173
aralanmırdıq, çünki hər an acıqlı Səidin, – “Minin getdik, tez
olun!” – bağırtısı qopa bilərdi. Axır ki, “13-cü”nün də bal-
dırları keyidiyindən aşağı düşdü. Düşdü və avtobusun arxa-
sına keçdi. Səid növbəti alarm səsləndirib sərnişinləri bir-bir
içəri buraxırdı. “13-cü” qayıdıb avtobusun qapısına çatma-
mış, onun sidiyi ilan kimi burula-burula Səidin ayağının
altında qıvrılıb ötdü. Adamlar onlara bulaşmasın deyə ayaq-
larını qaldırıb “ilanı” ötürürdülər. Bəxti bu gün heç gətirmə-
yən “13-cü” adamlara çatanda Səid asfaltın üzərində hələ də
şütüyən sidik “ilanını” ona göstərib soruşdu, – “Sənin çi-
şindi?”
“13-cü”:
– ...Hə, deyəsən mənimkidir. Siz allah bağışlayın...
Səid:
– Keç yerinə, eybi yoxdur!.
O, avtobusun pilləkənindən geridəkilərə – yerdə qa-
lanlara döndü, – “Xahiş edirəm bağışlayın...”
İnandırım ki, çoxları həmin anda onun tezdənki hərə-
kətini bağışladı – biri elə mən özüm... İnsanlarda bir mər-
həmət hissi yaranmışdı “13-cü”yə qarşı. Kişinin sifətini bir
anda xəcalət pərdəsi bürümüşdü. Bəlkə də ona, bu səhərki
hərəkətini bir qədər izah etmək şansı verilsəydi, onun tə-
rəfinə keçənlər də olardı. Ancaq bu qaradinməz “kölgə” öz
qaraqabaqlığıyla hələ çoxlarının nifrət obyekti idi..
Neytral zonanı da keçib Rusiya tərəfdə avtobusun “rent-
gen”dən keçməsini daha üç saat gözləyəsi olduq. Anadan
əmdiyim burnumdan fitil-fitil gəldi qardaş... Yaxşı ki, bu
arada avtobusdakı qadınlar da ayaqyolu ehtiyaclarını ra-
hatca təmin edə bildilər.
174
Artıq hava qaranlıq idi. Sərnişinlərin çoxu yuxudaydı.
Mənim sərhəddə aldığım “qoz arağı”m isə hələ yarıyadək
doluydu. İki dostumdan Fəzaillə yanaşı oturmuşduq, digər
dostumuz Yaqubəli isə o biri sıranın yanaşı oturacağının biz
tərəf olan yerində oturmuşdu. Yanaşı olduğumuzdan üçü-
müz də rahatca dərdləşə bilirdik. İt əzabımıza, bu qədər
əziyyətə görə onların xəsisliklərini lağa qoyub gülür, qayı-
darkən onların analarından əmdiyi südü burunlarından
gətirəcəyimə and içirdim. Bizim “13-cü” isə tək-tənha otur-
muş, heç kimlə danışmır, gözünü bir nöqtəyə zilləməkdən
yorulmuş və axırda yuxuya getmişdi.
Sabah işıqlaşanda biz artıq Budyonovskdaydıq. İndi
avtobusu Səidin köməkçisi sürürdü. Sürücü maşını bir
yeməkxananın qabağında saxlayanda Səid yuxudan ayıldı
və bağırdı, – “Bir saat vaxtınız var – səhər yeməyi yeyəcəyik,
düşün!”. Hamı qırışığını açmaq üçün yerə düşdü. Kimi ayaq-
yoluna cumur, kimi dolları rubla çevirir, kimi yolun kənarın-
dakı ağaclıqda eşələnir, kimi də şirin çaylarını qarışdırıb
səhər yeməyini yeyirdi. Biz də yeməyimizi yeyib ətrafda
gəzişməyə başladıq. Zəhlətökən, uzun və gərgin yolçuluq bi-
zi lap əldən salmışdı. Avtobusun kondensioneri olmadığın-
dan, gecə yolboyu pəncərələri açıq saxlamışdıq və nəticədə
əməlli başlı soyuqlamışdıq – şəxsən mənim boynum və
çiyinlərim qurumuşdu.
Avtobusa minəndə təhna “13-cü” yaxasına tökülmüş
çörək qırıntılarını toplayır, yediyi soyutma yumurtanın
qabıqlarını qəzetə bükürdü. Artıq Rusiya ərazisində özü-
müzü bir qədər başqa atmosferdə hiss edirdik. Rusiya bizim
ölkəylə müqayisədə çox geri qalıbmış – bərbad yolları, əkinə
yararlı sahibsiz çölləri, zövqsüz kənd və qəsəbələri bizim-
175
kilərə “min rəhmət oxutdururdu”. Səhər yeməyi və rus
havası kefimizi xeyli açmışdı. Şirin lətifələr danışan cavan
bir oğlanın bariton səsi avtobusa hakim kəsilmişdi. Artıq
“13-cü”nün də hərdən eyni açılır, lətifələrə pıqqıldayıb
gülməyi isə bir çoxunda qıcıq yaradırdı. Rusiyanın kələ-
kötür yollarından söz düşəndə isə, bayaqkı oğlanın danışdığı
lətifə bizim kefimizi lap əməlli-başlı açdı – artıq yol yorğun-
luğunu tamam unutmuşduq. Oğlan danışırdı ki, – “Bir gün
su-kanalizasiya idarəsinin müdiri Bakının merinə zəng
vurub deyir ki, – “Hacıbala müəllim, Mətbuat prospektində
yolun asfalt işini başa çatdırmısınızsa, biz işimizə başlayaq”.
Mer soruşur ki, – “O nə işidir elə!?”. Cavab verirlər ki, – “Bəs
yolu qazıb binaların su və kanalizasiya borularını digər
tərəfdəki kollektora birləşdirməliyik”... Özümüzünkülərin
bu eybəcər ənənəsinə o ki var döşəyib güldük. Vallah do-
ğrudan da gülməli işdir – yolu çək, sonra da qaz ki, nədi-
nədi burdan boru keçməliymiş, yaddan çıxıb. Sonra yenidən
asfaltla. Amma “varlığa nə darlıq”, “pul bizdə, bir də
ingilisdə”...
“13-cü” qırmızıyanaq bir şaftalı çıxarıb gəmirməyə
başlayanadək hər şey bax beləcə şən keçirdi. Ancaq 3-4 yaş-
larında bir qız uşağı anasına dinclik vermədən hey qışqırıb-
bağırır, öz ciy-ciy səsiylə avtobusun başına əcəl suyu səpirdi.
Axırda dünənki ağzıdualı nurani qadın uşağın anasından
soruşdu, – “Uşaq niyə ağlayır, ağrıyan yeri var?”
Uşağın anası:
– Yox, şaftalı istəyir... Mən indi şaftalını hardan tapım?
Hamının gözü, “13-cü”nün əlindəki son birdişləmlik
şaftalıya zilləndi. “13-cü” ilə ilk dəfə təmasa girişdim, –
176
“Dayıcan, uşaq sizin şaftalını görüb ağlayır, varınızdırsa
birini də ona verin baş-beynimiz bir az dincəlsin...”
Axırıncı dişləm şaftalını udqunub mədəsinə sindirəndən
sonra çox ehtiramla, – “Vallah yoxdur, uşaqlar elə bircə
dənəsini qoyublarmış...” – dedi. Ağlayan körpənin anası
çönüb üzünü mənə bozartdı, – “Onun əlindən şaftalı nədi,
heç dərman olsa da almaram!” – deyib nifrətlə “13-cü”yə
baxdı və uşağının yanına yağlı bir sillə ilişdirdi, – “Öl səni
elə, siləfsin küçük!”. Gəlinin sözləri və hərəkəti sönməkdə
olan ocağın üstünə elə bil benzin tökdü. Bayaqdan zavallı
yolçunu unutmuş sərnişinlər yenidən mövzunu onun üstünə
gətirib xısınlaşmağa başladılar. Altdan-altdan bir gözləri
“13-cü”yə baxırdı. O, mənə elə gəlir ki, “göz qaytarmaq”, ya
da “nə düşündüyünüz heç vecimə də deyil” mənasında bo-
ğaz dolusu hayxırdı və ağzını seliklə doldurub öz oturaca-
ğının altına əyildi. Bu heynidə ona zillənmiş gözlər cütləşdi
və bərəldi. Hayxırtıya, az qala sərnişinlərin yarısı ona doğru
boylanmışdı. Görünür etikanı xatırladı – pəncərənin şüşəsi-
ni geri çəkib ağzındakını var gücüylə çölə tüpürdü. Çoxu-
muz ağız-burnumuzu büzdük – çox iyrənc bir hərəkət idi.
Ümumiyyətlə burun dartan, küçədə aramsız hayxırıb tüpü-
rən, burnunu fınxıran adamlara nifrət edirəm. Düzdür, siqa-
ret çəkən olduğumdan mən də küçədə hərdən tüpürürəm,
ancaq əvvəlcə tüpürdüyümü görən adam yoxdursa bunu
edirəm. Amma görünür iyrənən tək mən deyilmişəm...
Səidin öz-özünə əsəbi mırıltısı sərnişinlərin diqqətini
başqa səmtə yönəltdi, – “Nə var ey, bayaqdan işığı yandırıb-
söndürürsən, di gəl keç!” Amma qara rəngli bir “S-class”
avtobusun qabağında yolu kəsib dayandı. Səid də avtobusu
tormozladı. Cavan, olduqca şıx geymiş bir oğlan avtobusa
Dostları ilə paylaş: |