Coğrafiya
və təbii resurslar, №2, 2017 (6)
AMEA akad. H.Ə.Əliyev adına Coğrafiya İnstitutu, Azərbaycan Coğrafiya
Cəmiyyəti
57
aparılmışdır. Ümumilikdə mineral və termal su eh-
tiyatlarının ərazi təşkili bərabər şəkildə olmasa da,
demək olar ki, bütün ölkə boyu paylanmışdır. Xü-
susilə “mineral sular muzeyi” adlandırılan Nax-
çıvan MR-də Narzan tipli Badamlı, Sirab, Böyrək
suyu, Vayxır, Darıdağ, Tivi, Kəlbəcərdə Karlovı
Varı tipli Yuxarı və Aşağı İstisu, Şabranda Naftu-
siya tipli Qalaaltı, Gədəbəydə Slavyanka, Abşeron-
da Bilgəh, Şıx, Suraxanı, Qala termal suları, Lən-
kəran-Astara zonasında müxtəlif termal suların
əsasında fəaliyyət göstərən İstisu və Yanardağ mü-
alicə ocaqları, uroloji və mədə-bağırsaq sistemi
xəstəliklərinin müalicəsində faydalı olan Qax mi-
neral suyu, Quba-Xaçmaz zonasında Xaltan və Xa-
şı suları əsasında qurulmuş müalicəvi vannaları
qeyd edilməlidir [3, s. 67].
Azərbaycanda dövlət müstəqilliyinin bərpasın-
dan sonra görülən işlərə iqtisadiyyatın əksər sahə-
ləri ilə yanaşı, regionların sosial-iqtisadi inkişafı ilə
bağlı həyata keçirilən Dövlət Proqramları da aiddir.
İstər ölkə rəhbərliyi, istərsə də bu sahəyə marağı
olan insanların səyləri nəticəsində turizmdə də az
müddət ərzində nəzərə çarpan xüsusi əhəmiyyətli
irəliləyişlərə nail olunmuşdur. Təbii rekreasiya eh-
tiyatlarının zəngin olmasına baxmayaraq, bu ehti-
yatlardan istifadə turizmin ölkəmizdə hələ “yeni
canlanan bir sahə” olması ilə yanaşı, onun təşkili
və inkişafı hələ də qənaətbəxş səviyyədə deyildir.
Müalicə turizminin özəyini, bir tərəfdən, təbii
resurslar, digər tərəfdən, bu resurslardan istifadə
etməyə imkan verən
sanatoriya-kurort turizm mər-
kəzləri, eləcə də müasir standartlara cavab verən və
tam peşəkar kadrlarla təmin edilmiş klinik turizm
mərkəzləri təşkil edir. Ölkəmizdə müalicəvi turiz-
min iki növü arasında klinik turizm deyil, kurort-
turizm imkanları daha geniş və perspektivlidir. La-
kin buna baxmayaraq, həmin imkanların, yəni sö-
zügedən təbii turizm-rekreasiya ehtiyatlarının cəmi
5-10%-i kurort müəssisə və ya mərkəzlərində is-
tifadə edilir. Bunların əsasını isə artıq adlarını qeyd
etdiyimiz Duzdağ Fizioterapiya Mərkəzi və Nafta-
landa yaradılmış kurort mərkəzləri təşkil edir.
Şəkil. Azərbaycanda müalicə turizm obyektlərinin yerləşməsi
Coğrafiya və təbii resurslar, №2, 2017 (6)
58 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
Bununla yanaşı, respublikamızda fəaliyyət gös-
tərən “Kurort” Səhmdar Cəmiyyətinin tərkibində
sanatoriya-kurort müəssisələri mövcuddur. SSRİ
dövründən fəaliyyət göstərən bu cəmiyyətin tərki-
bində hazırda 6 sanatoriya fəaliyyət göstərir. Bu sa-
natoriyalar Naftalan, Bilgəh, Günəşli, Qaranquş,
Abşeron və Şıx sanatoriyalarıdır. Özəl sanatoriya-
lar isə 2006-cı ildən etibarən yaradılmağa başlan-
mışdır ki, bunlardan ilk olanı İstisu kurortunun tər-
kibində qurulan Fatimeyi Zəhra pansionatıdır. Da-
ha sonra isə Qalaaltı və Naftalanda özəl sanatoriya
xidmətləri formalaşmışdır.
Ölkədə müalicə xidmətləri ilə yanaşı, SPA xid-
mətləri də təklif edən
ilk müəssisə
isə
“Yengicə”
sa-
natoriyası olmuşdur. 2007-ci ildən fəaliyyətə baş-
lamış bu sanatoriya hazırda fərqlənən müalicə tu-
rizm obyektlərindən biridir. Adları qeyd edilən sa-
natoriya-kurort mərkəzləri ilə yanaşı, ölkədə daha
bir neçə müəssisənin fəaliyyət göstərməsinə bax-
mayaraq, ümumilikdə onlar sayca azlıq təşkil edir.
Digər tərəfdən, bu müəssisələrin əksəriyyətində
göstərilən xidmətlər də buraya gələn insanlar tərə-
findən tam məmnunluqla qəbul edilmir. Buna sə-
bəb müəssisələrdə peşəkar kadrların azlıq təşkil et-
məsi, həmin müəssisələrin marketinq və reklam fə-
aliyyətinin yaxşı səviyyədə qurulmaması, müştəri
kontingentinin tələbatının tam müəyyənləşməməsi,
ən əsası, sadə görünsə də, müəssisə əməkdaşlarının
işlərinə professional yanaşmamaları ola bilər. Bu
problemlərin həlli baxımından aşağıdakı tədbirlə-
rin həyata keçirilməsi zəruridir:
Müalicə turizmindən istifadə edənlərin
göstəricilərini ifadə edən rəqəmlər, demək olar ki,
yoxdur. Müalicə və sağlamlıq turizminin inkişafı-
nın təkcə turizm baxımından deyil, eləcə də təbii
rekreasiya ehtiyatlarının səmərəli istifadəsi, regi-
onların inkişafı nöqteyi-nəzərdən də faydalı oldu-
ğunu nəzərə alaraq, mövcud infrastrukturun geniş-
ləndirilməsi və müasir standartlara uyğun yeni sa-
natoriya-kurort mərkəzlərinin yaradılması məqsə-
dəuyğun hesab edilə bilər;
Mineral və termal suların az hissəsinin təd-
qiq və istifadə edilməsini, onların əsasında sanato-
riya-kurort mərkəzlərinin az sayda olmasını nəzərə
alaraq, ilk növbədə, mütəxəssislər tərəfindən hə-
min faydalı suların tədqiqi prosesinin sürətləndiril-
məsi, bu ehtiyatların bazasında kurort və SPA mər-
kəzlərinin yaradılması mümkün
ola bilər;
Mövcud sanatoriya-kurort müəssisələrinin
təkmilləşdirilməsindən və ya yenilərinin yaradıl-
masından öncə, yaxşı olardı ki, bu turizm sahəsin-
də ixtisaslaşmış ölkələrdən və ya turizm obyektlə-
rindən mütəxəssislər cəlb edilsin və onlar öz təc-
rübələrini burada təlimlər təşkil etməklə yerli mü-
təxəssislərə tanış etsin. Sanatoriya-kurort müəssi-
sələrini dünya əhəmiyyətli brend mərkəzləri kimi
formalaşdırmaq yolunda bu,
vacib amildir;
Sanatoriya-kurort mərkəzlərində xidmətlə-
rin səviyyəsinin və keyfiyyətinin artırılması məq-
sədilə müştərilərin fikrinin daimi öyrənilməsi, tələ-
batın müəyyənləşdirilməsi vacibdir. Müasir texno-
logiyaların limitsiz imkanlarına nümunə üçün on-
layn sorğuların keçirilməsini göstərmək olar. Bu
sorğuların nəticəsi müəssisənin imkanları yetdiyi
qədər mütləq şəkildə tətbiq edilməlidir ki, müştəri
məmnuniyyəti təmin edilsin;
Reklam və təbliğat işinin gücləndirilməsi
məqsədilə bu sahədə ixtisaslaşmış müəssisələrin
təcrübəsindən yararlanmaq və ya bu xidməti gös-
tərən müəssisələrlə əməkdaşlıq etmək, reklama çə-
kilən xərcləri artırmaq
zəruridir;
Dünya təcrübəsi göstərir ki, turizmin istə-
nilən bir destinasiyada inkişafı üçün təbii ehtiyat-
lar, infrastruktur şəbəkəsi və dövlətin bu sahəyə
dəstəyi ilə yanaşı, yerli əhalinin də payı olduqca
yüksəkdir. Bu baxımdan yerli əhalinin turisti “qə-
bul etməsi” üçün onların turizmə münasibətinin
müsbət istiqamətə dəyişməsi məqsədilə regionlar-
da təbliğat işləri və ya müxtəlif layihələr keçirmək-
lə turizmin müsbət təsirlərinin izahı həyata keçirilə
bilər.
Nəticə. Nəticə etibarilə qeyd olunmalıdır ki,
respublikanın əvəzsiz təbii müalicə ehtiyatlarından
düzgün strategiya ilə istifadə edilməsi, xidmət və
infrastrukturun çoxaldılması, bu sahədə mütəxəssis
rəylərinin nəzərə alınması, dövlət tərəfindən bu sa-
hədə atılan addımların artırılması və yerli əhalinin
dəstəyi ilə Azərbaycanda müalicə-sağlamlıq turiz-
minin inkişafı təmin olacaqdır. Bu baxımdan irəli
sürülən təkliflərin də nəzərə alınması bu sahədə
olan problemlərin praktik olaraq həllinə öz müsbət
təsirini göstərəcəkdir.
ƏDƏBİYYAT
1.
AR Mədəniyyət və Turizm Nazirliyi, Naftalan
kurort şəhəri, Bakı, 2015, 101 s.
2.
Dərgahov V.S. Azərbaycanda kurort-müalicə
turizmi: inkişaf tarixi, müasir vəziyyət, problemlər və
perspektivlər. Coğrafiya cəmiyyətinin əsasərləri, XVII
cild. Bakı 2011, səh. 182-193.
3.
Dərgahov V.S. Rekreasiya-turizm ehtiyatları,
Bakı: MBM, 2008, 209 s.
4.
Əliyev Ü., “Naftalan dünya səviyyəli kurort
şəhərinə çevrilib”, Bakı, 2016.
5.
Qurbanov F.İ. Azərbaycanda turizmin inkişaf
problemləri, Bakı, 2007, 344 s.
6.
Sultanova H., Azərbaycan Respublikasında tu-
rizm və onun inkişafı, Bakı 2015, 475 s.
7.
Бабкин А. В. Специальные виды туризма,
Ростов-на-Дону: Феникс, 2008, 252 s.