç kim xilas edə bilməz! Hələ bu işin bir tərəfidir. Nə qədər gec deyil, Mahmudu öldürməyini də boynuna al! - Vallah, mən adam öldürməmişəm! - Mirsahib birdən uşaq kimi ağlamağa başladı. - Mənə niyə inanmırsınız, Telman müəllim?! Mən orada iki dəfə olmuşam. Bir də düşmək istəmirəm o cəhənnəmə!... - Allaha and içmə, səni görən olub! Hövsələmizlə az oyna bizim. De görüm onu niyə öldürmüsən? Bu işdə də Ağayarla əlbir olmusanmı? Bəlkə o yazığın ev-eşiyinə, mal- qarasma sahib olmaq üçün eləmisiniz bunu?! Əmirəliyev az qalırdı ki, tutub Mirsahibi boğsun: - Get, fikirləş! Sabaha kimi vaxt verirəm. Hər şeyi boynuna almalısan! Mirsahib heç nə demədən onu aparmağa gəlmiş polis leytenantının qabağına düşdü. Elə bu vaxt telefon zəng çaldı. Zəng vuran kapitan Rəfail Vəliyev idi. Onun da səsində yorğunluq hiss olunurdu: - Rəis, göldəki axtarış ehtimalımızı doğrultmadı. Burada heç bir meyit-filan yoxdur... downloaded from KitabYurdu.org Yüklə 4,8 Kb. Dostları ilə paylaş:
|