_________Milli Kitabxana_________
33
hələdə dini fanatizm, feodal dünyagörüşü əhalinin mənəvi alə-
mində öz təsirini saxlamaqdaydı. Lakin Azərbaycanın inkişafı ilə
üzvü surətdə bağlı olan İrəvan əhalisi arasında “zülmət aləmində
işıq” olan ziyalıların yetişməsi, xalqın cəhalət və dini fanatizm
girdabından xilas edilməsi üçün maarifin, mədəniyyətin yayılma-
sı olduqca vacib idi. Dövrün bu tələbi ziyalıların üzərinə böyük
və məsuliyyətli vəzifələr qoyurdu. “İrəvan xanlığının Rusiyaya
birləşdirilməsi tarixindən” kitabının müəllifi Mehman Süleyma-
novun ümumiləşdirdiyi məlumatlarda, “Kavkazskiy kalendar”ın
buraxılışlarının İrəvan quberniyasına həsr olunan bölmələrində
1886 (səh.54), 1889, 1894, 1898 (səh.1-100), 1899 (səh.173-182),
1900 (səh.1-119), 1901 (səh.183-200), 1903, 1907,1908 və digər
illəri əks etdirən 12, 20, 24, 25, 27, sairə buraxılışlarının müvafiq
səhifələrində [208] ədəbi-bədii, ictimai-siyasi vəziyyətə, duma
seçkilərində azərbaycanlıların təmsil olunmasına, İrəvan Müəl-
limlər Seminariyasının fənn müəllimlərinin fəaliyyətinə, Göyçə
gölünün təbiətinə, quberniyanın yaşayış məskənlərində maarifçi-
lik və təhsil məsələlərinə geniş yer ayrılmışdır. Həmçinin ictimai-
siyasi, mədəni, etnik durumu əks etdirmək sahəsində işlərin təşki-
lini diqqət mərkəzində saxlayan SMOMPK məcmuəsində dərc
edilən yazıların İrəvan mühitini əks etdirməsi sahəsində pozitiv
işlərlə yanaşı, neqativ məzmunlu ədəbi-bədii yazıların dərcinə də
bəzən erməni qələm sahibləri tərəfindən təşəbbüslər edilirdi.
1882-ci ildəki ikinci buraxılışın 109-142-ci səhifələrində İrəvan
gimnaziyasının müəllimi S.Zelinskinin topladığı materiallar,
Azərbaycan atalar sözləri verilmiş, 1884-cü ildəki dördüncü bura-
xılışın 34-39-cu səhifələrində İrəvan Müəllimlər Seminariyasının
müəllimi K.Şulkina “Yaşlı adamın söyləmələrindən” adı altında
qələmə aldığı faktları təhrif etməklə qeyri-obyektiv mövqedən ic-
timaiyyəti məlumatlandırmışdır. Maarif və mədəniyyətin yayıl-
masında hər cür məşəqqətlərə sinə gərən Mirzə Qədim İrəvani,
İsa Sultan, Əbülfət və Məhəmməd Şahtaxtinskilər, Fazil İrəvani,
Firudin bəy Köçərli, Əliqulu xan İrəvanski, Cəlil Məmmədqulu-
zadə, Eynəlibəy Sultanov, Mirzə Qəmərlinski, Haşım bəy Vəzi-
_________Milli Kitabxana_________
34
rov, Mirzə Ələkbər Mirzəzadə, Cabbar Əsgərzadə, Mir Məhəm-
məd Fətullayev, Abbas Ağa Fərəcov kimi çoxsaylı ziyalılar
üzərlərinə düşən missiyanı şərəflə doğruldurdular.
XX əsr Azərbaycan ədəbiyyatında romantizmin mürəkkəb
xüsusiyyətlərini araşdırmaq üçün Hüseyn Cavid yaradıcılığı nə
qədər önəmlidirsə, qüdrətli məktəbi malik realizm cərəyanının
məzmun və xüsusiyyətlərini hərtərəfli səciyyələndirmək sahəsin-
də Cəlil Məmmədquluzadə yaradıcılığı da bir o qədər böyük bir
mənbədir. Araşdırılan, tədqiq olunan mövzu ilə bağlı Cəlil Məm-
mədquluzadənin (1866-1932) həyat və fəaliyyətinin müəyyən
dövrü də İrəvan ədəbi mühiti ilə bilavasitə əlaqəlidir.
Cəlil Məmmədquluzadə 1866-cı ildə Naxçıvanda doğul-
muş, uşaqlıq və məktəb illərini burada keçirmiş, Qori Müəllimlər
Seminariyasını bitirərək müəllimlik etmək üçün İrəvana köçmüş,
əvvəlcə müəllimlik, sonra mütərcimlik və vəkillik etmişdür...
Naxçıvandan 170 kilometrlik məsafəni qət edən fayton Qə-
mərli qəsəbəsindən keçib, Uluxanlı kəndində dayandı. Daşlı-kə-
səkli yollarla hərəkət edən faytonda 21 yaşlı bəstəboy bir gənc
oturmuşdu. O, Uluxanlıya ilk dəfə gəlirdi. Gözağrısı və isitmə
xəstəliyinin hakim kəsildiyi Uluxanlıda 200-dən artıq ev və yeddi
məscid var idi. Əhalinin hamısı savadsız olan Uluxanlının məscid
minarələrindən hər gün səhər tezdən və gün batanda “Allahu Ək-
bər” səsi yüksəlirdi. ...Atılıb düşən, ayaqyalın, başıaçıq, baldırları
çat-çat olan kənd uşaqlarını görən gənc (Cəlil Məmmədquluzadə
– Z.M) fikirləşirdi: “Nə üçün bu uşaqlar məktəbdə oxumasın-
lar?!” Qəlbi gözəl arzularla döyünən Cəlil Məmmədquluzadə Qo-
ri Müəllimlər Seminariyasının müdiri Korovayevin dövlət dəftər-
xanasının əvəzçisi D.Tiryuşinin imzası ilə 511/150 nömrəli şəha-
dətnamə almış və indi Uluxanlı kənd məktəbinə gedirdi. ”Dövlət
tərəfindən hökm çıxmışdır ki, İrəvan quberniyasında məktəb açıl-
sın”. Bu məktəblərdən biri Uluxanlıda açılmışdı. Birinci dərəcəli
Uluxanlı ikisinifli məktəbinin müdiri Muxin adlı bir ziyalı şəxs
idi. Məscidlərin geniş fəaliyyət göstərdiyi bu feodal-patiriarxal
kənddə məktəb kiçik və qaranlıq bir daxmada Allahverdi Hacı
_________Milli Kitabxana_________
35
Hüseyn oğlunun evində yerləşmişdi. Məktəbdə dərslər yeni qay-
dada keçirilrdi. Mollaxanadan fərqli olaraq burada hər dərsdən
sonra tənəffüs olurdu. Hesab, əl əməyi və hüsnxəttin tədrisinə də
yer verilirdi. Cəlil Məmmdquluzadə bir müddət Uluxanlıda işlədi,
məktəbə şagird cəlb etmək üçün nə qədər əzab-əziyyət çəkdi.
Avam xalqı qəflət yuxusundan oyatmaq üçün elm və ürfan
ziyasını səpdi. O, az müddət ərzində xalqın sevimlisi oldu.
Cəlil Məmmədquluzadə Uluxanlı məktəbinə 1887-ci il av-
qust ayının 1-də 937 nömrəli əmrlə gəlmişdi... Dekabrda Ağrı da-
ğı vadisinə möhkəm qar yağmışdı. Havaların soyuq keçməsi, su-
ların buz bağlaması, kənddə hökm sürən vəziyyət Cəlil Məmməd-
quluzadəni Naxçıvana – evlərinə qayıtmağa məcbur etmişdir. Yol
söhbəti zamanı arabaçı Cəfər kişinin “Soruşmaq ayıb olmasın,
başına dönüm, bizim Uluxanlı xoşuna gəlmədimi ki, buradan ge-
dirsən?” sualına Cəlil Məmmədquluzadə verdiyi cavabda: “Yox,
Uluxanlı camaatı əliaçıq və səxavətlidir, Cəfər dayı, Uluxanlı Ağ-
rı dağı vadisinin bərəkətli yeridir. Əgər ki, bu kəndin torpağına
sahib duran olsa, qızıldır, qızıl. Ancaq bu böyüklükdə kənddə hə-
kim də yoxdur. Molla Hüseynin qılıncının dalı da kəsir, qabağı
da. Bir tərəfdən İrəvan qubernatorlarının adamları, o biri tərəfdən
də kəndin varlıları əhalini soyurlar. Məni buradan uzaqlaşdıran
Tiflis məktəblər müdirinin göstərişidir, digər tərəfdən, kəndin
mollaları da mənim burada dərs deməyimi istəmirlər, onlarla da
bir-iki dəfə sözləşmişik” [179] demişdi.
Cəlil Məmmədquluzadənin “Azərbaycan əlifbası “A” ilə
başlayır” cavabından əsəbiləşən İrəvan quberniyasının xalq mək-
təbləri müfəttişi Y.D.Pasxalovla sözləşməsi üzündən 1887-ci ildə
o, Uluxanlı məktəbindən Baş-Noraşen zemski məktəbinə dəyiş-
dirilmişdir. Bununla ürəyi soyumayan Y.D.Pasxalov 1888-ci ilin
yanvarında yenidən Cəlil Məmmdquluzadənin Uluxanlı məktəbi-
nə qaytarılması barədə sərəncam verdirmişdir. Cəlil Məmmədqu-
luzadənin Y.D.Pasxalovla görüşmək niyyəti olmadığından “İrə-
vandan Yelizavetpol şəhərinə, direktor D.Orlova 1888-ci il yan-
varın 1-də saat 9-da on sözdən ibarət göndərdiyi 593 nömrəli tele-
Dostları ilə paylaş: |