134
134
idi. 1968-ci ildə Çexoslovakiyada SSRİ-yə qarşı
narazılıq (Praqa baharı) baş qaldırdı, 1969-cu ildə
isə Çinlə silahlı münaqişə yarandı.
Bütün bu amillər ABŞ və SSRİ-ni uzlaşmağa
məcbur etdi. Hər iki dövlət bir-birinin təsir dairələ-
rinə müdaxilə etməməklə bağlı razılaşdılar.
Razılaşmalar 1972-ci ildə
Strateji silahların
məhdudlaşdırılması (SSM-1) haqqında müqa-
vilə ilə möhkəmləndirildi.
Mülayimləşmə dövrünün zirvə nöqtəsi 1975-ci
ildə SSRİ-nin də daxil olduğu, Avropa dövlətləri
ilə yanaşı, ABŞ və Kanadanın da imzaladığı
Av-
ropa Təhlükəsizlik və Əməkdaşlıq Konfransı-
nın Yekun sənədi oldu. Sənəddə dövlətlərarası
əməkdaşlıq və insan hüquqlarının qorunması
nə zərdə tutulurdu.
Müstəmləkələrin ləğvi və “Üçüncü dünya
ölkələri”.
İkinci Dünya müharibəsindən sonra
müstəmləkələrin azad edilməsi prosesi baş-
landı. Asiya, Afrika və Sakit okean bölgəsin-
dəki müstəmləkələrin azad edilməsi
“Üçüncü
dünya” ölkələrinin yaranması ilə nəticələndi.
“Üçüncü dünya” ifadəsi 1950-ci illərdən Soyuq
müharibədə iştirak etməyən, bloklara daxil olma-
yan və az inkişaf etmiş ölkələri bildirmək üçün
istifadə edilir. “Üçüncü dünya” ölkələri öz siyasi
varlıqlarını 1955-ci ildə
Bandunq konfransında
dünyanın iki qütbə bölünməsinə qarşı olduqlarını
bildirməklə göstərdilər. 1961-ci ildə Yuqoslaviya,
Hindistan və Misirin təşəbbüsü ilə
Bloklara qo-
şulmayanlar hərəkatı yaradıldı. 1970-ci illərin
əvvəllərində Üçüncü dünya ölkələri ABŞ, SSRİ
tərəfdarları və bitərəf olmaqla üç qrupa ayrıldılar.
Bəziləri isə həm SSRİ-ni, həm də ABŞ-ı tənqid
edən və “üçüncü dünya” üçün öz modelini təklif
edən Çinin təsirinə daxil oldular. Üçüncü dünya ölkələri aldıqları yardım sayəsində ABŞ
və ya SSRİ-nin təsiri altına düşürdülər. ABŞ və SSRİ Yaxın Şərqdə və Cənub-Şərqi
Asiyada keçmiş müstəmləkəçi dövlətləri əvəz edir, etdikləri yardım müqabilində böl-
gələrdə öz hakimiyyətlərini möhkəmləndirirdilər.
Üçüncü dünya ölkələrində bəzən müstəmləkə dövründə çəkilmiş süni sərhədlər və
böyük dövlətlərin təsiri ilə etnik münaqişələr, vətəndaş müharibələri baş verirdi.
2011-
ci ildən Azərbaycan Respublikası Qoşulmayanlar Hərəkatına tam hüquqlu üzv qəbul
olunmuşdur.
Regional müharibələr.
Yumşalma dövründə ABŞ və SSRİ arasında tarazlığı pozma-
yan regional müharibələr baş verdi. Bunlardan biri
Vyetnam müharibəsi idi. Bu mühari-
bədə SSRİ və ABŞ arasında münaqişə dolayı yolla gerçəkləşdi. ABŞ Cənubi Vyetnama,
SSRİ isə Şimali Vyetnama kömək edirdi. 1965-ci ildə ABŞ bölgəyə hərbi qüvvə göndərdi.
Məğlub olan ABŞ beynəlxalq ictimaiyyətin təzyiqi ilə 1973-cü ildə öz qoşunlarını geri çəkdi.
Avropa Təhlükəsizlik və Əməkdaş-
lıq konfransının yekun sənədi
1. Konfransa daxil olan dövlətlər,
hüquq bərabərliyi, ərazi bütövlüyü
və siyasi müstəqillik hüquqları daxil
olmaqla bir-birinin tam suverenliyinə
hörmət edirlər...
2. Konfransda iştirak edən dövlət-
lər dövlətlərarası münasibətlər də və
qarşılıqlı münasibətlərdə di gər dövlətin
ərazi bütövlüyünə, si ya si müstəqilliyinə
qarşı BMT-nin məq sədlərinə və bu
sənədə uyğun ol mayan şəkildə təhdid
və güc tətbiqindən imtina edəcəklər.
3. Konfransda iştirak edən
dövlətlər bir-birlərinin sərhədlərini...
toxunulmaz hesab edirlər...
4. Ərazi bütövlüyü. Konfransda
iştirak edən dövlətlər bir-birlərinin tor-
paqlarını hərbi yolla işğal etməkdən,
birbaşa, yaxud dolaylı qüvvə tətbiq
etməkdən imtina edirlər. Bu xüsusiyyət-
li hər cür işğal və qəsbkarlıq hüquqa
zidd hesab ediləcək.
7. Konfransda iştirak edən dövlət-
lər irqi, cinsi, dil və dini ayrı-seçkilik
etmədən insan haqlarına və fikir,
vicdan, din və inanc azadlıqları daxil
olmaqla, əsas azadlıqlara hörmət
edirlər. ...
Tariх. İstanbul, 2002. səh. 215
Müasir ATƏT-in əsas məqsədini
təşkil edən bu şərtlərin Ermənis-
tan tərəfindən pozulmasına qarşı
bu təşkilatın heç bir tədbir gör-
məməsini necə dəyərləndirirsiniz?
?
LAYİHƏ
135
135
Regional müharibələr dünya sülhü üçün təhlükəli olduqda SSRİ və ABŞ diploma-
tik yolla münaqişələri həll etməyə çalışırdı. 1967 və 1973-cü illərdə
ərəb-İsrail mü-
naqişəsi məhz belə dayandırılmışdı.
Soyuq müharibənin geri dönüşü (1975–1985).
1979-cu ildə SSRİ Əfqanıstanı
işğal etdi. SSRİ-nin məqsədi burada ABŞ-ın planları əsasında yayılmaqda olan siyasi
islamçılığın öz ərazisinə – Mərkəzi Asiyanın müsəlman respublikalarına təsir etməsi-
nin qarşısını almaq idi. Bu, Soyuq müharibənin yeni mərhələsinin başlanğıcı oldu. ABŞ
SSRİ-yə taxıl və texnologiya ixracına embarqo
qoydu, 1980-ci ildə Moskvada keçirilən Olimpi-
ya oyunlarını boykot etdi. ABŞ yeni silahlanma
proqramları hazırladı və bu sahədə SSRİ-ni ötüb
keçməyi qarşıya məqsəd qoydu. 1983-cü ildə so-
vet raketlərinin təhdidinə qarşı
Strateji müdafiə
təşəbbüsü proqramı elan edildi. Sovet raket təh-
lükəsini süni peyklərlə müəyyən edilərək kosmos-
dan məhv edilməsini nəzərdə tutan bu proqrama
"Ulduz müharibəsi" də deyilirdi.
Soyuq müharibənin sonu.
1980-ci illərin ikin-
ci yarısında silahlanmaya çəkilən böyük xərclər,
iqtisadi tənəzzül SSRİ-ni münasibətləri yumşalt-
mağa sövq edirdi. 1986-cı ildə Çernobıl Atom
Stansiyasında baş verən qəza dünyada nüvə
müharibəsi qorxusunu artırdı. 1987-ci ildə ABŞ
və
SSRİ qısa və orta mənzilli nüvə silahlarının
ləğvi haqqında müqavilə imzaladılar. Dünyanın
müxtəlif bölgələrində öz təsirini yaymaq üçün
edilən müdaxilələr SSRİ-nin siyasi və iqtisadi və-
ziyyətini daha da ağırlaşdırırdı. 1989-ci ildə Sovet
qoşunları Əf qa nıstandan çıxarıldı.
1989-cu il Soyuq müharibədə dönüş nöqtəsi oldu. Şərqi Avropada demokratikləşmə
hərəkatı genişləndi. Polşada və Macarıstanda azad seçkilər keçirildi. Şərqi Almaniya
rəhbərliyi Berlin divarının aradan qaldırılmasına icazə verdi. Çexoslovakiya, Bolqarıstan
və Rumıniyada kommunist dik ta turasına son qoyuldu. 1990-cı ildə Almaniya birləşdiril-
di. Artıq Şərqi Avropada “sovet modeli”nə son qoyulur, SSRİ “ilk müdafiə xətti”ni itirirdi.
SSRi-nin daxilində də müstəqillik uğrunda mübarizələr, etnik münaqişələr və millətçilik
meyillərinin artması bu dövlətin süqutunu sürətləndirdi. 1991-ci ilin dekabrında SSRİ-nin
varlığına son qoyuldu. Soyuq müharibə başa çatdı.
1. 1947-ci ildə Almaniya və müttəfiqləri ilə sülh müqavilələri bağlamaq üçün keçirilən konf-
ransın nəticəsi nə oldu?
2. Soyuq müharibənin səbəbləri nə idi?
3. “Üçüncü dünya ölkələri”nin yaranması hansı prosesin nəticəsi idi?
4. 1979-cu ildə SSRİ-nin Əfqanıstanı işğal etməkdə məqsədi nə idi?
5. 1980-ci illərin ikinci yarısında SSRİ-ni münasibətləri yumşaltmağa sövq edən amillər
hansılardır?
6. Nə üçün 1989-cu il Soyuq müharibədə dönüş nöqtəsi hesab edilir?
7. Soyuq müharibə dövrünün mühüm hadisələri ilə bağlı zaman oxu tərtib edin.
8. 1950-ci illərdə baş vermiş böhranları müqayisə edin.
9. Yumşalma dövrünün xüsusiyyətlərini təhlil edin.
SUAL VƏ TAPŞIRIQLAR
Sovet ordusunun
Əfqanıstanı tərk etməsi
Berlin divarının dağıdılması
LAYİHƏ