Azərbaycanda Peşə Təhsili və Təliminin (ptt) inkişafına Avropa İttifaqının dəstəyi

“Dəliklərin burğulanmaqla açılmasını nümayiş edir” 

Burğulama əməliyyatlarını necə təsvir edərdiniz? 
•
Burğu alətinin işçi orqanı nədir? 
•
Burğuların növləri və onların bir-birindən fərqli cəhətlərini necə izah edərdiniz? 
•
Burğulamanın düzgün aparıldığını hansı amilə əsasən müəyyən edə bilərsiniz? 
•
Burğunun kəsən hissəsinin həndəsi parametrlərini sadalaya bilərsinizmi? 

Burğuların yeyilmələrini necə təsvir edərdiniz? 

Burğuların yeyələnməsini və yeyələnmə üsullarını necə izah edə bilərsiniz? 

Burğuların itilənməsi zamanı ən çox hansı amilə diqqət yetirilməlidir? 
 
2.6.1. Yivli birləşmələrin bərkidilmə işlərini yerinə yetirir 

Yivli birləşmələr 
Yivli birləşmələri yiv açılmış detallar – boltlar, vintlər, sancaqlar və qaykalar əmələ 
gətirir. Yiv detallarının səthində vint xətti boyunca qanovlar açmaq yolu ilə alınır. 
Boltlu birləşmələr daha sadə və ucuzdur, çünki birləşdirilən detallarda yiv açılmasını 
tələb etmir. Boltlu birləşmələr qalınlığı az olan, həmçinin materialı yivin kifayət 
qədər möhkəmliyini təmin etməyən detalları bərkitmək üçün tətbiq edilir.

---

36 
Vintli birləşmələr ikisindən biri qalın olan detalları bərkitmək üçün tətbiq edilir. Boltdan fərqli 
olaraq vinti yiv açılmış deşiyə burub bərkidirlər, burada qayka olmur.
İstismar şərtlərinə görə biri o birindən qalın olan detal birləşmələrini tez-tez sökmək lazım 
gəldiyi hallarda sancaqlı birləşmələrdən istifadə edirlər. Sancağı başqa qaykaya üstdən vintlənmiş 
qaykanın, yaxud sancaqburanın köməyilə detala bərkidirlər.
Qaykalar bir neçə tipdə hazırlanır. Formalarına görə altıüzlü, dairəvi, qulaqlı və s. olur. Altıüzlü 
qaykalar daha çox yayılmışdır. 
Şəkil 2.27 Yivli birləşmələr: a) boltla birləşmə, b) vintlə birləşmə, v) sancaqla birləşmə 
