downloaded from KitabYurdu.org
120
fikri yox idi və ola da bilməzdi. Bu mümkün deyildi... Həmin
hədələyici cümlə yenə qulaqlanna dolub, beyninə işləməyə
başladı: «Oğlunun başını cücə başı kimi üzəcəyəm!»
Kim bilməsə də Bayəddin bilirdi ki, o bunu edə bilər. O əclaf
Bayəddinin böyük qardaşı Novruzla Rusiyada, əsgəri
xidmətdə, eyni bir hərbi hissədə olmuşdu. Novruz danışmışdı
ki, həmin adam yoldaşlarına, xüsusilə də əsgərliyə yeni
gələnlərə olmazın zülmlər eləyirdi. İnsaf deyilən bir şeydən
əsər-əlamət yox imiş onda. Əsgərlərdən heç biri cəsarət edib
onun əməlləri barədə komandirlərə məlumat verə bilmirmiş.
Novruzun deməyinə görə, bu qansız bir dəfə əsgərliyə yeni
gəlmiş bir oğlanı çox möhkəm döyür. Əsgərlərin gözü
qabağında oğlanı o qədər vurur ki, yazıq hosbitala düşür.
Komandirlər nə qədər soruşsa da, o özü qorxudan kimin
tərəfindən döyüldüyünü demir. Ancaq, şahidlərdən kimsə bu
əclafın adını komandirlərə verir. Bu əclaf da 4-5 sutka cəza ilə
canını qurtarır. O, elə düşünürmüş ki, onu döydüyü oğlan
satıb. Həmin oğlan hosbitaldan qayıdan
kimi onu tutub başına hər cür təhqiramiz oyunlar gətirir. O
bədbəxt yenə bunu komandirə bildirmir və valideynlərinə
yalvar-yaxar eləyib özünü başqa hərbi hissəyə keçirtdirir...
Bayəddin qardaşına qulaq asanda hiss edirdi ki, üstündən neçə
illər keçməsinə baxmayaraq, Novruz həmin adamın adını
nifrət və qorxuqanşıq həyəcanla çəkir.
downloaded from KitabYurdu.org
downloaded from KitabYurdu.org
121
... Uzun və əzablı gecə yaxınlaşırdı. Vaxt keçdikcə
Bayəddinin ürəyi daha sürətlə döyünməyə başlayırdı. O, hər
dəqiqə kameranın dəmir qapısının açılmağını gözləyirdi.
Gecədən xeyli keçsə də, Çinarə uşağı yatızdıra bilmirdi.
Ramal yataqdan başını qaldırıb elə hey suallar verirdi:
-
Bəs atam nə vaxt gələcək?
-
İndi harada yatacaq? Maşında?
-
Mənim üçün tapança alacaq?
-
Hə! - anası onun başını sığalladı. - Sənin üçün tapança
almağa gedib.
-
Bəs niyə tez alıb qayıtmır? Ayazın atası elə evimizin
yanındakı mağazadan almışdı.
-
Yəqin burada tapmayıb, gedib ki, Bakıdan alsın.
Ramal, deyəsən bu yalana inanmışdı. Bir müddət heç bir sual
vermədi. Sanki gözləri yol çəkirdi. Sonra birdən kiçik
dodaqları səyriməyə başladı. Böyrü üstə çevrilib yorğanla
üzünü örtdü. Çinarə nəsə başa düşüb, yorğanı onun üzündən
çəkdi. Əyilib baxanda uşağın yanaqlarında iki damla göz yaşı
gördü.
-
Nədir, Ramal, sənə nə oldu? - deyə soruşdu.
Ramal əvvəlcə dinmədi. Anası sualını təkrar edəndən sonra
burnunu çəkə-çəkə ağlamağa başladı:
downloaded from KitabYurdu.org
downloaded from KitabYurdu.org
122
-
Mən daha tapança istəmirəm. Atam gəlsin evə!...
-
Gələcək, oğlum, gələcək! Ağlama! - Çinarə ah çəkib
onun göz yaşlarını əli ilə sildi. Sonra ayağa qalxıb mətbəxə
keçdi.
O, ərinin tutulmağından heç nə anlaya bilmirdi. Bayəddinin nə
günahı var axı? - deyə hər gün, hər saat özünə sual verirdi. Söz
gəzirdi ki, Göydağda bir cavan adamı, gecə vaxtı, öz evində
bıçaqlayıb öldürüblər. Onu da danışırdılar ki, həmin vaxt
öldürülənin pəncərəsində naməlum adamın kölgəsi görünüb.
Bəs axı, bunların Bayəddinə nə dəxli var? O ki adam öldürən
deyil!?
Çinarənin yadına mayın 18-də Bayəddinin evə çox gec
qayıtmağı düşdü. Yaman fikirli görünürdü onda... Çinarə
haradan gəldiyini soruşdusa da, bir cavab vermədi. Görəsən o
gecə haradan gəlirmiş o?..
İki gün idi ki, qohum-əqrəba gəlib-gedir, Çinarəyə təskinlik
verirdilər. Daha çox Novruz gəlirdi. Ancaq heç biri də heç
nəylə kömək edə bilmirdi. Onları polis şöbəsinə yaxın
buraxmırdılar. Eləcə, bir neçə saat şöbənin qarşısında dayanıb
geri qayıdırdılar. Vəziyyət onların düşündüyündən də ciddi
idi...
Səhəri gün yenə də Mehdixan kişinin qonaqları səhər yeməyi
yemək üçün həyətdə süfrə başına toplaşmışdılar. Kənddə bir
neçə günlük istirahət öz təsirini göstərmişdi. Qonaqlar gümrah
downloaded from KitabYurdu.org
downloaded from KitabYurdu.org
123
görünürdülər. Qanbay Qasımlı özü də, daha, tez-tez
xoşagəlməz başağnlarmdan üz- gözünü turşutmurdu. Qonağı
olduğu evin ailəsi də, yeni tanışı Mahir Talıbov da ürəyincə
idi. Kəndin təmiz havası, əsəblərini dincəldən sakitliyi onu
həmişə içində olduğu qorxulu cinayət hadisələri haqqında
düşüncələrdən bir qədər uzaqlaşdırmış, daxilində olan əsl
insani hislər daha çox qabarmağa başlamışdı. İstefada olan
polis polkovniki indi təbiət gözəlliklərindən də doyunca zövq
almağa başlamışdı.
Ancaq kaş belə sakit və gözəl kənddə baş vermiş bu cinayət
hadisəsi olmayaydı. Düzdür, şəxsən Qanbay Qasımlı bu
hadisəyə xüsusi əhəmiyyət vermək istəmirdi. O, bu kəndə
istirahətə gəlmişdi və baş vermiş sirli qətlin ona dəxli yox idi.
Lakin, necə olmasa, bu faciəli hadisə qonağı olduğu ailənin
əhval-ruhiyyəsinə öz təsirini göstərmişdi. Bu isə istirahətin
daha şən və mənalı keçməsinə mane olurdu.
Mehdixan kişi səhər yeməyi əsnasında yenə həmin cinayət
hadisəsindən söhbət açmışdı:
- Bircə bu işin üstünü aça bilsəydilər?! Bilirsiz belə işlərin
mənə nə qədər dəxli var? Kənddə baş verən ən xırda iş üçün
icra nümayəndəsi cavab verməli olur. Nə üçün vaxtında
məlumat verməmisən? Nə üçün cinayətin qarşısını almaq
üçün tədbir görməmisən? Belə-belə suallar adamın başını
ağrıdır. Mənim də rayonda azdan-çoxdan hörmətim var.
downloaded from KitabYurdu.org
Dostları ilə paylaş: |