194
Nəbi ordan da Salvartıya yola düşdü. Kəndlilərin gətirdiyi yavanlıqdan bir az
götürdü, düşdü yola. Kürd Əli ondan əl çəkmədi. Dedi yerini bilməsəm, geri
qayıtmaram, camaat deyir qabaqdan qış gəlir, biz gərək Nəbinin yerini bilək, çörəkdən,
yavanlıqdan, isti-soyuqdan korluq çəkməyə qoymayaq.
Nəbi daha söz deyə bilmədi, Kürd Əliyə Salvartı mağarasının yolunu göstərdi.
Dedi ki, hər cümə bax bu gədiklərdə gəzirəm, axtarsanız məni elə bu kəndlərdə
taparsınız. Bir də yerimi çuğul bilməsin, bu qışı hələ Salvartıda keçirmək istəyirəm.
Sabahısı bütün koxa, hampa, bəy və mülkədarlar, hətta pristav özü Molluya gəldi.
Əli bəylə Mahmud hampanın Qaçaq Nəbi tərəfindən öldürülməsi xəbəri aləmə
yayılmışdı.
Hamı Qaçaq Nəbidən danışmağa başladı. Baş verən qətlləri, qarətləri Nəbinin
ayağına yazdılar. Pristav qoburnata namə yazdı ki, Zəngəzur dağlarında Nəbi adlı
qoçaq Zəngəzuru dağıdıb-talayıb. Tez kömək göndərməsən sonra öhdəsindən gəlmək
olmayacaq. Dəstəsi də gündən-günə böyüyür, quldur-qaçaq başına yığılır. Sonra da
pristav bəyləri, mülkədarları, koxaları, strajnikləri başına yığıb dedi:
-Bu Nəbi başımıza bir əngəl oldu. Onu çoxdan gərək aradan götürəydik. Indi də
gec deyil. Çuğul salın, yerini-yurdunu öyrənin. Kim Nəbinin başını batırsa ürəyi
istəyəni ona verəcəyəm.
Bəylər, hampalar, koxalar pristavın başından deyə-gülə dağıldılar. Hamısı da
düşünürdü ki, Nəbinin qanlı başını gətirib koxalıq ələ keçirmək məqamıdır.
HƏCƏR XANIMIN TUTULMASI
Nökər-naib dağlara düşüb o təpə sənin, bu dərə mənim Nəbinin arxasınca gəzib
dolandıqca Nəbi də gecə-gündüz dağı-daşı gəzir, kəndlərə çıxır, baylərə, hampalara
divan tutur, onların taxılını, otunu alıb kəndlilərə paylayırdı. Bəylər Nəbinin
qorxusundan kəndlilərə dəyib-toxuna bilmirdi. Bəylərlə toqquşan, çəpləşən cavanlar da
yavaş-yavaş dağlara çəkilir, gəlib Nəbinin dəstəsinə qoşulurdular. Ayrı-ayrı qaçaq
dəstələri də Nəbinin başına toplaşmışdı. Nəbinin sorağı yaxın, uzaq mahalları dolaşırdı.
Nəbi qaçaq düşəni Alonun ölümündən sonra bığ yeri yenicə tərləmiş balaca
Mehdini də izləməyə başladılar. Bir gün Mehdi də naçalnik Cəfərqulu bəylə sözləşdi. Iş
toxma-dəyənəyə çıxanda Mehdi əl atdı naçalnikin tapancasına. Qoburu ilə qırıb qoydu
cibinə. Dedi indi igidsənsə yaxın gəl, beynini göyə sovurum. Cəfərqulu bəy də Nəbinin
qorxusundan Mehdiyə söz deyə bilmədi. Mahala hay düşdü ki, Mehdi nəçərniki
tərksilah edib. O gündən Mehdi üçün dərədə, çəpərdə, xəndəkdə pusqu qurdular. Mehdi
gördü ki, belə getsə, bəylər onu aradan götürəcəklər. Bir gün Nəbinin yanına gəlib
dedi:
-Qardaş, daha mən də sənsiz Molluda qala bilmirəm. Gəlim bir-birimizə həyan
olaq. Bu bəylər qanımıza elə susayıblar ki, belə getsə məni aradan götürəcəklər.
Bəli, belə-belə Nəbinin dəstəsi böyüyüb 30-40 nəfər oldu. Onların içərisində Telli
Qara, Tunc Vəli, Şəmməd Həsən, Lələ Gavur, Basar İgid, Qanlı Qoca el içərisində ad
çıxarmış qaçaqlardan idi. Indi onların Nəbinin başına toplaşması da bəylərə bir dərd
olmuşdu.
Qobu
,
rnat Qaçaq Nəbinin dəstəsini qırmaq üçün Zəngəzura 200 atlı göndərmişdi.
Naçalnik Cəfərqulu bəy başda olmaqla qoburnat özü bu dəstənin üç aya qədər ləğv
195
olunmasını, Qaçaq Nəbinin tutulub hökümətə təhvil verilməsini tələb etmişdi. Atlılar
Gorus naçalnikinin sərəncamında dağı, daşı ələk-vələk edir, ancaq bir kəs Nəbini
gördüm demirdi.
Bir gün Qaçaq Nəbi yenə kəndlərə çıxmışdı. Camaatla görüşür, onların
vəziyyətindən hali olurdu. Naxçıvan, Cəbrayıl, Gorus naçalnikləri də özlərinin yüz
seçmə atlısı ilə Nəbini tutmaq üçün Şotlanlı oylağında pusquda durmuşdu. Nəbi gəzə-
gəzə gəlib Şotlanlıya çıxdı. Amma onu camaat arasına çıxmağa qoymadılar. Düşmən
atlılarının kənddə olduğunu bilən Nəbi uşaqları evlərdə yerləşdirdi. Özü isə Qanlı Qoca
ilə Həkəriyə yola düşdü. Çünki üç gündü, Həcəri Molluya yola salmışdı, bir xəbər-ətər
yox idi.
Həcər ikicanlı olduğundan yaman ağrı çəkirdi, odur ki, Mehdi Həcəri Gözəlin
yanında qoyub, qayıtmalı idi. Və
,
də tamam olmuşdu, amma nə Həcərdən, nə də
Mehdidən xəbər vardı.
Nəbi Şotlanlıdan yenicə çıxmışdı ki, bir əkinçiyə rast gəldi. Uzaqdan fikir verdilər,
gördülər Gorus yolunun üstündə oturan əkinçi nəsə oxuyur. Sonra
qulaq verib gördülər
yox, əkinçi ağlayır, özü də hərdən nəsə zümzümə edir. Qanlı Qoca bir az irəli yeriyib
qulaq verdi. Gördü əkinçi oxuyur:
Qanlı Qoca bir göz qırpımında əkinçinin başının üstünü alıb soruşdu ki, ay kişi, nə
olub belə yanıqlı-yanıqlı oxuyub ağlayırsan. Qoca dedi:
-Heç nə. Qərib oğlum yadıma düşüb, mən də ağlayıb ürəyimi boşaldıram.
Qanlı Qoca gördü əkinçi qorxur, odur ki, özünü nişan verdi:
-Qorxma, biz bəy-nəçəlnik-zad deyilik, Nəbinin adamlarındanıq. Bu sözdən kişi
ürəkləndi. Əlini yerə dirək verib dik qalxdı, zənlə Qanlı Qocaya baxdı. Elə ki arxayın
oldu bunlar doğrudan da naçalnikin adamlarından deyil dedi:
-Başınıza dönüm, İsmayıl bəy otuz atlı ilə Nəbi ilə Həcəri tutub gorusa apardı.
Yazıq həcər bir ağlayırdı ki... Strajniklər bir-birinə pıçıldayırdılar ki, Həcər ağrı çəkir.
Heç Gorusa özünü yetirməz, yolda yükünü yerə qoyar. Zalım İsmayıl bəy ara-sıra hey
qırmancı Həcərin kürəyinə ilişdirirdi. Belə nakişilik heç yerə-göyə sığar, belə zülm
yerdə qalar?
Nəbi daha dözə bilmədi. Geri qayıtmaq olmazdı. Düşmən atlıları kəndləri üzük
qaşı dövrəyə almışdılar. Nəbi Boz atı məhmizlədi, üzünü Qanlı Qocaya tutub dedi:
-Mən getdim Həcərin arxasınca, sən də dəliləri sağ-salamat bu kəndlərdən çıxar,
sübhçağı Gorusda görüşək!
Bəli, Qanlı Qoca dəliləri axtarmaqda, Qaçaq Nəbi Gorusa getməkdə olsun, görək
Həcər necə oldu. Əkinçi Mehdi ilə Nəbini dəyişik salmışdı. O, elə bilmişdi ki, tutulan
Nəbi ilə Həcərdi.
Kəndə gələn gündən Həcərin halı xarablaşmışdı. Kəndlər də Nəbini axtaran it-
qurdla
dolu olduğundan Mehdi Həcəri bir yana çıxara bilməmişdi. Gözəlin evini
gündə üç-dörd dəfə axtarır, yazıq arvada min bir zülm edirdilər. Odur ki, Həcər iki gün
Xanalının evində qalandan sonra Kərbəlayı Məhəmmədgilə getməyi qərara alır. Mehdi
də gecə fürsət ikən Həcəri Kərbəlayının evinə çatdırmaq istərkən nyolda İsmayıl bəyin
dəstəsi ilə rastlaşır. “Aynalı”nı çəkir ki, düşmənin halayın dağıtsın, Həcər deyir, sən
allah, güllə atma, halım pisdi, alçaqlıq eləyib bizi tutsalar qoy tutsunlar.
Mehdi atdan düşüb İsmayıl bəyin qarşısına gəlib deyir ki, nəçəlnik, Həcər
ikicanlıdı, ağrı çəkir, aparıram yaxın kəndlərin birinə ki, yükünü yerə qoysun.