downloaded from KitabYurdu.org
102
da tək olmamışdısa, onda belə bir fikir yaranır ki, onun
sərnişini olmuş adam olduqca qorxulu və təhlükəli bir
adamdır. Yoxsa Bayəddin onun adını belə cəhdlə gizlətməz,
istintaqdan canını qurtarmaq üçün özünü öldürməyə cəhd
göstərməzdi.
Müstəntiq
Zeynalov bütün bu qaranlıq məqamları
işıqlandırmalı, tezliklə cinayətkarı tapıb üzə çıxarmalı idi.
Növbətçi polis işçisi Bayəddini gətirib istintaq otağına saldı
və özü geri qayıtdı.
Bayəddin iki gündə arıqlamış, üzünün rəngi sol¬muş, bir
sözlə, tanınmaz hala düşmüşdü.
Zeynalov ona əyləşmək üçün yer göstərib, siqaret təklif etdi.
Şöbədə olduğu müddətdə o dünyanı görüb gəlmiş sürücü
oturan kimi siqareti damağına qoyub acgözlüklə çəkməyə
başladı. Ürəyində sevinirdi ki, onu müstəntiq Zeynalov
danışdıracaq. Əmirəliyevlə bir daha üz- üzə gəlməyi qətiyyən
arzulamırdı. İki gecə idi ki, yuxuda gah mayorun qəzəbli
sifətini görüb, «Kim idi o» sualını eşidir, gah da həmin
qaniçən, əclaf adamın bıçaq kimi kəsən soyuq baxışlarını
görüb, «Oğlunun başını kəsəcəyəm!» sözlərini eşidirdi. Bir
daha qəti qərara gəlmişdi ki, o gecə sərnişininin kim olduğunu
dilinə gətirməyəcək: «Onsuz da bunlar o zəhərli ilanı ifşa edib
tuta bilməyəcəklər. Məni öldürəcəklərsə də, qoy öldürsünlər!»
-
Bundan sonra istintaqı mən aparacağam.
downloaded from KitabYurdu.org
downloaded from KitabYurdu.org
103
- Zeynalovun səsi onu fikirdən ayırdı. Vəkil dəvət olunmasını
istəyirsənmi?
-
Yox! - Bayəddin etiraz etdi. - Vəkilin mənə nə xeyri
olacaq ki?..
-
Yaxşı!., sən deyirsən ki, mayın 18-də axşam Mahmudgilə
tək getmisən. Eləmi? Ancaq təsdiq edirlər ki, həmin vaxt sənin
maşınında bir nəfər kənar adam olub. Sən niyə axı, bunu
boynuna almaq istəmirsən? Düşünmürsən ki, bununla özünü
dolaşdınb bataqlığın içinə salırsan?
Bayəddinin barmaqları arasında tutduğu siqaretin külü stolun
üstünə töküldü. O biri əli ilə külü təmizləyib, yenə başını aşağı
dikdi. Müstəntiq yenə də təmkinlə onu yola gətirməyə çalışdı:
-
Baxmayaraq ki, burada sənin cinayətlə birdaşa əlaqəndən
şübhələnirlər, söz verirəm, həmin adamın kimliyini desən,
səni bu gün evə buraxacam!
-
Əgər Cavanşir həmin adamı görübsə, özü desin də! Daha
məni niyə incidirlər? - Bayəddin başını qaldırmadan dilləndi.
Zeynalov başını bulayıb gülümsədi:
-
Gəl, səninlə səmimi danışaq! Kişi kimi! Cavanşir həmin
adamın üzünü görməyib. Amma o görüb ki, sənin maşınının
arxadakı sol qapısı açıq imiş. Kimsə, arxa oturacaqda oturan
adam əlini uzadıb qapını örtüb. Həmin anda sən maşının
qarşısında imişsən. İndi deməyəcəksən ki, qapını külək örtüb?
downloaded from KitabYurdu.org
downloaded from KitabYurdu.org
104
Desən, mən də deyəcəyəm ki, həmin gün küləkli hava
olmayıb. Hə, danış, Bayəddin! Heç kimdən də qorxub
çəkinmə!
Bayəddin çəkib qurtardığı siqaretin kötüyünü külqabıya basıb
söndürdü. Başını qaldırıb müstəntiqə baxdı. Elə o saat da
baxışlarını onun iti nəzərlərindən yayındırmağa çalışıb
qarşısındakı külqabıya dikdi və beləcə də danışmağa başladı:
- Mən o adamı tanımıram.
-
Deməli o gecə maşınında sərnişinin olduğunu boynuna
alırsan!? - müstəntiq qalib nəzərlərlə ona baxıb, stulda yerini
rahatladı: - O necə adam idi?
-
Orta yaşlı, başı qabaq tərəfdən keçəlləşmiş, qalın bığlı bir
kişi idi. Dayanacaqdan bir qədər kənarda məni saxladı və
Göydağa aparmağı xahiş etdi. Mən onu heç vaxt
görməmişdim. Bura adamına oxşamırdı. Aparıb Mahmudgilin
darvazasının qarşısında düşürdüm. O saat da yol haqqımı alıb
geri qayıtdım.
Bu vaxt otağın qapısı açıldı və Ağamurad başını içəri saldı.
-
Gəl içəri, Miriyev! - Müstəntiq onu otağa dəvət etdi. -
Bayəddin axır ki, ağıllı qərara gəlib.
Gəl otur, qulaq as!
Sahə müvəkkili stul çəkib əyləşən kimi Zeynalov yenə üzünü
Bayəddinə tutdu:
downloaded from KitabYurdu.org
downloaded from KitabYurdu.org
105
-
Heç nə danışmadınız yolda? Bu naməlum adam demədi
ki, Mahmudun evinə niyə gedir?
-
Yox, heç nə danışmadıq...
Zeynalov bacardığı qədər səbirli olmağa
çalışdı:
-
Bu bir qədər düz çıxmayır axı?! O adamı tanımırsan.
Yolda heç nə danışmamısmız... Bəs niyə indiyə qədər deyirdin
ki, kəndə tək getmisən? Belə çıxır ki, sən həmin adamı
tanıyırsan!
-
Yox, tanımıram!
-
Bəs tanımadığın adamı niyə gizlədirdin? Niyə istintaqa
yalan ifadə verirdin?
Bayəddin bir az fikirləşib, axır ki, dilləndi:
-
O məni hədələdi. Dedi ki, əgər onu satsam, oğlumun
başını kəsəcək!
-
O haradan bilirdi ki, sənin oğlun var? - müstəntiq
Bayəddinə tərəf əyilib onun gözlərinin içinə baxdı.
-
Dedi də, nə bilim... Soruşdu, mən özüm dedim ki, oğlum
var.
-
Deməli, oğluna görə satmaq istəmirdin onu?
-
Hə...
downloaded from KitabYurdu.org
downloaded from KitabYurdu.org
106
-
Bəs oğluna yazığın gəlmir daha? Axı artıq sən onu
satdın!? Bax, Miriyev də şahiddir.
Özünü itirmiş sürücü başını qaldırıb heyrətlə müstəntiqə
baxdı:
-
Mən ki, onun kimliyini demədim!?
Müstəntiq Zeynalov əlini stola vurdu:
-
Görürsən, özün etiraf elədin ki, onun kimliyini bilirsən,
ancaq qorxudan demirsən!
Artıq söz danışdığını başa düşən Bayəddin baxışlarını endirib,
başını əlləri arasına aldı:
-
Mənim Mahmudun öldürülməyində heç bir günahım
yoxdur! O bədbəxt oğlunu həmin gecə yox, o biri gecə
öldürüblər. Özünüz bunu yaxşı bilirsiniz! Daha mən heç nə
danışmayacam! Lap öldürsəniz də, heç nə deməyəcəm! Mən
oğlumun canından bezməmişəm! Heç nə deməyəcəm! Boş
yerə məni incidib, təhqir etməsinlər. Yoxsa prokurora şikayət
edəcəm!
Müstəntiq sahə müvəkkili ilə ötəri baxışıb, təmkinlə
xəbərdarlıq etdi:
-
Bayəddin, sən bir az da fikirləş! Nahaqdan özünü
dolaşdınrsan. O ki qaldı oğluna, biz onu qoruya bilərik.
Arxayın ola bilərsən!
Bayəddin başını yellədi:
downloaded from KitabYurdu.org
Dostları ilə paylaş: |