204
-Bu qonaqlar da yaraq-yasaqlı adamlardı. Qoy səninkiləri gizlədək, silahın
olduğunu heç bilməsinlər.
Nəbi soruşdu:
-Ay əmi, qonaqların birdən şərə-şur adam olar ha!
Qoca:
-Yox ay oğul, qaçaq mal dalınca gələnlərdi: adama iki dılğır tüfəngləri, bir də
şaşkadı, maşkadı nədir, ondan varlarıdı, onları da söykədilər qapının arxasına.
Şaşka deyəndə Nəbi dayandı, axı şaşka hara, qaçaq hara, şaşkanı pristavlar taxir,
birdən...
Nəbi yenə istədi geri qayıtsın, amma qoltuğundakı nağanı yoxluyub “qoy hər kəs
olur olsun” deyə düşdü qocanın qabağına. Qoca da elə hey təzə qonağının
bazburuduna baxa-baxa qalmışdı. Nəbi qocaya dedi:
-Ay əmi, bu xurcunu da al, içərisində bir soyutma quzu, bir də elə ayın-oyun
olmalıdır. Onları da ver süfrəyə, aclıq mənə lap kar eləyib.
Qoca
dinmədən xurcunu almaq istədi, amma xurcundan yapışması ilə yerə çökməsi
bir oldu:
- Ay oğul nə yaman ağırdı. Qoy uşaqlardan çağırım əl versinlər, yoxsa belim
qırılar.
Nəbi “lazım deyil, ay əmi” deyib xurcuna əl atdı, qoca qabaqda, Nəbi arxada evə
gəldilər. Qapıda qoca Nəbiyə dedi ki, qonaqlara deyəcəyəm bu kişi də mənim
qonağımdır, qonşu kənddəndir, cuvardır, gecəyə düşüb, ismin nədir?
-Kərəmdir, əmican, Kərəm.
Bəli, qoca Kərəmi qonaqlarla tanış elədi. Ortaya süfrə salındı, süfrəniz həmişə açıq
olsun, qoca xurcunu çəkib gətirdi, başladı boşaltmağa. Nəbi baxıb gördü, Ayrapet
xurcuna donuz ətindən tutmuş, toyuq-cücəyə, lavaşa qədər hər şey qoyub. Öz-özünə
kədərləndi. Ayrapetin atalıq qayğısı onu lap köyrəltdi. Qonaqlar da döyüküb
qalmışdılar, cuvar hara, bütöv quzunun soyutması hara. Nəbi qonaqları yaxşı
tanımışdı, biri Zəngəzur pristavı idi, bir də Naxçıvan naçalniki. Libaslarını
dəyişmişdilər. Xoşbəxtlikdən heç biri Nəbini üzdən tanımırdı, odur ki, Nəbi keçdi
erməni ləhcəsinə:
-qonaq qonağı gətirər, elə tarixdən erməni ilə musurmanın süfrəsi bir olub,
qardaşlar, çörək kəsin...
Qonaqlar baxıb gördülər ki, təzə qonaq ermənidi, kefləri duruldu. Nəbi əvvəlcə
donuz piyini yeyəndə qonaqların qalan-qalmaz şübhələri də dağıdı. Nəbi başladı ki,
bəs bu Araz boyu kəndlərin camaatına qurban olum, bir arx su versən adama min cürə
xəcalət verirlər, düz üç gündür, onların taxılını suvarıram. Xurcunuma o qədər
yükləyiblər ki, darta bilmirdim. İndi siz mənə fikir verməyin mən üç günlük
yeməyimi yeyəcəyəm.
Bəylər əvvəlcə özlərini o yerə qoymadılar, elə bir-iki yeyib gözlədilər ki, erməni
yeyib qurtarsın, sonra onlar özləri əməlli şam eləsinlər. Gördülər yox, cuvar piyin
dalınca toyuqları, toyuqların dalınca quzu soyutmasını aşırır, süfrədə bir şey qalmır.
Zəngəzur pristavı davam gətirə bilmədi:
-Nə heyvərə yeyişin var, ə, ismin nədir?
205
-İsmim Kərəmdir, dərdin alım.
-Ermənidəndə Kərəm olar?
-Olur, olur dərdin alım, bu musurman kəndlərində erməni oldu, musurman oldu,
Kərəm olur...
Bəylər gördülər Kərəm heç ağzını boş qoymur, danışanda da yeyir. Belə getsə
süfrədə bir şey qalmayacaq. Bəylərdən biri qocanı çağırıb dedi:
-Ay qoca, meydən-məzədən bir şeyin olmaz verək bu erməni cuvarına bir az
oxusun?
Qoca dedi:
-Niyə olmur, yaxşı tut arağım var, meyliniz çəksə, bu saat!
Qoca tut arağını ortaya qoyub, özü də süfrəyə yaxın oturdu.
Qonaqlar yedilər, içdilər, cuvara da bir satıl araq verdilər. Özləri yarım satıl icə
bilmədilər, cuvara lap mat qaldılar. Bir satıl cecə “suyu” cuvarın heç halını da
pozmadı. Qonaqlar yapışdılar cuvardan ki, gərək oxuyasan. Cuvar da dedi, oxumağına
oxuyacam, amma siz o taydan gəlirsiz, bir danışın görək qardaşlarımız necə
dolanırlar, arşın malı enib, yoxsa qalxıb, bazar necədir?
Cuvarın sözü qonaqları açdı. Başladılar dağdan-dərədən danışmağa. Sonra da cuvar
soruşur ki, bəs nə axtarırsız, ipək gərəyinizdisə bir karvan ipək verim sizə aparın o
tayda xırıd eləyin. Bunu eşidəndə Zəngəzur pristavı dedi:
-Ə ipək nədi, şal nədi. Sən cuvar adamsan, bəlkə bizə köməyin dəydi, biz başqa
şey üçün gəlmişik. Hərəmizində üç yüz atlısı var. Nəbini axtarırıq. Bütün Zəngəzur
dağlarında nə qədər qaçaq-maçaq var hamısını yığıb doldurmuşuq Gorus qazamatına.
Belə Bığlını da, Nəbinin qardaşlaırını da, əlqərəz bütün dəstə-tufağı da tutmuşuq,
Gorusdadı. Bir özü yoxdu, bir də Həcər. Bu gün eşitmişik Həcər Kərbəlayı
qurumsağın evindədir. İndi bu gün-sabah burdan Nəbini ki tutduq sonra gör onlara nə
məclis qurulacaq. – İçkinin tə
,
sirindən haldan çıxmış pristav cibindən bir kağız çıxarıb
əlində yellədi:
-Bax Nikolayın möhürlü kağızıdır. Yazır ki, bu yaza qədər Nəbinin dəstəsi məhv
edilməlidir. Özü də onu tutan – bilirsən nə qazanacaq, qubernatordan-zaddan bizim
kimi dil bilən olsa, lap bütöv erməni, gürcü, mursurmana başçı olacaq. Deyirlər Nəbi
burada bir erməninin evində qalıb at nallayır.
Nəbi başladı ürəyin yeməyə. Fikirləşdi, deyəsən uşaqlardan kimisə ələ keçiriblər,
yoxsa belə arxayın danışmazlar, özü də çuğulları möhkəmdir. Odur ki, dedi indi görün
sizin başınıza nə oyun açaram. Erməni ləhcəsində sözünə davam etdi:
-Hə, deyəsən bunu məndə eşitmişəm, özü də o nalbəndə lap atımı nallatmışam.
Amma Nəbi olduğunu bilməmişəm, bilsəydim, bazburuduna bir baxıb görərdim nə
töhür insandı, o.
Bəylər
dedilər
-Gedərik, tazadan baxarsan!
Nəbi dedi:
-Yox, indi tezdi. Ancaq siz arxayın olun, bu gecə mən Nəbini sizə təhvil
verəcəm. Özü də əl-qolu bağlı. Nə qoşun lazımdır, nə də bir atlı. Qoy gecədən keçsin,
Arşak kişi mənim bir sözümü iki eləməz... Mən bu gecə Nəbini qolu bağlı sizə
versəm, bəs siz mənə nə verərsiz?