28
Tədqiqat zamanı müəllif tərəfindən çəkilən şəkillər
29
30
V
V
F
F
Ə
Ə
S
S
İ
İ
L
L
BAŞLICA MEYVƏ ZƏRƏRVERİCİLƏRİNİN
MORFO-BİOEKOLOJİ XÜSUSİYYƏTLƏRİ VƏ
TƏSƏRRÜFAT ƏHƏMİYYƏTİ
Naxçıvan Muxtar Respublikasında çəyirdəkli meyvə ağaclarına
zərərverən həşəratları 3 qrupa ayırmaq olar: tumurcuq və yarpaqlarla
qidalananlar; çiçək və meyvələrlə qidalananlar; gövdə və kök sistemi ilə
qidalananlar. Bağlarda qeyd olunan 59 növ zərərvericidən 24 növü dominant
növlərdir ki, onların bioekoloji xüsusiyyətləri, bölgə üzrə yayılma sahəsi və
təsərrüfat əhəmiyyəti öyrənilmişdir. Aşağıda onlar haqqında geniş məlumat
verilir. Bu növlərdən 14-nün təbii düşmənləri aşkar edilmişdir (cədvəl 6.1).
Bunlar aşağıdakılardır: Meyvə güvəsi-Yponomeuta padella (Linnaeus, 1758),
Yarpaq güvəsi-Recurvaria nanella (Denis et Schiffermüller, 1775), Zolaqlı
meyvə güvəsi-Anarsia lineatella Zeller, 1839, Tumurcuq fırfırası-Spilonota
ocellana (Denis et Schiffermüller, 1775), Qızılgül yarpaqbükəni-Archips
rosana
(Linnaeus,
1758), Qızılqarın kəpənək-Euproctis (Euproctis)
chrysorrhoea (Linnaeus, 1758), Tək ipəksarıyan-Lymantria dispar (Linnaeus,
1758), Gavalı meyvəyeyəni-Grapholita (Aspila) funebrana Treitschke, 1835,
Şərq meyvəyeyəni-Grapholita (Aspila) molesta (Busck 1916), Valehedici gö-
zəlçə-Orgyia (Orgyia) antiqua (Linnaeus, 1758), Yemişan kəpənəyi-Aporia
crataegi (Linnaeus, 1758), Gavalı uzunburunu-Involvulus (Involvulus) cupreus
(Linnaeus, 1758), Gavalı mənənəsi-(Hyalopterus pruni Geoffer, 1762),
Kaliforniya çanaqlı yastıcası-Diaspidiotus perniciosus (Comstock, 1881).
Qeyd olunan 14 növ zərərvericidən bəziləri yarpaq və tumurcuq-
lardan başqa, meyvə və çiçəklərə də ciddi zərər verərək məhsuldarlığın xeyli
aşağı düşməsinə səbəb olurlar. Bu zərərvericilərin bioekoloji xüsusiyyətləri
ilə yanaşı fenologiyası, 16 növünün yayılma sahəsi, zərərvermə dərəcəsi və
təbii düşmənləri daha geniş öyrənilməklə, onlara qarşı mübarizənin elmi
əsasları göstərilmişdir.
5.1. Hyalopterus pruni (Geoffroy, 1762) - Gavalı mənənəsi
Bərabərqanadlılar (Homoptera) dəstəsinin nümayəndəsidir. Növün 3
sinonimi mövcuddur: Aphis gracilis Walker, 1852; Hyalopterus phrag-
miticola Schouteden, 1906; Hyalopterus spinarum (Hartig, 1841)[163].
Bu zərərverici bərabərqanadlılar dəstəsinin mənənələr (Aphididae)
fəsiləsinə mənsubdur. Gavalı mənənəsinin qanadsız yetkin formaları solğun yaşıl
rəngdədir və bədəni üzərində uzununa doğru üç tutqun yaşıl zolaq gedir. Mənə-
nənin başı uzunsov-ovalvari formada olub, üzəri ağ mum təbəqəsi ilə örtül-
müşdür. Döşdə və qarıncıqda iki cərgədə ağ nöqtələr düzülmüşdür. Mənənənin
31
uzunluğu 2,5-3 mm-dir. Onların qanadlı fərdlərində baş və döş qaradır, muma-
bənzər boz təbəqə ilə örtülmüşdür. Qarıncığı yaşıldır. Sürfəsi yetkin fərdlərdən
kiçikdir və xarici görünüşlərinə görə onlara bənzəyir. Yumurtası kiçik, qara rəng-
də və uzunsov olur. Gavalı mənənəsi gavalı, şaftalı, ərik, badam, alça və digər
çəyirdəklilərə zərər verməklə, muxtar respublikanın meyvə bağlarında geniş
yayılmışdır. Köçəri mənənədir, onun həyatının bir hissəsi qidalandığı meyvə
ağacları, qalanı isə qamış bitkisi üzərində keçir. Bu zərərvericinin mayalanmış
yumurtaları gavalı, şaftalı və ərik ağaclarının tumurcuqlarının kənarlarında, ya-
xud da qabıq çatlarının arasında qışlayır [24].
Erkən yazda (martın sonu, aprelin əvvəlində) qışlamış yumurtalardan
çıxan sürfələr yenicə açılmağa başlayan tumurcuqlara keçərək, onların
içərisini sorur. Çəyirdəkli meyvə ağaclarının çiçəklənməsinin sonuna qədər
yumurtadan çıxan sürfələrin inkişafı başa çatır və nəsli davam etdirən dişi
fərdlərə çevrilir. Bu fərdlər diri sürfə doğur. Adətən, birinci nəsil sürfələri-
nin sayı çox olmur. İkinci nəsildən başlayaraq sürfələrin miqdarı xeyli artır
və yarpaqlar üzərində koloniyalar halında yaşayırlar. İyun ayından etibarən
bu nəslin qanadlı formalarının bir hissəsi qamış bitkisi üzərinə keçib, orada
yeni nəslin başlanğıcını əmələ gətirirlər. Beləliklə, gavalı mənənəsi bütün
yay dövründə həm meyvə ağacları, həm də qamış bitkisi üzərində eyni
vaxtda inkişaf edir. Sentyabr-oktyabr aylarında, qamış bitkisi üzərində mə-
nənənin nəsli davam etdirən fərdləri o qədər də məhsuldar olmur. Onlar bir
ay yaşama müddətində 10-a qədər yumurta qoyub, sonra ölürlər. Formalaş-
mış sürfələr inkişaf edib, normal dişi fərdlərə çevrilirlər. Onlar erkək
fərdlərlə cütləşir, mayalanır və 10-12 gün müddətində 5-ə qədər yumurta
qoyaraq, üzərini mumabənzər kütlə ilə örtürlər. Bu yumurtalar qışlayır.
Hyalopterus pruni - Gavalı mənənəsi
Dostları ilə paylaş: |