51
Xarici ədəbiyyat
8 Fevral – Fransız yazıçısı Jül Vernin 190 illiyi, (1828-1905)
Ona dünya şöhrəti gətirmiş əsərlərindən “Yerin
mərkəzinə səyahət” (1864), “Kapitan Qrantın uşaqları”
(1867), “20 000 lye su altında” (1870), “80 gün dünya
ətrafında” (1873) misal göstərmək olar. Kosmik və sualtı
gəmilərin hələ ixtira olunmadığı bir dövrdə əsərlərində bir
qayda olaraq kosmosa uçuş, Yerin dərinliklərinə səyahət və
bu səpgili macəraları qələmə almışdır. Elə buna görə də Ayın
yerdən görünməyən hissəsindəki kraterlərdən birinə onun
adı verilib. Bu krater Arzular dənizinin yanında yerləşir. O,
YUNESKO-nun Index Translationum adlı, bütün dövrlərin
ən çox tərcümə edilmiş müəllifləri siyahısında ikinci yerdə
qərarlaşıb. Bir çox əsərlərinin motivləri əsasında filmlər çəkilmişdir. Jül Vern Hüqo
Vernbak və Herbert Uellslə birgə elmi fantastika janrının “atası” sayılır. 8 fevral
1828-ci il də Fransanın Nant şəhərində doğulub. Jul Vern qısa hekayələr və şeirlər
yazmağa başladığı internat məktəb dövrünün ardından 1846-cı ildə atasının işini
davam etdirə bilmək üçün hüquq təhsili almaq üzrə Parisə getdi. Yazıçılığa yoldaşı
musiqiçi Jean Louis Aristide Hignard ilə birlikdə teatr oyunları yazaraq başladı. İlk
teatr əsəri 12 İyun 1850-ci ildə səhnəyə qoyuldu. 1852-1855-ci illərdə Paris
teatrlarından birində katiblik etdi; komediyalar, operettalar yazdı; qısa hekayələr
qələmə alıb jurnallarda yayınlamağa başladı. Jül Vern ümumilikdə 66 romanın
(bunlardan üçü – “Keşiş 1839-cu ildə”, “Robinzon dayı” və əfsanəvi “Paris XX
əsrdə” ölümündən sonra nəşr edilmişdir), 20-dən artıq povest və hekayənin, 30-dan
artıq pyes və bir neçə elmi və sənədli işin müəllifidir. Səfərlərinin bir çoxu sonradan
onun bir sıra məşhur əsərlərinin süjet xəttini təşkil etmişdir – “Üzən şəhər” (1870),
“Qara Hindistan” (1877), “Yaşıl şüa” (1882) və s. Onun “Klodius Bombarnak”
əsərində Azərbaycan, Bakı və Xəzər dənizi təsvir olunmuşdur.
Kitabları: “Yerin mərkəzinə səyahət” (1864), “Yerdən Aya” (1865), “Kapitan
Haterasın səyahət və macəraları” (1865), “Kapitan Qrantın uşaqları” (1867), “Ay
ətrafında” (1869), “80 gün dünya ətrafında”(1872), “Sirli ada” (1874), “On beş yaşlı
kapitan” (1878) və s.
İnternetdə:
www.books.google.com
52
İncəsənət
5 Fevral – Xalq artisti, bəstəkar Qara Qarayevin 100 illiyi (1918-1982)
Qarayev Qara Əbülfəz oğlu 1918-ci il fevralın
5-də Bakı şəhərində məşhur həkim – pediatr Əbülfəz
Qarayevin v
ə Sona xanım İskəndər qızının
ailəsində
anadan olmuşdur. 1926-cı ildə Azərbaycan Dövlət
Konservatoriyası yanında musiqi məktəbinə qəbul
edilmiş, 1935-ci ildən isə Azərbaycan Dövlət
Konservatoriyasında bəstəkarlıq və Azərbaycan xalq
musiqisinin əsasları siniflərinin tələbəsi olmuşdur.
1937-ci
ildən
Azərbaycan
Bəstəkarlar
İttifaqına üzv qəbul edilmişdir. 1941-ci ildə Müslüm
Maqomayev adına Azərbaycan Dövlət Filarmoniyasının
bədii rəhbəri vəzifəsini tutmuşdur. 1946-cı ildən
Azərbaycan Dövlət Konservatoriyasında bəstəkarlıq sinfində müəllim kimi işə
başlamış, elə həmin il Cövdət Hacıyevlə birlikdə yazılmış "Vətən" operasına görə
SSRİ Dövlət mükafatı laureatı olmuşdur. 1948-ci ildə "Leyli və Məcnun" simfonik
poemasına görə Dövlət mükafatı laureatı olmuş və Azərbaycan Elmlər
Akademiyasının memarlıq və incəsənət İnstitutunun musiqi bölməsinə rəhbərlik
etməyə başlamışdır. 1949-1953-cü illərdə Azərbaycan Dövlət Konservatoriyasının
direktoru olmuşdur. 1952-ci ildə Azərbaycan Bəstəkarlar İttifaqı idarə heyətinin
sədri seçilmişdir. 1953-cü ildə Leninqrad Dövlət Kiçik ("Malıy") opera teatrında
"Yeddi gözəl" baletinin ilk tamaşası qoyulmuşdur. 1955-ci ildə Azərbaycan
SSRİ-nin əməkdar incəsənət xadimi, 1958-ci ildə Azərbaycan SSR xalq artisti
adlarını almışdır.1959-cu ildə SSRİ xalq artisti, Azərbaycan Dövlət
Konservatoriyasının bəstəkarlıq kafedrasının professoru, Azərbaycan Elmlər
Akademiyasının akademiki seçilmişdir. 1982-ci il mayın 13-də Moskva şəhərində
dünyasını dəyişmişdir. Bakıda dəfn olunmuşdur.
Operalar: "Vətən" (1945) – Cövdət Hacıyevlə birgə, "Zəriflik" (1972);
Baletlər: "Yeddi gözəl" (1952), "İldırımlı yollarla" (1958), "Leyli və Məcnun"
(1969); Orkestr üçün əsərləri: "Azərbaycan süitası" (1939), "Leyli və
Məcnun" simfonik poeması (1947), "Yeddi Gözəl" simfonik süita (1949), "Don
Kixot" simfonik qravürləri (1960), Üç simfoniya (1943, 1946, 1965), "Vyetnam
süitası"; Filmoqrafiya: Xəzər dənizçiləri (film, 1944), Bakının işıqları (film, 1950),
Xəzər neftçiləri haqqında dastan (film, 1953) Doğma xalqıma (film, 1954), Bir
məhəllədən iki nəfər (film, 1957),
Leyli və Məcnun (film, 1961), İnsan məskən salır
(film, 1967) və s.
İnternetdə:
www.az.wikipedia.orq