downloaded from KitabYurdu.org
88
öyrəndim ki, evlərindən saat təxminən 8-də çıxıb. Burada
küçədə isə saat 9-da görüblər onu. Dərəçaydan buraya 20
dəqiqəlik piyada yolu var.
Bəs qalan 40 dəqiqə? Lap olsun yanm saat! Bu yarım saatda o
harada olub?!
-
Bəlkə Ağayargildə olub? - İcra nümayəndəsi öz fikrini
bildirdi.
-
Yox, ağsaqqal, saat 9-da onu elə yerdə görüblər ki,
Mahmudgilin evini artıq arxada qoyub keçibmiş və Ağayargil
tərəfə gedirmiş.
-
Hə... Bu başqa məsələ! Özü nə deyir?
-
Özünü hələ danışdırmamışam. Buraya, idarəyə gələcək
özü. Tapşırmışam. Həm də, - Miriyev səsini alçaltdı. -Onun
boyu-buxunu da Əhlimanın pəncərədə gördüyü kölgənin
əlamətlərinə uyğun gəlir. O demişdi axı!., kölgə arıq, uzun
adamın kölgəsi olub.
-
Nə kölgə? - deyə Mahir maraqlandı və Qasımlıya baxdı.
Qasımlı sakitcə siqaretini çəkirdi. Deyəsən onu heç nə
maraqlandırmırdı.
Ağamurad üzünü Mahirə çevirdi:
-
Mahmudun qonşusu Əhliman həmin axşam, yəni
Mahmud öldürülən gecə mərhumun evinin küçəyə baxan
downloaded from KitabYurdu.org
downloaded from KitabYurdu.org
89
pəncərəsində yad adamın kölgəsini görüb. Kölgə anq, uzun
adamın kölgəsi imiş.
-
Deməli həmin kölgə qatilin kölgəsi imiş. - Mahir fikrini
qətiləşdirdi. - Buna şübhə ola bilməz! Ancaq siz Bayəddinin
sərnişini ilə bu kölgə arasında nə əlaqə görürsünüz? Biz həmin
gün, günorta gəzintidən gələndə Mahmudu gördük. O, hamam
tikirdi. Bizi evə dəvət etdi. Biz
razılaşmadıq. Mənim fikrimcə, onda onun heç bir qonağı yox
idi.
-
Bilmirəm, hər halda, hər şey aydın olacaq. - Miriyev içib
boşaltdığı stəkanı kənara itələdi. - Təhqiqatı Telman müəllim
apanr. Söz yox ki, Əmirəliyev çox bacarıqlı əməliyyatçıdır.
Ancaq mənə elə gəlir ki, bu işi mən özüm açacağam. Qoy hələ
bir Mirsahib gəlsin!..
-
Siz nə üçün əməliyyat-axtarış işinə keçmirsiniz? - Mahir
soruşdu və gizlicə Qasımlıya baxdı.
-
Elə bir fikrim var, əgər alınsa... - Miriyev cavab verdi. -
Orada bəzən elələri işləyir ki, nə mənim qədər biliyi yoxdur,
nə də təcrübəsi! Mənim kriminalistikaya xüsusi marağım var.
Silahlardan isə daha yaxşı başım çıxır. Məsələn, bu hadisə
tapança ilə törədilsə idi, şəxsən mən bu barədə daha çox şey
deyə bilərdim. Elə atmağı da yaxşı atıram. İnanmıram, şöbədə
mənim kimi sərrast atıcı olsun.
downloaded from KitabYurdu.org
downloaded from KitabYurdu.org
90
Nemət elə bil Ağamuradın əvəzinə utandı və özünü bir qədər
naqolay hiss etdi. Necə olmasa, Ağamurad bu evə gəlib-gedən
adam olmuşdu və qayınatasının yaxın adamı idi. Dönüb
Rusiyada Baş cinayət-axtarış idarəsində işləyərkən atıcılıq
üzrə ölkə çempionu olmuş və məhkəmə ballistikasından kitab
yazmış Qanbay Qasımlıya baxdı.
Polkovnikin nə düşündüyünü üzündən bilmək olmurdu.
Siqaretini çəkib kötüyü kənara
tulladı. Deyəsən, ayağa durmağa hazırlaşırdı. Birdən nə
düşündüsə, Ağamuraddan tapançasını istədi.
-
Sadəcə, baxmaq istəyirəm! - dedi. Ağamurad həvəslə
tapançasını çıxanb bu
qaradinməz «Jurnalist»ə uzatdı. Qasımlı silahı bir qədər əlində
tutub sahibinə qaytardı.
-
Tapançanızda dörd güllə var! - deyib ayağa qalxdı.
Ağamurad tapançasını qoburuna qoyub, təəccüblə ona baxdı:
-
Hə?.. Düzdür. İkisini indi buraya gələndə meşədə
dovşana atmışam. Siz bunu necə bildiniz axı?
Qasımlı:
-
Əlbəttə, ağırlığından! - dedi və dönüb həyətin
aşağısmdakı heyva ağacına doğru getdi.
downloaded from KitabYurdu.org
downloaded from KitabYurdu.org
91
Gülməyini güclə boğub saxlayan Mahir cəld ayağa qalxıb,
stolun kənarına qoyulmuş şahmat taxtasını götürdü və onun
arxasınca yollandı.
-
Bu kimdir? - hələ də özünə gələ bilməyən Ağamurad ev
sahibinə baxdı.
-
Demədim jurnalistdir? - Mehdixan kişi güldü. - Ancaq
deyəsən, əvvəl hərbçi olub.
Mahir isə heyva ağacının altında gülməkdən uğunub getmişdi:
-
Ancaq sərrast atıcımız dovşanı vura bilməyib ha, Qanbay
müəllim, vursaydı, hər halda, meşədə qoyub gəlməzdi!
Qasımlı gülümsəyib başını buladı. Heç nə demədən fiqurları
şahmat taxtasına düzməyə başladı.
Ağayar səhər evdən çıxıb, bugünkü ehsan mərasimini yola
vermək üçün, Mahmudun həyətinə getmişdi. Qənirə isə hələ
evdə idi. Uşaqlann səhər yeməyini verib, o da oraya
gedəcəkdi. Yeməyi qurtaran kimi süfrəni yığışdırdı. Həyətə
düşüb, axşamdan yuyub məftildən asdığı paltarları
yığışdırmağa başladı.
O bu həyətdə axırıncı günlərini keçirdiyini duyduqca
fərəhlənirdi. Mahmudun yeddisi çıxan kimi oraya köçməli
idilər. Qənirə artıq bu barədə ərinin razılığını almışdı.
Həyət darvazasının cırıltısı eşidildi. Qənirə çevrilib baxanda
qonşu Məsmə arvadın həyətə girdiyini gördü. O, Qənirənin ən
downloaded from KitabYurdu.org
downloaded from KitabYurdu.org
92
yaxın qonşusu, həm də ata tərəfdən qohumu idi. Əri İbrahim
kişi ilə tək yaşayan Məsmənin övladı yox idi. Bütün dərdini-
sərini həmişə Qənirə ilə bölüşürdü. Elə Qənirə özü də Məsmə
arvaddan sirr saxlamırdı.
-
Sabahın xeyir, Qənirə! Hələ getməmisən hüzr yerinə?
-
Aqibətin xeyir, Məsmə xala! Bu saat gedirəm. Uşaqlara
yemək verirdim.
Məsmə arvad gəlib həyətə qoyulmuş kobud taxta kətilin
üstündə oturdu.
-
Ağayar gedib?
-
Hə, oradadı...
-
Allah ona səbir versin! Qardaş itkisi yaman şeydi.
-
Allah köməyin olsun! - Qənirə axırıncı paltarı da götürüb
evə keçdi və paltarları çarpayının üstünə atıb, geriyə qayıtdı.
-
Ağayar nə danışır, ay Qənirə? - Məsmə arvad maraqla
sual verdi. - Hələ bilinmir ki, o bədbəxti kim öldürüb?
-
Yox, bilinmir...
-
Yazıq Mahmud! - Məsmə arvad ürəkdən ah çəkdi. -
Xəbərsiz köçdü bu dünyadan. Tək tənha! Deyir hamam
tikirmiş tifil. Yarımçıq qalıb. Görüm əli qurusun ona əl
qaldıranın!
-
Amin! - Qənirə köksünü ötürdü.
downloaded from KitabYurdu.org
Dostları ilə paylaş: |