Ağarəhim Əsərlər
153
masında II-IV sinif şagirdlərinin də iştirakı təmin olunmalıdır. Bu
kataloqları isə üç cür tərtib etmək mümkündür: a) marağa görə te-
matik (ictimai-siyasi hadisələri, tarix və s.) prinsip əsasında; b) ay-
rı-ayrı müəiliflərin əsərləri üzrə; v) janr (nağıl, hekayə, şeir, təmsil
və s.) üzrə. Bunların tərtibində başlıca yeri əyanilik tutmalıdır. Şa-
girdlər tədricən formadan məzmuna (şəkillərdən, cilddən kitabın
məzmununa) doğru istiqamətlənirlər.
Proqramın tələbinə görə I-IV siniflərdə sinifdənxaric oxuya iki
həftədə bir saat ayrılır.
I sinifdə sinifdənxaric oxu məşğələlərində əsərləri müəllim oxu-
yur. Onların məzmunu ilə əlaqədar müsahibə aparır, suallar verir,
tərbiyəvi ideyanı müəyyənləşdirir, II-IV siniflərdə isə işin xarakteri
əsaslı şəkildə dəyişir.
Bu siniflərdə tədris ilinin əvvəllərində ilk məşğələlər yay tətilin-
də oxuduqları əsərlərin müzakirəsinə və yekunlaşdırılmasına həsr
olunmalıdır. Bu prosesdə üç məsələyə diqqət yetirilməlidir:
— şagirdlərin yay tətilində oxuduqları kitablar haqqında müsa-
hibə keçirmək;
— şagirdlərin hansı əsərləri oxuduqlarını və mütaliə dəftərindən
onların məzmunu ilə əlaqədar apardıqları qeydləri öyrənmək;
— sonrakı məşğələlər üçün tövsiyə ediləcək əsərlər haqqında
söhbət aparmaq.
Sinifdənxaric oxu məşğələlərini müəllim həm sinifdə, həm də
kitabxanada apara bilər.
Qabaqcıl müəllimlər II-IV siniflərdə dərslikdəki həm tematika-
ya (tutaq ki, payıza aid) sinifdənxaric oxu üçün tövsiyə edilən əsər-
lərin siyahısını ―Maraqlı kitablar‖ başlığı altında böyük bir kağıza
yazıb sinifdən asır. Siyahının altında isə ―Payızda ağacların yarpaq-
ları nə üçün saralır? Bəzi quşlar nə üçün başqa ölkələrə uçub gedir-
lər? Adamlar payızda hansı işləri görürlər? Meşələr necə olur?
Günlər nə üçün qısalır? Pambıqdan nələr alınır? Payızda hansı
meyvələr yetişir?‖ və s. suallar yazırlar.
Şagirdlər tövsiyə olunan əsərləri oxuyur, onlardan və dərsliklər-
dən öyrəndikləri əsasında həmin suallara cavab tapıb yazırlar. Belə
Ağarəhim Əsərlər
154
sual və tapşırıqların tələbi ilə şagirdlərdə axtarıcılıq, müstəqil işlə-
mək qabiliyyətləri yaranır.
III-IV siniflərdə həm I, həm də II tədris ilinin sonunda sinif-
dənxaric oxunun keçirilməsinə həsr olunmuş toplanışların təşkili də
faydalıdır. Belə toplanışlar şagirdlərin yarım il ərzində oxuduqları
əsərlərin məzmun və ideyasını, obrazların fəaliyyətini, onlardan çı-
xarılan tərbiyəvi nəticənin nə dərəcədə yada salınmasını müəllimə
yoxlamağa imkan verir. Təcrübə göstərir ki, belə toplanışları ədəbi
didaktik oyunlar vasitəsi ilə aparmaq şagirdləri daha çox maraqlan-
dırır, onlarda oyunda fəal iştirak etmək, çox cavab vermək həvəsi
oyadır. Ona görə də toplanış keçiriləcəyi vaxtı, toplanışla ədəbi
oyunların xarakteri, təkrar olunacaq 8-10 əsərin adı ən azı bir həftə
əvvəl şagirdlərə çatdırılmalıdır. Qarşıya qoyulmuş məqsəddən asılı
olaraq, ―Yadındamı‖, ―Öyrənirik‖, ―Tamamla‖, ―Əsərin müəllifi
kimdir?‖ və s. kimi bədii-ədəbi didaktik oyunlardan istifadə etmək
mümkündür.
Tutaq ki, müəllim toplanışda ―Yadındamı‖ ədəbi-bədii oyunun-
dan istifadə etməlidir. Bunun üçün o, II sinifdə tədris ilinin sonunda
təşkil olunmuş toplanışda sinifdənxaric oxu üçün təkrar tövsiyə edi-
lən əsərlərdən müəyyən parçalar oxuyur. Sonra həmin parçanın
hansı əsərdən götürüldüyünü soruşur. Şagirdlər fikirləşib tapırlar.
Yaxud ―Tamamla‖ ədəbi-bədii didaktik oyunu ilə əlaqədar müəllim
hər hansı əsərdən müəyyən hissəni oxuyur (və ya danışır). Gözlə-
nilmədən oxunu mətnin yarısında saxlayır və şagirdlərdən tələb
edir ki, həmin hekayəni davam etdirərək tamamlasınlar. Ola bilər
ki, şagirdlərdən həmin əsərin adı, onun müəllifi, əsərdəki obrazların
təsviri xəbər alınsın. Belə oxu xarakterli toplanışlar şagirdləri fikri
axtarışlara dəvət edir. Onları dərindən düşünmək, axtarışlara əsasən
cavab vermək vəzifəsi ilə qarşılaşdırır. İşin sonunda şagirdlər cəd-
vəldəki qrafaları doldurub müəllimə qaytarırlar.
Əsərin müəllifi, əsərin adı, əsas surətlər, əsərdə nədən danışılır.
Müəllim cavabları nəzərdən keçirir, qrafaların hamısını düzgün
dolduran şagird qalib hesab olunur. Cədvəlin bir qrafasında səhvə
yol verən şagird II, iki qrafasında səhv edən şagird isə III yeri tutur.
Ağarəhim Əsərlər
155
Yarımillik sinifdənxaric oxunun təşkilinə həsr olunmuş belə
tapşırıqlar şagirdlərin mütaliə marağını artırmaqla onların təfək-
kürünün müstəqilliyinə də güclü kömək göstərir.
Qabaqcıl müəllimlər III-IV siniflərdə şagirdlərə oxuduqları
əsərlər haqqında sadə, yüngül rəylər də yazdırırlar. İbtidai sinif şa-
girdlərinə kitabla davranmaq üzrə ən zəruri qaydalar haqqında mə-
lumatlar da verilməlidir. Bunun üçün kitabın hazırlanması, ona sərf
olunan xərc, zəhmətkeşlərin əməyi, həyatda onun böyük əhəmiyyə-
ti şagirdlərə çatdırılmalıdır. Onlara başa salınmalıdır ki, hər bir in-
san kitaba borcludur. Kitabsız dünyanı dərk etmək, baş verən hadi-
sələri yadda saxlamaq, onun səbəblərini öyrənmək mümkün deyil.
Kitab yaxşı saxlandıqda, onu yüzlərlə adam oxuyur, zəngin bi-
liklərə yiyələnirlər.
Ona görə də kitabı qorumaq lazımdır. Onu cırmaq, yağışın, qa-
rın altına qoymaq olmaz.
Bununla belə ibtidai sinif şagirdlərinə bir sıra gigiyenik məslə-
hətlər də verilməlidir. Onlara izah edilməlidir ki, kitabı oxuyarkən
düz oturmaq, onun üstünə əyilməmək, kitabla göz arasındakı 15-20
sm məsafəni gözləmək, işığın sol tərəfdən düşməsini təmin etmək,
yorulanadək oxumamaq lazımdır. Əks təqdirdə, həm şagirdlərin
materialın məzmununu mənimsəmə işi çətinləşər, həm də onların
sağlamlığına mənfi təsir göstərilmiş olar.