Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 79 şəhərə apanb, günorta geri qaytaran Sabir əməliyyat işçisinə bunları söyləmişdi: - Mən, hər səhər kəndin kənarında maşınımla dayanıb rayon mərkəzinə getmək istəyənləri gözləyirəm. Mayın 18-də dörd- beş sərnişinim var idi. Səfayə də səhər tezdən həmin yerə gəlib çıxdı. Mən onu da şəhərə gətirdim. Birinci dəfə idi ki, o, mənim maşınıma tək minirdi. Ona görə də günorta kəndə qayıdıb- qayıtmayacağını soruşdum. Çünki mən geri qayıdanda bazarın qarşısında dayanıb müştərilərimi gözləyirəm. Bilmək istəyirdim ki, Səfayəni də gözləməliyəm, yoxsa yox? Cavab verdi ki, yox, atamgildə qalacam. Dedim ki, onda sabah qayıtsan, günortaya yaxın bazarın qabağına gəl. Ancaq nə o gün, nə də ondan sonra mən onu görmədim. Səhəri gün Əhliman özü mənimlə şəhərə gəlib, yenə mənimlə kəndə qayıtdı. Rafael başqa UAZ sürücülərini, bazarda və dayanacaqda bəzi adamları da danışdırmışdı. Səfayədən soraq verən yox idi. Nəhayət, Səfayə ilə on il bir sinifdə oxumuş Rəhiləni axtarıb tapmışdı. Bu, kəsilmiş qara saçları çiyninə güclə çatan, boy-buxunlu, ağbəniz bir qadın idi. Xəstəxanada tibb bacısı işləyirmiş. Rafael onun ünvanını öyrənən kimi birbaş evinə gəlmişdi. Rəhilənin əri işdə idi. Evdə ancaq özü və bir də iki kiçik yaşlı uşağı var idi. Gənc kapitanın nə üçün gəldiyini biləndə, downloaded from KitabYurdu.org downloaded from KitabYurdu.org 80 əvvəlcə Səfayə üçün bərk narahatlıq göstərdi. Özünü ələ alandan sonra Rafaeli evə dəvət edib, oturmaq üçün stul göstərdi və onun sualına cavab olaraq danışmağa başladı: - Mayın 18-də Səfayə nahardan bir az sonra buraya gəldi. O gün gecə növbəsində olduğum üçün evdə idim. Onu çoxdandı görmürdüm. Mehriban qarşıladım. Oturub çay içə-içə məktəb illərindən danışdıq. Səfayə bizim sinifdə ən ağıllı, ən tərbiyəli bir qız idi. Özü də həmişə dərs əlaçısı olmuşdu. Hiss edirdim ki, ona nəsə olub. Söhbətdə yaxşı iştirak edə bilmirdi. Nəhayət, ondan şəhərə gəlişinin məqsədini soruşdum. Ağlamağa başladı. Dedi ki, daha dözə bilmir. Evdən birdəfəlik baş götürüb çıxıb. Sözündən belə başa düşdüm ki, onun Əhlimanla bir evdə yaşaması mümkün deyil. Mənim yanımda bir az qalıb, şəhərdə özünə iş tapmaq istəyirdi... - Ərindən nə kimi narazılıq edirdi? - Vəliyev onun sözünü kəsdi. Rəhilə gəlib yanında dayanmış qızının başını sığallayıb: - Get qardaşınla o biri otaqda oyna! - dedi və yenə üzünü ona diqqət kəsilmiş kapitana tutdu: - Əslində o, ərindən o qədər də narazılıq etmirdi. Necə deyim?.. Deyirdi ki, mən Əhlimanın istədiyi kimi ola bilmirəm. - Necə yəni? - Rafael gözlərini qıydı. downloaded from KitabYurdu.org downloaded from KitabYurdu.org 81 - Yəni ki, əri bir az, necə deyim, çılğın adamdır. Bu bədbəxt isə çox sakit təbiətlidir. Utancaqdır. Qaradinməzdir. Daha nə deyim?... Elə bil heç bu zəmanənin adamı deyil. - Sizcə, o, ərini sevir? - Məncə, hə... - Rəhilə fikrə getdi: - Bəlkə də yox! Səfayə elə söz danışan deyil, ancaq mənə elə gəlir ki, hər halda onun öz ərinə yazığı gəlirdi. - Sözlərinizdən belə başa düşürəm ki, Səfayənin əks cinsə qarşı münasibəti zəifdir. Düzdür? - Yox, niyə ki? - Rəhilə gözlərini süzdürdü. - Biz qadınlarda o münasibət heç vaxt zəif olmur. Amma baxır vəziyyətə... - Ancaq siz ondan kəskin fərqlənirsiniz. - Rafael divanda oturmuş qadının budlarının açıqda qalan hissəsinə göz yetirdi. - Necə rəfiqə olmusunuz, baş açmıram. - Mən necəyəm ki? - Rəhilə güldü. - İstiqanlısımz. Həm də çox gözəlsiniz! - Çox sağ olun! - Rəhilə utancaq gülümsədi. Rəfailin yadına düşdü ki, Əmirəliyev onu şöbədə gözləyir. - Hə, söhbətinizi davam etdirin. Sonra nə oldu? Ev sahibəsi bir az ciddiləşdi: downloaded from KitabYurdu.org downloaded from KitabYurdu.org 82 - Mən ona nəsihət verdim. Dedim ki, düz eləmirsən. Uşaqların var. Özü də gül kimi uşaqlardır. Onları balaca vaxtlarında görmüşəm. Hə... çox nəsihət verdim. Bir bacı kimi. Ancaq o mənimlə razılaşmadı. Küsüb qapını çırpdı və çıxıb getdi. Mən onu saxlaya bilmədim. - Saat neçədə çıxdı sizdən? - Necə deyim?.. Saat yeddi olardı. - Hansı səmtə getdiyini gördünüzmü? - Gördüm. Darvazadan arxasınca baxdım. Rəhilə rəfiqəsinin getdiyi səmti göstərdi: - Bu küçə ilə o tərəfə getdi. Rafael daha bir neçə sual verib evdən çıxdı. Polis şöbəsinə getmək üçün taksi saxladı. Maşına minən kimi mayor Əmirəliyevə verəcəyi raportu düşünməyə başladı. Rəhilənin göstərdiyi küçə nə bazara, nə dayanacağa, nə də Səfayənin atasıgilə aparıb çıxarmırdı. Bu küçə ilə gedən adam bir azdan, şəhərin əks kənarına çıxmalı idi. Orada isə köhnə şəhər qəbiristanlığı, qəbiristanlıqdan o tərəfdə isə iri bir göl var idi... Sahə müvəkkili Ağamurad Miriyev səhər tezdən Göydağ kəndinə gəldi. Onun kəndə gəlməsindən icra hakimiyyəti nümayəndəsinin də xəbəri yox idi. Səhərin ala-toranlığında downloaded from KitabYurdu.org downloaded from KitabYurdu.org 83 Ağamuradı kəndin küçələrində görənlər o qədər də təəccüblənmirdilər. Çünki baş leytenantın hərdən belə işləri olurdu. Artıq o bir neçə adamla söhbət etməyə də imkan tapmışdı. Adamlarından biri xəlvətcə ona çatdırmışdı ki, Mahmud öldürülən axşam dərəçaylı Mirsahib buraya gəlibmiş. Onu saat doqquz radələrində, havanın təzəcə qaralmağa başladığı vaxt kəndin küçəsində görmüşdülər. O, Mahmudgilin küçəsindən keçib gəlirmiş... Ağamurad tənbəllik etməyib, Dərəçaya yollandı. Mahmudun açıq darvazasının qabağından keçəndə həyətə boylandı. Həyətdə tək-tək adam görünürdü. Günorta veriləcək ehsana hazırlıq görülürdü. Miriyev orada ləngimədi. Kənddən çıxaraq meşə cığırına düşdü və bir azdan Dərəçaya yetişdi. Maraqlanıb öyrəndi ki, Mirsahib həmin axşam evdən saat 8- də çıxıb, Göydağa -Ağayargilə gedəcəyini deyib. Mirsahib evdə olmadığı üçün arvadına tapşırdı ki, evə qayıdan kimi, sahə müvəkkilinin onu Göydağda gözlədiyini desin. Geri qayıdanda Miriyev hər ehtimala qarşı saata baxdı və tələsmədən meşə yolu ilə qalxmağa başladı. Meşə cığırı iki talanın içindən keçirdi. Birinci talada qabağına yekə bir dovşan çıxdı. Cəld tapançasını çıxarıb, ondan qorxub qaçan dovşana dalbadal iki güllə atdı. Ancaq gec idi. Dovşan artıq kolların arasında görünməz olmuşdu. Ağamurad onun qarasına yağlı bir downloaded from KitabYurdu.org Yüklə 4,8 Kb. Dostları ilə paylaş:
|