STRATEJİ TƏHLİL | Say 7-8 • 2014
348
ya dəvət olunmuş mütəxəssis radionu tərəfkeşlikdə ittiham etdi. Səbəb kimi
də əməkdaşların həmin siyahıya imza atmasını göstərdi”. “Azadlıq” radiosu
Azərbaycan redaksiyasının digər sabiq əməkdaşı Rövşən Əliyevin qənaətincə,
reportyorların sosial şəbəkələrdə istənilən mövzu ilə bağlı fikir bildirmələri on-
ların çalışdıqları xəbər mediasının tərəfsizliyini şübhə altına qoyur və bu, ciddi
xəbər mediasının nizamnaməsində öz əksini tapır.
Əslində, bu cür faktlar media qurumunun obyektivliyinə şübhə yaradır. Bu
ziddiyyətli məqamdan danışan media ekspertləri vəziyyəti belə izah edirlər ki,
bu cür halların baş verməsi özünü obyektiv və qərəzsiz adlandıran media qu-
rumlarının nüfuzuna xələl gətirir. Əgər media rəhbərliyi belə hallara qarşı konk-
ret tədbirlər görmürsə, onların qarşısının alınmasına məhəl qoymursa, deməli,
bu məsələdə hansısa maraqlar rol oynayır. “Azadlıq” radiosunun Azərbaycan
redaksiyasının (Bakı bürosu) marketinq üzrə meneceri Rafiq Məmmədli radio
rəhbərliyinin əməkdaşlara (siyasi hadisələrə münasibət bildirməkdən başqa)
işlədikləri xəbəri, videosüjeti sosial şəbəkədəki səhifələrində yaymağı tövsiyə
etdiyini deyir. Amma o, təəssüflə çox az hallarda əməkdaşların paralel olaraq
informasiyalarını öz sosial şəbəkələrində yaydıqlarını da bildirir.
“Amerikanın səsi” radiosunun Azərbaycan redaksiyasının əməkdaşı Fərhad
Tapdıqoğlu isə sosial şəbəkələrdə çox sərbəst şəkildə fəaliyyət göstərdiyini,
istənilən ictimai-siyasi hadisəyə münasibət bildirdiyini və mövqe nümayiş
etdirdiyini deyir: “Mən burda “Amerikanın səsi”nin adından çıxış etmirəm.
Bu, mənim şəxsi sosial şəbəkəmdir və istədiyim kimi hərəkət edirəm”. BBC
Azərbaycan xidmətinin (radio online şəklində fəaliyyətini davam etdirir) pro-
düseri Elçin Xəlilov BBC-nin qaydalarına zidd fikrin qəbuledilməz olduğunu
vurğulayır. CNN kanalının ərəb xidmətinin əməkdaşının Fələstin lideri Yasir
Ərafata öz sosial şəbəkəsində xoş sözlər yazdığını və İsrailə yaxın dairələrin
onu paylaşdığını xatırladan Elçin Xəlilov həmin əməkdaşın işdən uzaqlaşdı-
rıldığını deyir. Elçin Xəlilov təmsil olunduğu BBC-də buna oxşar hər hansı bir
hadisənin indiyədək baş vermədiyini, amma olarsa, nəzərəalınma ehtimalının
da mümkünlüyünü vurğulayır.
Bir sözlə, əməkdaşların sosial şəbəkələrdə tam sərbəstliyi və təmsil etdiyi
media qurumuna zidd fəaliyyətləri cəmiyyətdə həmin medianın əməkdaşlarının
tərəf kimi qəbul olunmaq təhlükəsi yaradan hallardan hesab oluna bilər.
“APA Holding”in prezidenti Vüsalə Mahirqızı əməkdaşların agentliyin in-
formasiyalarının sosial şəbəkələrdə də paralel şəkildə yaymalarının xüsusi
öhdəlik kimi qoyulmadığını deyir. Müxbirlər yazılarının daha çox oxunması və
sosial şəbəkədəki dostlarının rəyini öyrənmək üçün bunu özləri edirlər. Onun
sözlərinə görə, “APA Holding”in əməkdaşları üçün peşə-davranış kodeksi qəbul
edilib və əməkdaşlar bu kodeksə əməl edirlər (6).
Vüsalə Mahirqızı əməkdaşların sosial şəbəkələrdə özlərini ifadə etməkdə
tam sərbəst olduqlarını da vurğulayır. Amma o da hesab edir ki, əməkdaş
APA-nı təmsil etdiyi üçün harda olmasından asılı olmayaraq onun formatın-
Say 7-8 • 2014 | STRATEJİ TƏHLİL
349
dan kənara çıxa bilməz: “Müxbirlər diqqətlərini çəkən istənilən məsələyə şərh
yaza, istənilən informasiya və qeyri-informasiya vasitəsinin məlumatını paylaşa
bilərlər. Şirkətin buna hər hansı müdaxiləsi yoxdur. Amma bir istisna var ki,
müxbir əldə etdiyi informasiyanı sayta ötürməmişdən əvvəl onu ilk olaraq so-
sial şəbəkədə paylaşa bilməz”.
Onu da qeyd edək ki, sosial şəbəklərin əhəmiyyətini nəzərə alan dünya-
nın “Sinxua”, “Assoşieyted Press”, “Röyter”, “Kiodo” kimi aparıcı informasiya
agentlikləri artıq sosial şəbəkələrlə iş şöbələri yaradıblar (5).
Azərbaycanda yalnız “APA Holding”in və “AzərTAc”ın sosial şəbəkələrlə iş
şöbəsi fəaliyyət göstərir.
“Assoşieyted Press” İnformasiya Agentliyinin xəbər xidməti müxbirlərinə
“Twitter”də öz fikirlərini bildirməyi, başqalarının yazdıqlarını orada təkrar pay-
laşmağı (retweet) qadağan edib. “Assoşieyted Press”də düşünürlər ki, jurna-
listin “Twitter”də başqalarının yazdıqlarını paylaşmasını oxucular həmin fikri
onun bəyənməsi kimi anlaya bilərlər.
Hərçənd jurnalistlərin çoxu öz “Twitter” hesablarındakı bioqrafiya hissəsinə
belə bir qeyd əlavə edir: “Retweetlər bəyənilmə kimi qəbul edilməməlidir”. An-
caq, görünür, “Assoşieyted Press”in xəbər xidməti üçün bu cür qeyd kifayət
etmir (2).
CNN-in baş redaktoru və Yaxın Şərq üzrə eksperti Oktavia Nasr “Hizbullah”
terrorçusunun ölümü haqqında yazdığı tvitə görə 20 illik işini itirməli olub. “Kas-
pi” qəzetinin baş redaktoru Natiq Məmmədli də hesab edir ki, rəhbərlik etdiyi
qəzetdə çalışan jurnalistin mövqeyi qəzetin mövqeyi ilə üst-üstə düşməlidir.
“Assoşieyted Press” İnformasiya Agentliyinin direktor müavini Tomas Kentə
görə, bəzən informasiya agentliyində çalışan jurnalist xəbəri peşə prinsiplərinə
uyğun yaydıqdan sonra sosial şəbəkələrdə bununla bağlı öz fikirlərini bölüşür.
Onun fikrincə, bunun özü də mübahisəli məsələdir. Bunu nəzərə alan “Asso-
şieyted Press” öz müxbirlərinə yazdıqları xəbərlərlə bağlı sosial şəbəkələrdə
məlumat yaymağı qadağan edib.
Nəticə
Müşahidələr göstərir ki, bütün yeni yaradılan sosial şəbəkələrə əvvəl
cəmiyyətlər, sonra dövlətlər (dövlət qurumları) inteqrasiya edirlər. Əgər
birincilər virtual aləmin bu müstəvisinə transfer olunmaqla özlərinin məlumat
almaq, paylaşmaq və fəaliyyət imkanlarını artırmaq istəklərini reallaşdırmış
olurlarsa, ikincilər bu prosesdən kənarda qalmamaq, yaranmış tarazsızlığı ba-
lanslaşdırmaq və əlbəttə ki, mövcud vəziyyəti nəzarətdə saxlamaq məqsədi
güdürlər. Məhz bu və ya digər maraqlar çəmiyyətin və dovlətin, rəsmi struk-
turlarla qeyri-rəsmi qurumların, sadə insanların istər-istəməz bir araya gəlməsi
zərurətini yaradır. Özü də hansısa qapalı və ya məhdud mühitdə yox, birba-
şa hər kəs üçün açıq olan sosial şəbəkələrdə. Odur ki, medianın da bu sosial
Dostları ilə paylaş: |