56
Milli Qəhrəmanlar Zirvəsi
7 Fevral – Azərbaycanın Milli Qəhrəmanı İbrahimov Mübariz Ağakərim
oğlunun 30 illliyi, (1988-2010)
Mübariz İbrahimov 1988-ci il fevralın 7-də Biləsuvar
rayonunun Əliabad kəndində anadan olub. 1994-cü il
şəhid M. Piriyev adına Əliabad kənd orta məktəbinə daxil
olmuşdur. 2005-ci ildə orta təhsilini başa vurub, hərbi
xidmətə çağrılmışdır. Hərbi xidmətini Daxili Qoşunların
"N"
saylı
hərbi
hissəsinin
Xüsusi
Təyinatlı
Bölüyündə keçirib. Hərbi xidmətini 2007-ci ildə çavuş
rütbəsində başa vurub. Bir müddət “İnter Sekyuriti”
MMC-də mülki işlərdə işlədikdən sonra 2009-cu ilin
avqust ayında yenidən gizir rütbəsində hərbi xidmətdə
çalışmağa başlayıb. Bir müddət sonra öz arzusu ilə cəbhə bölgəsindəki hərbi
hissələrdən birində xidmət etməyə başlayıb. 18 iyun 2010-cu il tarixində gecə saat
23:30 radələrində gizir Mübariz İbrahimov təkbaşına iki ordu arasındakı bir
kilometrlik minalanmış sahəni keçir. Ermənistan Silahlı Qüvvələrinin çox sayda
əsgər və zabitini gözlənilməz birinci həmlədə məhv edir. Sonra isə düşmənin öz
silahlarını özünə qarşı istifadə edərək 5 saat onlarla təkbətək döyüşür. Azərbaycan
döyüşçüsü səhər saatlarında qeyri-bərabər döyüşdə qəhrəmancasına şəhid olur.
Həmin ildə Azərbaycan Prezidenti İlham Əliyev İbrahimov Mübarizə
"Azərbaycanın Milli Qəhrəmanı" adının (ölümündən sonra) verilməsi barədə
sərəncam imzalamışdır. Biləsuvar şəhərində lisey-məktəb kompleksi və küçə onun
adını daşıyır. 2016-cı ildə Azərbaycan Dövlət Neft və Sənaye Universitetində
heykəli ucaldılmışdır.
Filmoqrafiya: 2010-cu ildə rejissor Etibar Məmmədov Mübariz İbrahimova həsr
edilən "Müqəddəs zirvə" adlı film çəkmişdir.
Kitablar: Fəxrəddin Mustafayev "Mübarizlər yolu", Maarif Köçkün "Mübariz
cəsarəti", Zaur Ustac "Oriyentir Ulduzu", Elxan Elatlı "Qisas gecəsi" romanı,
Balayar Sadiq "Hünər simfoniyası" romanı, Asif Rüstəmli "Turan Mübarizi",
Baxşeyiş Abbasoğlu “Ölüm son deyil... və yaxud əbədiyyət nəğməsi” romanı,
Mustafa Çəmənli "Mübariz" romanı, Çingiz Qacar “Turan bahaduru” və s.
İnternetdə:
www.books.google.com
57
24 Fevral – Azərbaycanın Milli Qəhrəmanı Hüseynov Əfqan Qaraxan oğlunun
55 illiyi, (1963-1992)
Mayor Əfqan Qaraxan oğlu Hüseynov 24 fevral 1963-cü
ildə Bakı şəhərində keçmiş "Tələbələr" indiki "Çobanzadə"
küçəsi 46 saylı evdə fəhlə ailəsində anadan olmuşdur. 1970-ci
ildə 109 saylı orta məktəbə getmiş, 1980-cı ildə C.Naxçıvanski
adına hərbi təmayüllü orta internat məktəbində təhsilini başa
vurmuş, sonra Bakı Ümumqoşun Komandirləri Məktəbinə
qəbul olmuş və tağım komandirinin müavini təyin
edilmişdir. 1984-cü il tarixdə SSRİ Müdafiə Nazirinin əmrinə
əsasən leytenant hərbi rütbəsi verilmişdir. 11 oktyabr 1985-ci
ildən 25 iyun 1987-ci ilə kimi Əfqanıstan Demokratik Respubllikasında gedən
döyüşlərdə fəal iştirak etmiş və ağır yaralanmışdır. Onun döyüş xidməti yüksək
qiymətləndirilmiş, "Qırmızı ulduz" ordeni ilə təltif edilmişdir. 1986-cı ildə ona baş
leytenant rütbəsi verilmişdir. Bacarıqlı igid komandir Milli Qvardiyanın adını
yüksəyə qaldırmışdır. Lakin özü 1 noyabr 1992-ci ildə alayın düşmən üzərinə yeni
hücumu zamanı başına dəyən düşmən gülləsindən əbədi olaraq gözlərini
yummuşdur. Mayor Hüseynov Əfqan Qaraxan oğlunun bu igidliyi Milli
Qvardiyanın zabit və əsgərlərini heç də məyus etməmiş sonrakı döyüşlərdə onun
intiqamını almaq arzusu ilə ağır döyüşlərə girmiş, belə döyüşlərdə itkilər versələr
də, döyüşdən şərəflə çıxmışdılar. Xüsusi Dövlət Mühafizə Xidməti rəisinin 9
mart 1995-ci il tarixli 63 saylı əmri ilə Azərbaycanın Milli Qəhrəmanı mayor
Hüseynov Əfqan Qaraxan oğlu əbədi olaraq Milli Qvardiyanın şəxsi heyətinin
siyahısına salınmışdır. Bakı şəhərinin Şəhidlər xiyabanında dəfn edilmişdir.
C.Naxçıvanski adına Liseydə və Xüsusi Dövlət Mühafizə Xidməti Milli Qvardiyada
onun büstləri qoyulmuşdur.
Bakı şəhərinin Şəhidlər xiyabanında dəfn edilmişdir.
Azərbaycan Respublikası Prezidentinin 15 yanvar 1995-ci il tarixli 262 saylı
fərmanı ilə Hüseynov Əfqan Qaraxan oğluna ölümündən sonra "Azərbaycanın
Milli Qəhrəmanı" adına layiq görülmüşdür.
İnternetdə:
www.books.google.com
58
26 Fevral – Azərbaycanın Milli Qəhrəmanı Rzayev Canpolad Yaqub oğlunun
50 illiyi, (1968-1992)
Canpolad 5 sentyabr 1969-cu ildə Ağdam rayonunun
Çuxurmərhələ kəndində anadan olmuş, 1985-ci ildə
Əhmədavar kənd orta məktəbini bitirmişdir. Daha sonra Sovet
Ordusu sıralarında hərbi xidmətdə olmuşdur. Erməni
qəsbkarları növbəti dəfə torpaq iddiası ilə təcavüzə
başlayarkən, Vətənin ağır günündə ilk özünmüdafiə dəstəsi
yaradanlardan biri, sonralar “Qatır Məmməd” ləqəbi ilə
məşhurlaşmış Yaqub Ələsgər oğlu Rzayev oldu. 1988-ci ildə
hərbi xidmətə çağırılan Canpolad raket qoşunlarında xidmət
edirdi və leytenant rütbəsi almışdı. Qarabağ müharibəsi başlayanda o, könüllü
olaraq Vətənə döndü. Xramort, Xanabad, Əsgəran, Qarakənd uğrunda gedən
döyüşlərdə rəşadətlə vuruşmuşdu. 26 fevral 1992-ci il Xocalıdan gələn xəbər ona
yaman təsir etmişdi... erməni vəhşiləri Xocalı şəhərində Rusiyaya məxsus 366-cı
moto-atıcı alayla birlikdə dinc sakinləri vəhşicəsinə öldürür, uşaqların, körpələrin
başlarını kəsir, evləri yandırırdılar. Bu xəbəri alan Canpolad tankına
oturaraq Qaraqaya kəndinə üz tutdu. Burada xeyli erməni quldurunu sərrast atəşlərlə
məhv edən cəsur döyüşçü yüzlərlə dinc sakinin mühasirədən çıxmasına şərait
yaratdı. Hər tərəfdən atəşə məruz qalan Canpolad döyüş meydanında
qəhrəmancasına həlak oldu. Ağdam şəhərinin şəhidlər xiyabanında dəfn olunub.
Azərbaycan Respublikası Prezidentinin 7 iyun 1992-ci il tarixli 833 saylı
fərmanı ilə Rzayev Canpolad Yaqub oğluna ölümündən sonra "Azərbaycanın
Milli Qəhrəmanı" adı verilmişdir.
İnternetdə:
www.books.google.com
Dostları ilə paylaş: |