Geri dönənə qədər ər kimi heç nə istəməyəcəyimi də bilirsən.
Beləcə danışıb razılaşdıq və bir rahibin hüzurunda evləndik;
sonra da Frank qızıl axtarışına, mən də atamın yanına dön-
düm.
Sonra Frankın Montanada olduğunu, oradan Arizona-
ya keçdiyini və oradan da Nyu Mexikoya getdiyini öyrən-
dim. Bir gün, qəzetdə bir mədənçi düşərgəsinin Apaçilər tə-
rəfindən hücuma məruz qaldığını və öldürülənlərin arasında
Frankın da olduğunu oxudum. Bunu görər görməz huşumu
itirmişəm. Sonrakı aylarda da xəstəlikdən yatağa düşdüm.
Atam yaxşı olmadığımı düşünərək Friskonun bütün həkim-
lərinə apardı məni. Bir-iki il müddətində heç xəbər ala bil-
məyincə Frankın həqiqətən öldüyünə inandım. Sonra Lord
St. Simon Friskoya gəldi, biz Londona getdik, sonunda da
bir evlilik təşkil olundu. Atam hər şeydən çox məmnun idi
amma mən, həmişə, Frankın ürəyimdəki yerini dünya üzə-
rində kimsənin doldura bilməyəcəyini düşünürdüm. Yenə
də Lord St. Simonla evlənsəydim vəzifələrimi qətiliklə yerinə
yetirərdim.
Eşqimizə zədə vura bilmirik amma heç olmasa hərə-
kətlərimizi idarə edə bilərik. Ona yaxşı bir yoldaş olmaq di-
ləyiylə getdim kilsəyə. Kilsədə Frankı gördüyümdə nələr
hiss etdiyimi təxmin edə bilərsiniz. Başlanğıcda onu qara-
basma olduğunu düşündüm, lakin təkrar baxanda yenə ora-
da dayandığını gördüm. Gözlərində, onu gördüyümə sevi-
nib-sevinmədiyimi soruşan maraqlı bir baxış vardı sanki. O
anda niyə özümdən getməməyimə heyrətlənirəm. Ətrafım-
dakı hər şey fırlanmağa və rahibin sözləri qulağımda bir vı-
zıltı kimi zingildəməyə başladı.
Nə edəcəyimi bilmirdim
52