41
mədəniyyət müəssisələri fəaliyyət göstərir. Şaiqin Mənzil
Muzeyi XX əsrin ədəbi-mədəni mühitini, dövrün bir çox
ziyalılarının həyatını və içtimai yaradıcı fəaliyyətini özündə
əks etdirir. Böyük maarif xadimi, gözəl ədib Abdulla Şaiq
Azərbaycanda milli məktəbin yaranması, pedaqogikanın
inkişafı, poeziyanın, nəsrin, bədii tərcüməçilik sənətinin, uşaq
ədəbiyyatı və dramaturgiyasının yaranmasında əvəzsiz
xidmətlər göstərmişdir. Abdulla Şaiqin Mənzil Muzeyinin
fəaliyyəti daim Mədəniyyət və Turizm Nazirliyinin diqqət
mərkəzində olmuşdur.
Abdulla Şaiqin xidmətləri Azərbaycan dövlətçiliyinin bütün
dövrlərində yüksək qiymətləndirilmişdir. Muzeyin çox zəngin
fondu var ki, burada Abdulla Şaiqin şəxsi kitabxanasına
məxsus nadir bibloqrafik nəşrlər, onun yaratdığı dərsliklər,
əsərləri ilk dəfə nəşr olunan dövrü mətbuat nümunələri, ədibin
yaradıcılığına, şəxsiyyətinə həsr edilmiş zəngin ədəbiyyat,
oğlu Kamal Talıbzadənin ədəbi yaradıcılığını əks etdirən
nəsrlər toplanmışdır. Muzeyin ekspoziyası dörd otaqdan
ibarətdir. Bu otaqların hər biri Abdulla Şaiq şəxsiyyətini
müəyyən mənada açır. Birinci otaq Abdulla Şaiqin dünya
şöhrətinə həsr edilib. Burada şairin müxtəlif dillərdə tərcümə
edilib, xarici ölkələrdə nəşr olmuş əsərləri,
Abdulla Şaiqin
özünün rus, ərəb, fars dillərindən tərcümə etdiyi əsərləri,
görkəmli elm və maarif xadimlərinin Şaiq haqqında yüksək
fikirləri həkk olunmuş tablolar nümayiş etdirilir. Abdulla Şaiq
N.Gəncəvinin,
Ə.Firdovsinin, V.Şekspirin, A.Puşkinin,
M.Lermantovun, L.Tolstoyun, İ.Krılovun və başqalarının
əsərlərini Azərbaycan dilinə tərcümə etmiş, dərsliklər
yazmışdır. Muzeydə dramaqturqun tərcümə etdiyi əsərlərdən
ibarət geniş bir stend tamaşaçıların böyük marağına səbəb
42
olur. Abdulla Şaiqin yaradıcılığının, demək olar ki, bütün
sahələri tədqiq olunmuşdur və bununla bağlı dərc edilmiş
onlarla kitab və çoxsaylı məqalələrə ekspozisiyada xüsusi yer
ayırılmışdır. İkinci otaq - qonaq otağında Abdulla Şaiqin nəsli,
ailəsi haqda geniş məlumat almaq olar. Ekspozisiyanın üçüncü
otağına epiqraf Abdulla Şaiqin məşhur bir kəlamı, “Mən
yazıçılığımdan ziyadə, müəllimliyimlə fəxr edirəm” ifadəsi
götürülmüşdür. O, uzun illər Gənc Tamaşaçılar Teatrının
ədəbi-bədii hissə müdiri olmuş, Azərbaycanda uşaq
dramaturgiyasının əsasını qoymuş, uşaq teatrı yaratmışdır.
Onun dramaturji fəaliyyəti ilə bağlı sənədlər və fotolar
ekspozisiyanın üçüncü otağında yer almışdır. Dördüncü otaq
Abdulla Şaiqin iş otağıdır. Burda onun müxtəlif illərdə nəşr
edilən əsərləri, repressiya dövrü yaradıcılığı, ədəbiyyatşünaslıq
fəaliyyətinə dair informasiya təqdim edilib. Bu otaqda Abdulla
Şaiqə aid olan memorial eksponatlar, yazı masası, şəxsi
əşyalar nümayiş etdirilir. Abdulla Şaiqin iş otağı muzey
ziyarətçilərində sonsuz maraq doğuran məkanlardandır. Çünki
burada onlar Şaiq yaradıcılığı ilə tanış olmaqla yanaşı, ədibin
şəxsi əşyaları, yazı masası, geyimi ilə interaktiv əlaqəyə
girmək imkanı əldə edirlər. Qeyd etmək lazımdır ki, muzeyin
ekspozisiyası fonda qəbul oluna yeni eksponatların istifadəsi
ilə daim dəyişir, yeniləşir.
Muzey əməkdaşları hər eksponat haqqında qonaqlara ətraflı
məlumat verməklə, onların ədib haqqındakı təəssüratlarını
zənginləşdirir, dünya görüşlərinin genişlənməsinə şərait
yaradır. Bu da, öz növbəsində, Abdulla Şaiqin yaradıcılığının
əsas məqsədi hesab edilən təlim-tərbiyə prosesinin davamıdır.
Muzeydə hazırlanan hər bir tədbir uşaq və yeniyetmələrin
43
mənəvi tərbiyəsi işində görüləcək işlərin həyata keçirilməsinə
təkan verir.
Respublikamızın müxtəlif bölgələrinin, eləcə də
Bakının təhsil ocaqlarınının tələbələri, məktəbliləri ədibin
xatirə muzeyini vaxtaşırı ziyarət edir, onun dramaturgiyasını,
lirikasını, nəsr əsərlərini indi də sevə-sevə mütailə edirlər. F.
Köçərli adına Respublika Uşaq Kitabxanasının saytında
Abdulla Şaiqlə bağlı elektron məlumat bazası yerləşdirilmişdir.
Burada ana səhifə, yazıçının həyat və yaradıcılığı, həyat və
fəaliyyətinin əsas tarixləri, A.Şaiqin müdrik deyimləri,
görkəmli şəxslər Şaiq haqqında, əsərləri, sözlərinə yazılmış
mahnılar, A.Şaiqə həsr olunmuş şeirlər, fotoqalereya,
videoqalereya verilmişdir. Həmçinin Mədəniyyət və Turizm
Nazirliyinin təşəbbüsü ilə, A.Şaiqin bibloqrafiyası F. Köçərli
adına RUK-un ölkəşünaslıq şöbəsi tərəfindən hazırlanmış və
nəşr edilmişdir.
A.Şaiqin Mənzil Muzeyinə həsr olunmuş tədbir sona çatdıqdan
sonra kitabxanaçı ikinci bir muzey haqqında “Cavid dünyasına
səyahət - Hüseyn Cavidin Ev-Muzeyi” haqqında məlumata
keçid alır. O, əvvəlcə “Hüseyn Cavidin Ev-Muzeyi” kitabının
annotasiyasını nəql edir.
Kitabxanaçı: - Kitab
Hüseyn Cavidin Ev-Muzeyinə həsr
edilmişdir. Kitabda muzeyin yaranma tarixindən, oradakı
eksponatlardan, muzeyə verilmiş hədiyyələrdən və Hüseyn
Cavidin Naxçıvandakı ev muzeyindən bəhs edilir. Sözlərimi
görkəmli şəxsiyyətlərin dahi şair haqqında söylədikləri fikir və
kəlamlarla davam etdirmək istərdim.
Dostları ilə paylaş: |