37
o`tolmasdi. Lekin, agar qulning aytganlari "badan tovushi" bo`lsa, ya’ni qiynoq natijasida aytilgan bo`lsa,
u vaqtda
uning aytganlari haqiqiy hisoblangan. Qullar qonuniy nikohga kirolmaganlar.
Miloddan avvalgi V-IV asrlarga kelib patriarxal qullik o`rniga klassik, antik qullik kelgan. Qullarga oddiy
mehnat qurollari sifatida qaralardi. Qullar asta-sekin asosiy ishlab chiqaruvchi kuchlarga aylangan.
Meteklar (Afinaga
ko`chib kelib joylashgan chet elliklar).
Afina davlati o`z mohiyatiga ko`ra erkin fuqarolarning manfaatlarining himoya
qilinishini va ko`p sonli qullarning tutqunlikda ushlab turishni ta’minlaydigan siyosiy
tashkilot hisoblangan. Boshqarish shakli bo`yicha u demokratik respublika bo`lib, unda
afina fuqarolari teng huquqlardan foydalanganlar va siyosiy hayotda (davlatni idora etishda)
faol qatnashishlari mumkin
bo`lgan.
Afinada davlat hokimiyatining oliy organi
xalq yig`ini-ekklesiya bo`lgan. U dastlab yiliga o`n marta,
keyinchalik qirq marta chaqiriladigan bo`lgan.
Maxsus yig`inlarda fuqarolarning iltimos-shikoyatlari ko`rib chiqilgan va ba’zi shaxslarni ostrakism tartibida
davlatdan haydab yuborish haqidagi masalalar hal etilgan.
Xalq yig`inida faqat 20 yoshga yetgan to`la huquqli afinalik fuqarolar ishtirok etishlari mumkin edi. Afinalik
har bir fuqaro istagan masalasini xalq yig`iniga qo`yishga, unda so`zga chiqishga, yangi qonun loyihalarini kun tartibiga
kiritishga haqli edi. Qaror ochiq ovoz berish, ya’ni qo`l ko`tarish yo`li bilan qabul qilingan. Yopiq,
ovoz berganda
qutiga yo loviya, yo qora va oq toshchalar, yoki xat yozilgan siniq sopol parchalari tashlagan.
Afinada demokratik muassasalardan yana biri
besh yuzlar kengashi - Bule bo`lgan. Bu kengash Klisfen
zamonidayoq ta’sis etilgan bo`lib, uning a’zolari 30 yoshga to`lgan Afina fuqarolaridan qur’a tashlash yo`li bilan
saylangan. Uning hamma o`nta hududiy filalarining har biridan elliktadan vakil kiritilgan.
Besh yuzlar kengashi
Afinaning oliy hokimiyat va ma’muriy organi bo`lib, xalq yig`inida ko`riladigan masalalarni oldindan tayyorlagan.
Xalq yig`iniga qo`yiladigan masalalarni oldindan muhokama qilish bo`lib, bu bilan u xalq yig`ini faoliyatini yo`naltirib
turgan.
Kengash kundalik ishlarni yuritish uchun o`nta komissiya (pritaniy)ga ajralgan. Komissiyalar tarkibiga har bir
filadan elliktadan vakil kiritilgan edi. Komissiyalar navbatma-navbat Kengash majburiyatlarini bajarganlar.
Afina davlatining oliy sud organi -
gelieya - haqamlar sudi yirik demokratik muassasa bo`lgan. Uning a’zolari
30 yoshga to`lgan fuqarolardan qur’a tashlash yo`li bilan bir yil muddatga saylanadigan 6000 haqamdan iborat bo`lgan.
Haqamlardan bir mingtasi zahiradagi haqam hisoblangan. Gelieya tarkibida o`nta hay’at - palata (dikasteriya) bo`lib,
ularning har birida besh yuztadan haqam va yuztadan zahiradagi haqam bo`lgan.
Gelieya davlatga qarshi jinoyatlar va mansabdor shaxslarning suiste’molliklari haqidagi ishlar bo`yicha I
instansiya sudi, boshqa sudlar tomonidan ko`rilgan ishlar bo`yicha esa apellyatsion instansiya hisoblangan.
Afinada qonun chiqarish jarayoni quyidagi bosqichlardan iborat edi:
a) xalq yig`iniga qonun loyihasining kiritilishi (bunday qonunchilik tashabbusi huquqiga har bir afinalik fuqaro
ega bo`lgan);
b) besh yuzlar kengashi tomonidan qonun loyihasining dastlab ko`rib chiqilishi va bu haqda xalq yig`ini uchun
xulosalar
berilishi;
v) xalq yig`ini tomonidan qonun loyihasining qabul qilinishi;
g) qabul qilingan qonun loyihasining kuchga kiritilishi yoki gelieya tomonidan rad qilinishi mumkinligi.
Afinada
asosiy
mansabdor
shaxslar
strateglar va
arxontlar bo`lgan.
Strateglar hay’atining a’zolari uylangan va ko`chmas mulkka ega bo`lgan fuqarolardan o`n kishi tarkibida xalq
majlisi tomonidan saylangan. Ular armiya va flotni ushlab turish uchun kelib tushgan mablag`larni boshqara
boshlaganlar, favqulodda harbiy yig`imlar tashkil qila boshlaganlar. Ular dushmandan kapitulatsiya (taslim bo`lish
haqidagi va g`olib tomonga imtiyoz beruvchi shartnoma) qabul qilganlar, sulh tuzganlar. Strateglar besh yuzlar
kengashi va xalq yig`inining navbatdan tashqari majlisini chiqarishni talab qilish va favqulodda choralar ko`rish
huquqiga ega edilar.
Birinchi arxont arxont-eponim hisoblangan. Arxont-eponimda Afina demokratiyasining
rivojlanishi bilan faqat oilaviy ishlar bo`yicha va meros haqidagi ishlar bo`yicha sud funksiyalarigina saqlanib kdlgan
edi. Ikkinchi arxont -
arxont-basiley bo`lib, u diniy ishlarni yuritgan va sudda jinoiy ishlarni ko`rgan. Uchinchi arxont
arxont-polimarx bo`lib, u endilikda ilgarigi harbiy qo`mondonlik funksiyalarini yo`qotib, faqat meteklar va boshqa
chet elliklar (ksenlar) bilan bog`liq bo`lgan asosiy ishlar bilan shug`ullangan. Boshqa oltitasi
arxont-fesmofetlar deb
atalib, gelieyaga taalluqli ishlarni tayyorlaganlar, afina sudlarida "adolatli sud qilishga" rahbarlik qilganlar.
Afinada hammasi bo`lib yetti yuzga yaqin maxsus mansabdor shaxslar bo`lib, ular tegishlicha turli
vazifalarni
bajarganlar. Davlat mulkini boshqarish, davlat xazinasini yuritish, ko`chalardagi tartibni va fuqarolarning axloqini,
bozorlardagi
savdoni kuzatib turish, harbiy tayyorgarlikdan o`tayotgan yoshlarni tarbiyalash va ularga ta’lim berish
singari vazifalarni ana shu maxsus mansabdor shaxslar ado etganlar.
Miloddan avvalgi V asrgacha bo`lgan davrda
Areopag davlat hokimiyat organlari ichida muhim o`rin tutar edi.
Uning a’zolari arxontlar va ilgari arxont bo`lib ishlagan kishilar edi. Miloddan avvalgi V asrdan boshlab, Areopag o`z
ahamiyatini yo`qotib, asosan qasddan odam o`ldirish ishlari bo`yicha sud instansiyasiga aylangan.
Aytib o`tilganidek, Afinada oliy sud organi
Gelieya bo`lgan. Qasddan
bo`lmagan odam o`ldirish jinoyati haqidagi ishlar
efetlar sudi tomonidan ko`rilgan.
Talonchilik, o`g`rilik va boshqa mulkiy jinoyatlar
o`n birlar hay’ati tomonidan
ko`rilgan. Mulk bo`yicha fuqarolik-huquqiy nizolar
dietetlarning hakamlik sudlarida ko`rib hal etilgan.
Mayda mulkiy
Davlat tuzumi
Sud organlari