38
Qurban Primovun Ağdam rayonundakı xatirə, eləcə də Xocalı,
Laçın, Kəlbəcər, Ağdam, Füzuli, Cəbrayıl, Qubadlı, Zəngilan
rayonlarının da tarix-diyarşünaslıq muzeyləri Ermənistanın
təcavüzünə məruz qalaraq darmadağın olunmuşdur. Keçmiş
SSRİ- də yeganə olan Ağdam Çörək Muzeyi yerlə-yeksan
edilmişdir. Ermənilərin törətdikləri vandalizm aktları “Silahlı
münaqişə baş verdikdə mədəni dəyərlərin qorunması haqqında”
1954-cü
il
Haaqa
Konvensiyasına,
“Arxeloji
irsin
nümayəndəsi”,
1992-ci
il
Avropa
Konvensiyasına,
“Ümumdünya mədəni və təbii irsin qorunması haqqında”
YUNESKO-nun 1972-ci Konvensiyasına ziddir. Azərbaycan
nümayəndə heyətləri bu problemi mütəmadi olaraq beynəlxalq
tədbirlərdə gündəmə gətirirlər.”
Bütün bunlarla yanaşı, divar qəzetində “Azərbaycanda muzey
işinin yaxşılaşdırılması haqqında” materiallar da verilir:
“Azərbaycan mədəni irsinin qorunması, beynəlxalq miqyasda
tanıdılması daim diqqət mərkəzindədir. Xüsusilə son illərdə bu
sahədə geniş işlər görülüb. 1993-cü ildə təsis edilən İCOM
Azərbaycan Milli Komitəsi baş qurumun işində iştirak edir,
müasir mərhələdə maddi və qeyri-maddi nümunələrimizi
dünyaya daha yaxından tanıdır,
Azərbaycanda muzey işinin
təkmilləşdirilməsi üçün beynəlxalq muzeylərlə əlaqə yaradır,
mədəni irsin qorunması istiqamətlərində dünya muzeyləri ilə
bir sırada öz işini davam etdirir. Milli Komitə yarandığı gündən
Azərbaycan muzeyləri ilə beynəlxalq muzeylər arasında
Azərbaycanın mədəni irsinin tanıdılması məqsədilə sıx
əməkdaşlıq əlaqələri yaradır.”
Milli dəyərlərimizi və muzeylərimizi tanıtmaq, uşaq və
yeniyetmələri muzeylərə alışdırmaq məqsədilə kitabxanada
oxucular və yuxarı sinif şagirdləri arasında keçirilə biləcək
39
tədbirlərdən biri də, “Şair ocağı” adlı icmaldır. İcmal Salman
Əhmədlinin “Hüseyn Cavidin ev muzeyi” və Arzu Hacızadənin
tərtib etdiyi “Abdulla Şaiqin Mənzil Muzeyi” kitabları əsasında
aparılır. Tədbirə ədiblər, oxucular və məktəblilər dəvət
olunurlar. Kitabxanaçı ilk olaraq qonaqları salamlayır və
muzeylər haqqında ümumi məlumat verdikdən sonra “Abdulla
Şaiqin Mənzil Muzeyi” kitabının annotasiyasını nəql edir.
Kitab uşaqların sevimlisi Abdulla Şaiqin Mənzil Muzeyinin
yaranmasının 20 illiyinə həsr edilib. Kitaba muzeyin
fəaliyyətini əks etdirən sənədlər, Azərbaycan ədəbiyyatının
klassiki Abdulla Şaiqin həyat yolu nə yaradıcılığı ilə bağlı
muzeydə sərgilənən eksponatların fotoşəkilləri, muzeyi ziyarət
edən qonaqların rəyləri və digər materiallar daxil edilib.
Kitabxanaçı: -Tədbirə
ulu öndər Heydər Əliyev və digər
görkəmli şəxsiyyətlərin bu muzey haqqında söylədikləri
sitatlarla başlamaq istərdim:
“Ziyalıların, mədəniyyət və elm xadimlərinin, cəmiyyətdə
hörmətini qaldırmaq lazımdır. Çünki xalq həmişə öz ziyalıları
ilə, öz mədəniyyəti, öz elmi ilə tanınır.
Abdulla Şaiqin
çoxşaxəli fəaliyyətinin böyük bir qismi Azərbaycanda
maarifçiliyin müxtəlif sahələri ilə bağlı olmuşdur. Ali və orta
təhsil məktəbləri üçün onlarla dərsliyin müəllifi olmuş Abdulla
Şaiqin uzun müddətli pedoqoji fəaliyyəti milli təhsilimizin yeni
mərhələyə yüksəlişində mühüm rolu olmuşdur”.
Heydər Əliyev,
ümummilli lider
40
“Abdulla Şaiqin Mənzil Muzeyini Azərbaycan vətəndaşları ilə
yanaşı, respublikaya gələn qonaqlar da ziyarət edirlər. Və hər
dəfə bu müqəddəs ocaq özünün tədqiqatçılıq və təbliğatçılıq
fəaliyyəti ilə azərbaycançılıq ideologiyasına, milli dövlətimizin
qorunmasına xidmət etmiş olur”.
Əbilfəz Qarayev,
Mədəniyyət və Turizm naziri
“Mənim bütün həyatım bu muzeyin binası ilə bağlı olub. Mən
bu mənzildə dünyaya gəlmişəm - bu mənzildə doğulmuşam,
böyümüşəm. Abdulla Şaiq ocağının bütün sirlərinə, bu ocaqla
bağlı bütün şəxsiyyətlərinə bağlanmışam... Bu otaqlar çox
şirin xatirələrlə bağlıdır-ata-anamın da, Səməd Vurğunun da,
mənim də toyum burada olub... Bura çox müqəddəs, mənim
üçün əziz və doğma olan bir ocaqdır. Azərbaycanın ədəbi-
içtimai həyatı ilə bağlı zəngin, rəngarəng xatirələrlə dolu olan
bir ocaqdır. Azərbaycan ədəbiyyat tarixində müstəsna yer tutan
bir şəxsiyyətin -
Abdulla Şaiqin ocağıdır”.
Kamal Talıbzadə,
akademik
Kitabxanaçı: -Azərbaycanda muzeylər şəbəkəsi geniş vüsət
almışdır. O cümlədən respublikada fəaliyyət göstərən xatirə
muzeyləri də milli mədəniyyətimizin təbliğində önəmli yer
tutur. Muzeylər özünün tədqiqat və təbliğat funksiyasına görə
hər bir xalqın milli-mənəvi sərvətidir. Respublikamızda
yaradılan muzeylər sırasında görkəmli şəxsiyyətlərin xatirə
muzeyləri mühüm yer tutur.
Abdulla Şaiq ədəbiyyat tariximizdə qüdrətli söz ustaları ilə
bir sırada durur. Onun hekayələri, povesləri və romanları
Azərbaycan bədii nəsrinin inkişafında mühüm rol oynamışdır.
Azərbaycanda
Abdulla Şaiqin adını daşıyan müxtəlif