C
əsur qardaşlar
88
fikirləşmə” – deyərək körpənin qəlbini ovudurdu. On üç yaşlı bacısı Fatimə həm
Həyatın həm də Hümbətin əllərindən tutub yanında gəzdirib, gül-çiçək toplayıb
onların xatirinə oynayırdı. Artıq bu obada hamı bu uşaqların nazı ilə oynayır,
kimin əlinə nə düşürdüsə Həyat ilə Hümbətə verirdi. Hamı kimi bunlar da körpə
tələffüzü ilə: “Qaqam nə vaxt gələcək” –deyirdilər. On üç yaşlı Fatimə də: “Hə
qaqaş, sən yekələcəksən, bax onda Nəsib qaqam gələcək”. Bu an üzünü onlar
görməsin deyə, yana çevirib göz yaşları tökürdü. Demə, mənim anam hələ çox
gənc ikən, on üç yaşlarından ağlayırmış və bununla da ürəyini sakitləşdirirmiş.
Deyirlər insan ağlayanda onun daxili bir qədər sakitləşir. Ancaq zəmanənin sərt,
amansız qalmaqalı məcbur etdi ki, gizli yox, artıq ellərə obalara fəryadını
çatdırmaq üçün gənc yaşlarında böyük qadınlar kimi ağılar deyib, göz yaşı töksün,
ürəyi sakitləşsin. On üç yaşında ata nəvazişini itirmiş, o illərin sevimlisi olan gözəl
Gülzarı itirmiş, gecə-gündüz qardaşı Nəsibin qartal tək qayalarda yatmasını
fikirləşdikcə göz yaşlarını tökən Anam demə hələ körpə vaxtlarından ümidini göz
yaşlarına tikibmiş. Demə, anamın göz yaşları bütün Azəri analarının fəryadı və göz
yaşı imiş. (F.Süleymanov) İndi bunu duymaq və dərk etmək lazımdır. İnsan heç
vaxt ölənlə ölmür, lakin gənc yaşlarından ürəyinə xallar düşür və kövrək olur.
Onun q
əlbi həssas və qayğıkeş olur. Demə, mənim anam ona görə həm qayğıkeş,
həm də həssas imiş ki, o hadisələri gözü ilə görüb, onunla yaşayıb. Demək, bütün
Türk dünyasının anaları beləcə həssas və kövrək olurlarmış. Nəsib artıq
Zəngəzurda Dövlər tərəfindən ən qorxulu Qaçaq adlandırılırdı, onu tutmaq üçün
hər yerdə pusquda durmuşdular. Ancaq Nəsibi tapa bilmirdilər. Harada bir erməni
daşnakı var idisə, Nəsibin qorxusundan çölə çıxa bilmirdi. Bunun hesabına
Zəngəzurun qoçaq oğlanlarını hər gecə aparıb Gorus qazamatxanasına salır və
Nəsibin yerini deməyi tələb edirdilər. Artıq başqa yerdə olduğu kimi, bu
bölgələrdə də Şura höküməti qurulurdu. Nökərə, çobana –hərəyə bir firqə bileti
verib varlılara, bəylərə qarşı amansız mübarizəyə qaldırırdılar. Nəsib gecələr evə
gəlir, ailəni kimlər incidirdisə, onlarla haqq-hesab çəkirdi. (F.S. “Anam niyə
ağlayır”)
Bir gün gecənin sakitliyini atəş səsləri pozdu. Təhlicə obası, Nəzir obası
mühasirədə idi. Obaların üstünə güllə yağdırırdılar. Həm Qasımgilin obasına, həm
də Kərbəlayi Səkinənin obasına hücum etmişdilər. 1923-cü il idi. Qasımın kiçik
Əşir Bəşiroğlu
89
qardaşı Cəbi yenicə evlənmişdi. Gələnlər tələb edirdilər ki, Nəsibin yerini deyin.
Qasım təmkinini pozmadan irəli yeriyib dedi: -Nə istəyirsiniz, oğul? Mən lazımam
məni çağırın. Bu arvad-uşağın günahı nədir?
-
Hə, o vaxtlar Sultan bəyin dəstəsini silahla, ərzaqla təmin edib yola salanda
bilmirdin ki, hökümət gələcək? Hökümət əleyhinə beş il dağlarda heç kimə tabe
olmayan Nəsibin bacısını özünüzə gəlin gətirəndə nə düşünürdünüz bəs? İndi
hamınızın əlini-qolunu bağlayıb o Gorus qazamatına aparıb orada güllələyəcəyik.
Onda Nəsib gələr və sizi o türmədən qurtarar – deyb Qasımın əllərini bağladılar.
Qasımın kiçik qardaşı Şamil də çölə çıxan kimi onun da qollarını bağladılar. Bu
vaxt ailənin kiçik oğlu Cəbi isə qara quzeydə Mollayı yaylağında idi. Cəbi artıq
onların danışıqlarını eşidir, birnəfəsə Günbəzə sarı çapırdı. Axı o bilirdi ki, Nəsib
gecələr Çömçəli bulaqda, Qara gahada qalırdı. O kahıya yüzlərcə adam gəlsəydi
belə, tək hamısı ilə döyüşə bilərdi.
Təhlicə obasında Kərbəlayi Səkinəni, qolları bağlı Həbibi Nəzir obasına sarı
apararkən beş yaşlı Hümbət nənəsinin tumanından tutaraq – “Mən də gedirəm” –
deyə nalə çəkirdi. Uşaq heç cürə ayrıla bilmirdi. Kənarda duran erməni milisi
tüfəngin qundağı ilə uşağın başından elə vurdu ki, uşaq başı kəsilmiş toyuq kimi
yerində çabalamağa başladı. Kərbəlayi Səkinə uşağa sarı əyiləndə, onu yenə də
qundaqla vurdular, “tez, irəli” – deyərək əmr etdilər. Ancaq Kəblə Səkinə özünü
uşağın üstünə sərib başından axan qanı yalayır və elə bil qan çıxan yerə dilini
sıxaraq qan fontanının qabağını alırdı. Güclü əllər Kərbəlayi Səkinədən yapışıb
onu atın üstünə qoyub sarıdı və tez hərəkət etməyə başladılar. Çınqıllıya çatanda
Qasımla Şamilin əli-qolunu bağlı gördülər. Hər tərəfi əli silahlı jandarmlar əhatə
etmişdi. Üç kişi və bir qadını Gorusa tərəf aparırdılar. Həmin gün, yəni on səkkiz
yaşlı anamın yenicə həyat qurduğu həmin gecə, (F. Süleymanov) 1923-cü ilin
soyuqlu
noyabr gecəsi o, ayağıyalın, başıaçıq soyuqlu bir ruzigarda atasının
elindən atışma səsini eşidərək, Nəzir obasına kimi göz yaşları tökə-tökə qaçırdı.
Bədənindəki ağrıları belə hiss etmədən tələsir. Axı oralar başdan-başa qara tikan
kolluğu ilə doludur. Kolluq sıx meşələr kimidir. Kollar onun bədənini, ayaqlarını
dağıdır o, hiss etmir, bədənindən qan axır, fərqinə varmır, tələsir ki, Təhlicəyə - öz
obalarına çatsın. Bu zaman anası Tellininin naləsini eşidir. Bu səsin içərisində üç
körpə səsini də aydınca eşidirdi. Daş kahada zəif çıraq yanır, o çırağın zəif şöləsi
C
əsur qardaşlar
90
yerdə uzanmış beş yaşlı Hümbətin çox zəif səslə: - “Anama gedirəm. Bəs
deyirdiniz mənim anam Gülzar çox gözəldir. Axı niyə məni ona vermirsiniz?”
sözləri eşidilir. Bu an mənim anam yenicə gəlin gəlmiş, əlləri hələ də hənalı idi,
qara quzeyin daşları üstdəki mamırlardan hazırlanmış hənanın rəngi solmamış və
iyi çəkilməmiş əlləri ilə o gözəl üzünü dırnaqları ilə cırır, şivən qoparır, qan
üzündən süzülür, özünü Hümbətin üstünə atır. Elə bil uşaq huşa gəlir və ən çox
sevdiyi bacısını – Fatmanı görür. – Bacı sən gəldin? Bəs mənim gözəl Gülzarım
hanı? Mənim nənəmi də bax mənim kimi vurdular, yəqin nənəm öldü. Bax,
gəlinbacı, mən ölürəm, özü də indi, bilirəm ki, gedirəm gözəl Gülzarın yanına. Gəl
səni öpüm, gəlinbacım – deyə rəngi solmuş, bənizi, üzü qanlı, anama sarı əyildi.
Ancaq taqəti çatmadı, əlini anamın əlinə qoyan zaman artıq əli buz tək soyuq idi.
Son sözünü deyən beş yaşlı körpə bir çigin idi. Kişi kimi can verirdi:
-
Bax, mən ölməsəm, yekələndə bu intiqamı yerdə qoymaram – deyən
Hümbətin gözləri bərələ qalıb həyatla vidalaşdı. Dörd bacı, bir ana körpəni duz
kimi yalamağa başladılar. Telli: - “Nə etmək olar, bizimki də belə gətirdi” –
deyərək qara kəlağayını buza dönmüş cəsədin üstünə sərib, həzin-həzin göz yaşları
axıdırdı. Gecənin sakitliyini Alabaş pozurdu. Tez Telli çırağı söndürüb it hürən
tərəfə çıxdı. Araz tərəfdən bir atlı gəlirdi. Tanıdı, qardaşı Əli idi.
-
İlahi, sən insanları darda qoyma-deyərək o qardaşının qabağına yeridi. Axı
insan
dar gündə olanda həmişə özünə arxa axtarır. Elə bil Telliyə dünyanı verdilər.
O, hadisəni Əliyə danışdı, sonra kahıya keçdilər. Əli tez çırağı yandırıb, qara
Şamaxı kələğayısını qaldıranda Hümbəti yatmış bilib tez dedi: - Bacı, bu uşaq
ölməyib ki, tez bir şüşə qırıntısı ver. “Ay qardaş, şüşəni haradan alım” – deyəndə
tez Fatma qoynundakı kiçik bir güzgünü çıxarıb dayısı Əliyə uzatdı. Əli güzgünü
uşağın ağzında bir qədər saxlayıb: Hə bacı, bax tərlədi güzgü. Həzin-həzin nəfəs
alır. Bunu deyəndə elə bil bacılara həyat verdilər. Əli diqqətlə uşağın yarasına
baxıb, yəqin buralarda haradasa qar var. Hə bacıqızı dur, atın tərkinə min gedib qar
gətirməliyik. Bu uşağın başını qara basdırmalıyıq. Tez Əligil atlanıb, Qara Quzeyə
qar gətirməyə getdilər.
Cəbi xəbərə qaçır.
Qara Quzeydən Nəzir obasındakı hadisəni və Təhlicədəki atışmanı
ermənilərin obanı dağıtmağını, qardaşlarının və Həbibin, Kəblə Səkinənin
Dostları ilə paylaş: |