TAİLAND
Paytaxtı – Banqkok
Rəsmi dili – tay dili
Dini – buddizm
Pul vahidi – tailand batı
Tailand krallığı Hind-Çin yarımadasında yerləşən dövlət-
dir. Monarxiya quruluşuna malikdir. Digər yarımada dövlətləri-
nə nisbətən inkişaf etmişdir. Cənub-şərqi Asiyada mərkəzi möv-
qe tutmasına, Şimaldan cənuba doğru yüksək məsafədə uzan-
masına görə Tailand müxtəlif iqlim xüsusiyyətlərinə malikdir.
Buna görə də əsas məhsul yığımı il ərzində bir neçə dəfə hə-
yata keçirilir. Turizm mövsümü il boyu davam edir. Tailand
üçün musson iqlimi xarakterikdir. Şimal və cənub rayonlarında
3 mövsüm müşahidə olunur: isti və quru qış; qızmar və quru
yaz; rütubətli yay-payız.
Ölkənin əlverişli iqlimi, təbiəti onun qida mədəniyyətinin for-
malaşmasına böyük təsir göstərmişdir. Bu ölkənin kulinariyası
255
Çin, Hind və Yapon mətbəxinin təsiri altında formalaşıb. Buna
baxmayaraq, Tailand mətbəxi öz milli kaloritini qoruyub saxlayıb.
Başqa cənub-şərqi Asiya ölkələrində olduğu kimi, Tailand-
da da qida rasionunun əsasını düyü təşkil edir ki, onu balıq və
soya sousu ilə təqdim edirlər. Tailand mətbəxi özünün qeyri-
adiliyi ilə fərqlənir. Onun qonşu Çin mətbəxindən əsas fərqi
ondan ibarətdir ki, Tailand mətbəxində maddələrin seçimində
müəyyən sərbəstliyə yol verilir. Beləliklə, o daha fərdi və ori-
jinal olur. Lakin Tay mətbəxində dünyanın başqa mətbəxlərinin
güclü təsiri hiss olunsa da o, həmçinin öz xüsusi yeməkləri ilə
fərqlənir. Bu da onun orijinallığının sirri hesab oluna bilər.
Tailand mətbəxində xörəklərin bişirilmə vaxtı , ədviyyat-
ların və ətirli otların seçimi aşpazın arzu və fantaziyasından
asılıdır. Gözəl dadından başqa xörəyin gözəl görünüşü də ol-
malıdır. Çünki tailandlılar xörəyin estetik görünüşünə çox bö-
yük əhəmiyyət verirlər.
Tərəvəzlərin və meyvələrin üzərində naxışın açılması de-
mək olar ki, incəsənətə çevrilib. Xörəklər çox vaxtı soğan, po-
midor və ya xiyar dilimləri ilə bəzədilir.
Bütün Asiyada olduğu kimi, burada da mətbəxin əsasını
düyü təşkil edir. Demək olar ki, düyü bütün yeməklərin hazır-
lanmasında istifadə edilir. O, dadları tarazlaşdırdığı üçün isti
yeməklərin hazırlanmasında geniş istifadə olunur. Qeyd etmək
lazımdır ki, düyü bişirilərkən ona heç vaxt duz əlavə olunmur.
Tay mətbəxində düyü Avropa mətbəxində geniş istifadə olunan
çörək və kartofu əvəz edir.
Tailandın mətbəxi də özü kimi özünəməxsus və təkraredil-
məzdir. Bu mətbəx Tailanda gələnlər üçün ekzotik təsir bağış-
layır. Tailandın əlverişli iqlim şəraitinə malik olması burada il-
də iki, bəzən də üç dəfə məhsul yığmağa imkan verir. Tərəvəz
burada il boyu yetişir və həmişə süfrədə göyərti olur. Tailandın
əlverişli iqlimə malik olması onun mətbəxinin də olduqca zən-
gin olmasına gətirib çıxarıb. Bir sözlə, Tailandda ilin bütün fə-
sillərində bazarlarda bolluq olur. Ona görə də Tailandda aclıq-
dan danışsan səni başa düşməyəcəklər.
256
Tailandlılar öz mətbəxlərində ətdən, balıqdan, həmçinin
yuxarıda qeyd etdiyimiz kimi çoxçeşidli meyvə-tərəvəzdən ge-
niş istifadə edirlər. Tailandda xüsusilə bayramlarda mətbəxlər
daha zəngin və rəngarəng olur. Bu zaman milli mətbəxə xas
olan bütün yeməklər süfrəyə gətirilir. Ona görə də zəngin tay
mətbəxi ilə ilk dəfə tanış olan qonaqlar, xüsusilə Avropa ölkə-
lərindən gələn turistlər heyrətlərini gizlədə bilmirlər. Tay mət-
bəxlərini fərqləndirən bir xüsusiyyət də süfrəyə verilən yemək-
lərin olduqca gözəl, müxtəlif formalarda hazırlanmasıdır. Bə-
zən yeməklərə baxanda elə bilirsən ki, məşhur bir rəssamın in-
sanı valeh edən rəsm əsəri qarşısındasan.
Tay mətbəxinin bir xüsusiyyəti də var: belə ki, süfrədə
milli mətbəxin ənənələrinə uyğun şəkildə hökmən düyü, sarım-
saq, kokos, limon, zəncəfil kökü və koriandr (keşniş) olmalıdır.
Dəniz məhsullarının bolluğu tay mətbəxini müxtəlif ye-
məklərlə, delikateslərlə təmin edir. Balıq və dəniz məhsulların-
dan acı şorbalar, qızardılmış və qaynadılmış yeməklər hazırla-
yırlar. Tay mətbəxində duzlu balıq məşhurdur. Onu hazırlayar-
kən öncədən qızardırlar. Xırda balıq və krivetkalardan ədviy-
yatlı balıq sousu, krivetka pastası bütün yeməklərdə istifadə
olunur. Şərqi Asiya ölkələrində olduğu kimi, tailandlılar da süd
və süd məhsullarından istifadə etmir. Onun əvəzinə isə kokos
südü və qaymaq istifadə edirlər. Ölkənin tropik iqlimi əhalini
müxtəlif meyvələrlə: banan, papaya, manqo və ekzotik rambu-
tan, manqustan, durman və s. ilə təmin edir. Tayların sevimli
desertləri yağda qızardılmış banandır. Milli desertləri “foy tonq”
adlanır ki, onu toyuq və ördək yumurtasından hazırlayırlar.
Tayların gündəlik qida rasionunun ayrılmaz hissəsi tərə-
vəzlərdir. Onu qızardılmış və bişmiş halda deyil, çiy qəbul edir-
lər. Nahar və axşam yeməyində mütləq göyərti şorbası verilir.
Tay mətbəxinin milli kaloriti çoxlu miqdarda ədviyyatlar və acı
bibərdən istifadə edilməsidir. Bu, hazır yeməklərə kəskin dad
və ətir verir. Tailand yeməklərini təsvir etmək istədikdə onun
haqqında belə deyirlər: “Onlar acıdır, bibər kimi.”
257
Tayların kulinariya sənətində turş və şirin məhsulların qa-
rışığı qeyri-adi yer tutur. Tay yeməklərində şirin və turş məh-
sulları balanslaşdırılmış şəkildə istifadə edirlər. Çində və Yapo-
niyada olduğu kimi, Tailandda da yeməklərin xarici görünü-
şünə və dizaynına xüsusi diqqət yetirilir.
Tay xalqının yeməklə bağlı öz ənənələri var. Yemək za-
manı onlarda masaya hazırlanmış bütün yeməklər qoyulur. Ailə-
nin hər bir üzvü və ya qonaq öz ağız dadına uyğun olan yeməyi
seçir. Ənənəvi tay mətbəxində buxarda hazırlanmış düyü şəffaf
bir şorba ilə, qaynadılmış və qızardılmış yeməklər, acı ədviyyatlı
sousa batırılmış balıq və salatlar təqdim edirlər. Sonra isə ən azı
iki desert verilir. Onlardan biri maye, digəri quru olmalıdır.
Bütün bunlarla yanaşı, Tailand həm də Asiyanın turizm pay-
taxtı adlandırılır. Burada turistlərin istər gözyaşı kimi saf suları
olan dəniz sahillərində, istərsə də təbiətin yaşıl qoynunda, çay kə-
narlarında, xüsusi mini-otellərdə dincəlməsi üçün lazım olan
bütün şərait yaradılıb. Ötən əsrin 60-cı illərində Tailandda tu-
rizm sürətlə inkişaf etməyə başladı. Ölkənin müxtəlif yerlərin-
də bir-birinin ardınca yüzlərlə istirahət ocaqları, müasir meh-
manxanalar inşa edildi. Tailandın ən məşhur kurort əraziləri
bunlardır: Bankok, Çianq Mae, Pattayya, Pxukat şəhərləri, Sa-
mui və Xua-xin adalarıdır.
Dostları ilə paylaş: |