Ağarəhim Əsərlər
162
3. Azərbaycan dili tədrisinin prinsip və
tələbləri
Prinsip hər bir adamın şüurlu fəaliyyətinin əsasıdır. Tələb isə
prinsip anlayışından doğur. Didaktikanın ümumi prinsipləri ilə ya-
naşı, Azərbaycan dili tədrisi metodikasının da spesifik prinsipləri
mövcuddur.
Qrammatik-semantik prinsip. Bunun həyata keçirilməsi üçün
bəzi tələblərə diqqət yetirilməlidir: şagirdlərin nitqinin söz və söz
birləşmələri blokları ilə zənginləşdirilməsi, hər bir dil vahidinin
qrammatik əlamətlərinin həmin vahidin semantikası əsasında başa
salınması; dil vahidinin forması ilə məzmunu arasındakı vəhdətin
başa salınması; cümlənin strukturunu mənimsətmək üçün əvvəlcə
onun məzmununun və ideyasının öyrədilməsi; sintaktik bütövləri
mənimsətmək üçün əvvəlcə onun predmetinin, hissələr arasındakı
əlaqə və münasibətlərin öyrədilməsi və s.
Nitqlə dilin qarşılıqlı əlaqəsi prinsipi. Bu prinsip müəyyən tə-
ləblər doğurur: nitqin məzmunu ilə forması arasındakı vəhdətin nə-
zərə alınması; nitqin ifadəliliyinin qiymətləndirilməsi; nitq predme-
tinin (haqqında danışdığı və ya yazdığı şeyi) şüurlu mənimsənilmə-
si; predmetlər (əşyalar, oxşar və fərqli mətnlər) arasındakı əlaqə və
münasibətlərin nəzərə alınması; dil normalarının öyrədilməsində
uşağın nitq praktikasına əsaslanılması; dialekt qüsurlarının aradan
qaldırılması; şifahi nitqlə, yazılı nitq arasındakı əlaqələrin nəzərə
alınması; mütaliə mədəniyyətinin inkişaf etdirilməsi əsasında şa-
girdlərin nitqinin praktik şəkildə müəyyən vahidlərlə zənginləşdiril-
məsi və s.
Nəzəri məlumatların praktik çalışmalar zəminində mənim-
sənilməsi prinsipi. Bu bəzi tələblərin həyata keçirilməsi zərurətini
irəli sürür: oxu materialları üzərində dil hadisələrinin müşahidəsini;
dil vahidlərinin nitq praktikasında işlədilməsini; nəzəri qaydaların
praktik çalışmalara tətbiqini, yaxud əksinə, praktik çalışmalardan
nəzəri müddəaların çıxarılmasını; maqnitofon lentləri, qrammofon
Ağarəhim Əsərlər
163
valları, plastinkalar vasitəsi ilə ifadəli oxunun dinlənilməsi və on-
dan zəruri nəticələrin hasil edilməsi və s.
Dilin vahid strukturunun gözlənilməsi prinsipi. Buna verilən
tələblər isə aşağıdakılardır: dilin bütün komponentlərinin vəhdətdə
götürülməsi; Azərbaycan dilinin hər bölməsinin ünsürləri (söz ya-
radıcılığı, nitq hissələri, söz birləşməsi, sadə cümlə, cümlə üzvləri,
mürəkkəb cümlə və s.) arasında əlaqə və münasibətlərin nəzərə
alınması; fənlərarası əlaqəyə diqqətin yetirilməsi; siniflər arasında-
kı varislik əlaqəsinin nəzərə alınması və s.
Azərbaycan dilinin tədrisində bu prinsiplər bir-birindən təcrid
olunmuş şəkildə deyil, dialektik vəhdətdə, qarşılıqlı əlaqədə tətbiq
edilməlidir.
Bu sahədəki işləri müvəffəqiyyətlə həll etmək üçün aşağıdakıla-
ra əməl olunmalıdır:
1. Azərbaycan dilinin hər bir səviyyəsi üzrə aparılan işlər onun
digər səviyyələri ilə də əlaqələndirilməlidir.
2. Azərbaycan dili tədris prosesində şagirdlərin fərdi xüsusiy-
yətləri, idrakının potensial imkanları, bilik səviyyəsi mütləq nəzərə
alınmalıdır. Bu həmin sahədə aparılan işləri düzgün planlaşdırmağa
və sistemə salmağa geniş imkanlar açır.
3. Azərbaycan dilinin tədrisində şagirdlərə təqdim olunan çalış-
maların məzmunu və ideyaca zənginliyinə xüsusi diqqət yetirilməli,
bu sahədəki işlər onların ümumi inkişafının təmin edilməsinə yö-
nəldilməlidir.
4. Azərbaycan dilinin tədrisində mümkün qədər kompleks ya-
naşma metodlanndan, təlimin ən optimal vasitə və yollarından ya-
radıcılıqla istifadə olunmalıdır.
5. Azərbaycan dilinin tədrisi üzrə aparılan işlər şagirdlərin idrak
fəaliyyətinin inkişafına yönəldilməlidir, onlara təhlil-tərkib, müqa-
yisə aparmaq praktik çalışmalardan nəzəri ümumiləşdirmələrə gəl-
mək bacarıqları aşılanmalıdır.
6. İbtidai sinif şagirdləri yuxarı siniflərdə Azərbaycan dilindən
sistematik kursu hərtərəfli və dərindən öyrənməyə hazırlanmalıdır-
lar.
Ağarəhim Əsərlər
164
7. Azərbaycan dilinin tədrisi üzrə aparılan işlər məktəblilərin
nitqinin inkişafı istiqamətinə yönəldilməlidir.
8. Azərbaycan dilinin tədrisində linqvistika, dialektika və psixo-
logiya elmlərinin son nailiyyətlərinə əsaslanılmalıdır.
4. Azərbaycan dili tədrisinin metod və
priyomları
Məlumdur ki, məqsədə nail olma yolu və həmçinin şərh, izah
üsulu metodlarının düzgün seçilməsi tədris materiallarının məzmu-
nundan doğur və ona tabedir. Əks halda təlim prosesində tətbiq
olunan metodlar məzmunun tam açılması işini təmin etmir.
Fəlsəfi, psixoloji və pedaqoji ədəbiyyatda elmin metodlarını
ümumi, dialektik, xüsusi (induktiv və deduktiv) və spesifik olmaqla
üç qrupa (müşahidə, ümumiləşdirmə və eksperiment) ayırırlar.
Azərbaycan dilinin tədrisi metodikasında elmi metodların hamısın-
dan (həm ümumi, həm xüsusi, həm də spesifik metodlardan) kifa-
yət qədər istifadə olunur.
Lakin başlıca yeri spesifık metodlar tutür. Onu da qeyd edək ki,
pedaqoji ədəbiyyatda metod anlayışına müxtəlif mövqelərdən yana-
şılır, biri digərindən bu və ya digər dərəcədə fərqlənən təriflər veri-
lir. Gah da dil təlimi metodikasının spesifik cəhətləri kifayət qədər
aşkarlanmadığından, dəqiqləşdirilmədiyindən, o tez-tez qarışdırılır,
bir-birinin sinonimi kimi şərh olunur. Məsələn, elə götürək qram-
matik təhlil məsələsini ―Ensiklopedik lüğətdə‖
1
qrammatik təhlil
―Metod-priyom və priyomlar məcmusu‖ kimi göstərilir, A.V.Teku-
çev
2
həm metod, həm də iş növü, A.S.Abdullayev
3
gah metod, gah
da vasitə, L.P.Federenko
4
bəzən vasitə, bəzən priyom, bəzən də
1
Энциклопедический словарь. Москва; Просвещение, 1984, стр.67.
2
А.В.Текучев. Методика преподования русского языка в средней
школе. М., 1958, стр.58.
3
A.S.Abdullayev. Orta məktəbdə Azərbaycan dili tədrisi metodikası. Bakı,
Azərnəşr, 1964, səh.73.
4
Л.П.Федеренко. Принципы и методу обучени русскому языку. М.,
1964, стр. 82-84.
Dostları ilə paylaş: |