Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 69 Bayəddin kəndlərdən birinə sərnişin aparmışdı. Günortaya yaxın rayon mərkəzinə qayıtdı və o saat da nahar üçün evinə gəldi. Nahardan sonra ucqar kəndlərdən birinə maşın sürməli idi. Qonşusu Heybət kişi xahiş etmişdi ki, onu ailəsi ilə birlikdə həmin kəndə aparsın. Sabah orada Heybət kişinin qardaşı oğlunun toyu olmalı idi. Bütün ailə geyinib-keçinib kəndə getməyə hazır dayanmışdı. Bayəddin ona görə də tələsirdi ki, nahar edib, maşına bir az əl gəzdirsin. Necə olmasa, uzaq kəndə gedirdilər. Özü də xeyir işə... Yeganə övladı olan altı yaşlı oğlu Ramal onu qapının ağzında qarşıladı. - Ata, tapança aldın? Bayəddin əlini şappıltı ilə dizinə vurdu: - Vay, lənət şeytana, yenə yadımdan çıxdı! Ramal dayanıb acıqlı baxışlarla onu süzdü. Bu vəziyyətdə o, çox gülməli görünürdü. - Yekə kişisən, ancaq yaddaşın yoxdur! Bayəddin gülə- gülə oğlunu qucağına götürüb üzündən öpdü: - Ay səni!.. Yaxşı, söz verirəm, axşam gələndə mütləq alıb gətirəcəm. downloaded from KitabYurdu.org downloaded from KitabYurdu.org 70 - Bax, almasan, səndən küsəcəm. Həm də Ayazmkmdan olsun. Ayaz Heybət kişinin nəvəsi idi. Çox vaxt Ramalla küçədə birlikdə oynayardılar. Bayəddin uşağı yerə qoyub, üzünü mətbəxdə xörək hazırlayan arvadına tutdu: - Çinarə, yeməyimi tez ver, getməliyəm! Stolun arxasında oturan kimi Ramal yenə gəlib onun qucağına çıxdı. Çinarə yemək gətirdi. Ata-bala həmişəki kimi yeməyi birlikdə yedilər. Nahar qurtaran kimi Bayəddin həyətə düşüb maşının suyuna, yağma baxdı. Təkərləri yoxladı. Ramal da onun yanında hərlənirdi. Maşını işə salıb həyətdən çıxanda arxadan onun səsini eşitdi: - Bax, tapança yadından çıxmasın ha!... Bayəddin gülüb başını buladı. Ancaq tez də ciddiləşdi. Yenə Əmirəliyevlə dünənki söhbəti xatırladı. «Yaxşı qurtardım» deyə düşündü. Yoxsa... Bir daha o uğursuz gecə gözlərinin qarşısına gəldi. Bir daha o qorxulu təhdid qulaqlarında səsləndi: «Oğlunun başını cücə başı kimi üzəcəm!» Bütün vücudunda xoşagəlməz bir gizilti gəzdi. Bayəddin oğlunu öz canından da artıq istəyirdi. Onun başına bir iş gələrsə, yəqin ki, bu dünyada bircə gün də yaşaya bilməzdi. Bir azdan Heybət kişinin ailəsi hay-küylü sevinclə maşına doluşdu. Ailə başçısı: downloaded from KitabYurdu.org downloaded from KitabYurdu.org 71 - Ya Allah! Getdik, Bayəddin! - dedi və yola düşdülər. Bayəddin yaxınlıqdakı oyuncaq mağazasının qarşısında maşını saxladı və cəld düşüb Ramal üçün oyuncaq tapança aldı. Sevinə-sevinə gətirib maşına qoydu. İndi daha uşağın üzünə ürəklə baxa biləcəkdi. - Ramala söz vermişəm, - dedi və yenə maşını işə saldı. Yolu istər-istəməz rayon polis şöbəsinin qarşısından keçirdi. Elə buradaca, iki polis çavuşu onu saxladı. Onlardan biri dərhal şöbəyə qaçdı. İkincisi isə Bayəddinə yaxınlaşdı: - Haraya gedirsən? - Bunları toya aparıram... - elə bil içində nəyinsə qırıldığını hiss edən Bayəddin başı ilə sərnişinləri göstərdi. Heybət kişi başını uzadıb çavuşun üzünə baxdı: - Nə olub, ay oğul? - Heç nə, dayı, narahat olma, kapitan Vəliyevin Bayəddinlə söhbəti var. Bu vaxt kapitan Vəliyev o biri polislə şöbədən çıxıb maşına yaxınlaşdı. O da çavuşun verdiyi sualı verib, həmin cavabı aldı. Sonra maşmdakılara nəzər salıb, hökmlə dilləndi: - Bunları düşürt, maşını da sal içəri! - Niyə axı? - Bayəddin qorxuqarışıq həyəcanla soruşdu. downloaded from KitabYurdu.org downloaded from KitabYurdu.org 72 - Sual vermə! Nə deyirlər, onu da elə! Heybət kişi işə qarışmağa məcbur oldu: - Ay bala, səni tanımıram, deyəsən rayona təzə gəlmisən. Belə olmaz axı?! Biz qardaşım oğlunun toyuna gedirik. Bayəddin nə günahın sahibidir ki, belə edirsiniz?! Rafael atası yaşında olan kişini diqqətlə süzdü: - Ağsaqqal, inciməyin, siz toya başqa maşınla gedərsiniz. Düşün! Bayəddinin ona yazıq-yazıq və ümidlə baxdığını görən Heybət kişi dözmədi: - Bura rayon yeridi, bala, hamı bir-birini tanıyır. Yaxşı deyil bu hərəkətiniz! Rafael artıq əsəbiləşməyə başlamışdı. Heybət kişiyə əhəmiyyət verməyib Bayəddinə üz tutdu: - Ə, çaqqal, eşitmədin, nə dedim?! Bayəddin tez qonşusuna tərəf döndü: - Sən Allah, bağışla məni, Heybət dayı! Düşün, başqa maşınla gedin. Bütün ailə Rafaelin qarasına deyinə-deyinə maşından düşdü. Vəliyev iri darvazanı özünü tamamilə itirmiş sürücüyə göstərdi: - Sür oraya! downloaded from KitabYurdu.org downloaded from KitabYurdu.org 73 Darvaza açıldı. Bayəddin maşını sürüb həyətə saldı. Mühərriki söndürüb açarı polis işçilərinə verdi. Onun qolundan tutub şöbəyə apardılar. Növbətçi otağında üst- başını yoxlayıb, qayışını açdırdılar. Sonra aparıb müvəqqəti saxlama kamerasına saldılar. Mahmudun həyətində sabahkı ehsan mərasiminə hazırlıq gedirdi. Sabah mərhumun dəfninin üçüncü günü olacaqdı. Bu mərasimə qonşu kəndlərdən və rayon mərkəzindən çox adamın gələcəyi gözlənilirdi. Bir neçə kişi küçədə yasxananı genişləndirirdi. Qadınlar isə evdə, kənd camaatından yığılmış qab-qacağı təmizləyib sabaha hazır qoyurdu. Əhliman yarımçıq qalmış hamam tikilisinin yanında ehsan xörəyi bişirmək üçün ocaq yeri hazırlayırdı. Sabah beş-altı qazanda eyni vaxtda xörək bişiriləcəkdi. Ona görə də qazanlar üçün uzun altlıq düzəldilməli idi. Ağayar ondan bir qədər kənarda iri bir samovarın içini təmizləyirdi. Bu vaxt arvadı Qənirə həyətə düşdü. Əllərini belinə qoyub bütün həyətə göz gəzdirdi. O, artıq özünü bu mülkün sahibi kimi hiss edirdi. Bu onun qalib baxışlanndan açıq-aydın görünürdü. Elə bil indidən bu həyətdə nə dəyişikliklər edəcəyini götür-qoy edirdi. Qənirə elə qız vaxtından yüngül xasiyyətli idi. Oturuşunu- duruşunu bilən deyildi. Bədəninə yaraşmayan ədalı yerişi var downloaded from KitabYurdu.org Yüklə 4,8 Kb. Dostları ilə paylaş:
|