181
Sükanın arxasına keçib bir xeyli özü sürdü və qamışlıq
sahəsinin yanında avtobusu saxladı. Kişilərin hamısı yerə
düşdü. Səidi ortaya aldıq.
Səid:
– Qafqazda kişinin sözü hər şeydən üstündür. Bura
Rusiyadır, gündə beləsinin yüzünü öldürüb meyidini də
zibilliyə tullayırlar. Mən söz verirəm ki, bu hadisə barəsində
heç kimə bir söz deməyəcəyəm – papağıma və bığlarıma and
içirəm. Siz də and için.
– Əşşi arxayın ol. Tez ol işi bitir. Yolçu yolunda gərək,
işimiz-gücümüz var.
Kimi Qurana, kimi Allaha, kimisi anasının canına and
içdi.
Səid:
– Onda köməkləşib meyidi düşürün.
Kişilərdən daha cəsarətli olan üç nəfər meyidi düşür-
dülər.
Səid qamışılığın düz kənarına gedib, – Bura gətirin, lap
yaxına – dedi.
Meyidi gətirdilər.
Səid:
– Meyiddən hamı yapışsın. Bu o deməkdir ki, hamımız
meyidi görmüşük və eyni məsuliyyəti daşıyırıq. Biri bizi
satsa, hamımız əlli-ayaqlı gedəcəyik.
Hamı əlini meyidə sürtdü. Bayaqkı üç nəfər onu havada,
– “bir, iki, üç..!” – deyib yellətdilər və gücləri çatdığı qədər
uzağa – bataqlığa tulladılar. Fənərli alışqanla xeyli baxdıq –
meyid suyun üzündə hava qabarcıqları yaradaraq bataqlığın
dibinə soruldu. Qurbağaların qurultusu bataqlığa yenidən
hakim kəsildikdən sonra maşına mindik. Araq şüşəsinin
182
dibində qalan arağı da birnəfəsə başıma çəkdim. Gözüm ar-
xa oturacaqdakı saqqallı oğlanı axtardı. Amma onun haçan
və harda düşdüyünü bilən olmadı.
Hamı səssiz-səmirsiz düşünür, ya da pıçıltıyla danışır-
dı. Sükutu maqnitafonun səsi pozdu – müğənni Tatunun –
“Не верь, не бойся, не проси” – mahnısı var gücüylə insan-
ların gərilmiş əsəblərini yavaş-yavaş öz ağuşunda soyutdu.
Bir kimsə də Səidə demədi ki, – “Al bu zəhrimara qalmış
musiqinin səsini!”. Birinin iti, pişiyi ölsəydi daha çox yanar-
dıq – bir insan ölümünə belə biganəliyi isə birinci dəfəydi
görürdüm...
* * *
Stolun üstünə düzülmüş yeməklərə gözüm sataşdı, ka-
babın dadına baxmaq istədim – tamam soyumuşdu. Yemək
gələndən ağzımıza hələ bir tikə qoymamışdıq. Dostumun
şahidi olduğu, dedektivləri xatırladan bu acı hekayə məni də
ofsunlamışdı. Ürəyini boşaldıb xeyli rahatlamışdı. Araq süz-
dü. Məni gözləmədən birnəfəsə başına çəkdi. Sonra bir də
doldurdu. Bu dəfə məni də gözlədi:
– Allah bizi belə ölümdən qorusun. İçək...
Birlikdə içdik. Soruşdum, – “Bəs sonra bu sirrin üstü
açılmadı?”
– Yox. Amma mənə diqqətlə baxan bir göz görəndə ətim
ürpənir – elə bilirəm ki, bu saat mənim əllərimi qandallayıb
qatil kimi dama basacaqlar. Gecələr qorxudan yuxu da yata
bilmirəm. Dəqiqəbaşı gözümün önünə gəlir zavallı “13-cü”...
183
– Mənim də ağlıma min cür fikir gəlmişdi. Dedim yəqin
səndə də xərçəng-zad tapıblar və qanın ona görə qaradır. Bəs
o yazığı kim öldürmüşdü?
– Əmin deyiləm... Ancaq mən, arxa oturacaqdakı saq-
qalıdan şübhələnirəm. Birdə ki, onu hamımız öldürdük...” –
dedi və məni gözləmədən növbəti qədəhi başına çəkdi. Söh-
bəti çevirmək istədim:
– Əşşi, ölməli insan imiş, yaxşı olub öldürüblər...
Dostum:
– Axı o insan idi. İnsan niyə belə murdar günə qalma-
lıdır ki? Niyə hamı onun ölümünə göz yumdu?
– Sən allah başqa şeydən danış. Şükür ki, salamat gedib
qayıtdın. De görüm Yessentukiyə getməyinə dəyərdimi?
Müalicəsi, istirahəti normaldırmı?
Dostum ilk dəfə qımışdı:
– Növbəti günün səhəri “Viktoriya” sanatoriyasına çat-
dıq. Yüklərimizi otaqlarımızda yerbəyer edib aşağı düşdük. I
korpusun adminstratoru İrina Aleksandrovna Burkova adlı
bir qədər yaşlı olsa da olduqca şux və gözəl qadın idi. Har-
dan gəldiyimizi öyrəndi, ağrıyan yerimizi, şikayətlərimizi
dinlədi:
– Necə gəldiniz, yol sizi yormadı ki..?
Nədənsə mənə elə gəldi ki, yoldakı hadisədən xəbərdar-
dır və o həkim deyil, sadəcə həkim cildinə girmiş bir polis
əməliyyatçısıdır. Dostlarım hərəsi öz dərdlərini danışdılar.
Mən isə, – “Heç bir şikayətim yoxdur, sağlamam” – dedim.
Amma buna baxmayaraq mənə də özünün məsləhət bildiyi
müalicə prosedurlarını yazdı. Tibb bacısı bizi müalicə kor-
pusuna aparıb həkim müayinəsindən keçməyimizə nəzarət
edirdi.
184
Yessentukidə istirahətdə, müalicədə olanlar bilirlər. Növ-
bəylə 130 nömrəli otağa girib bağırsaqlarımızı yudular. Sonra
da 135 nömrəli otaqda bir kişiyə yaraşmayan şəkildə başımıza
(daha doğrusu başqa yerimizə...) çox alçaq oyunlar açdılar.
Burda bir tibb bacısının şahidi olduğu və danışdığı hadisənin
qaxıncı mənə səbr verməsəydi, and olsun ki, bu yolçuluğun
sonunda özümün qatili olacaqdım. Tibb bacısı mənim xəca-
lətimi ört-basdır etmək üçün bir hadisəni danışdı:
– Bir gün qoyun dərisindən keçə papaqlı, çuxalı, şələbığ
biri içəri girib müayinə talonunu mənə uzatdı. Dedim, –
“Şalvarınızı aşağı çəkin və çıxın bu taxtın üstünə və çöm-
bəlin..” Kişi tüklü papağını ehtiramla çıxarıb sulun üstünə
qoydu, şalvarını çıxarıb bax bu taxta çıxdı. Sənin başına gə-
lən bu haqq-hesabı onun da başına gətirdim. Bağarsaqlarına
baxıb işimi bitirdim. Kişi şalvarını düymələdi, talonu, xəs-
təlik tarixi sənədlərini də götürüb qapıdan çıxanda, – “Əmi,
papağınızı unutdunuz...” – deyə arxasınca səsləndim. O isə,
– “Daha o papağı başıma qoya bilmərəm, məndə kişilik de-
yən şey qalmadı. 50 il namusla yaşa, özün də gəl könüllü
uzan bir qızın qabağına, o da sənin kişiliyini əlindən alsın...
Səni də lənətə gələsən, sənin sanatoriyanı da! Mən papağı-
mın dalınca gəlməyəcəyəm! Onun-bunun dalını silməyə işlə-
dərsən!” – dedi və birdəfəlik Yessentukidən çıxıb getdi.
* * *
Gülməkdən özümü saxlaya bilmirdim. Dostum isə:
– Bax belə... Getdik iç-içalatımızı yudurdub gəldik. O
boyda yolu istirahət adıyla gəl bu cəhənnəmin cənnət gu-
şəsinə, yolda qatil kimi meyid izi itir, mətəyə çatanda da
Dostları ilə paylaş: |