119
və 10 min tondan çox ağır metalların birləşmələri axıdılır.
Azərbayan sektoruna isə alkilbenzollar, alkilfenollar, alkilftalatlar,
müxtəlif karbon turşuları, həddindən çox neft karbohidrogenləri,
Sumqayıt zavodlarının tullantılantı məhsulları- xlor üzvü birləşmələr,
fenol, benzol, toluol, habelə fosforlu pestisidlər, xlorlu pestisidlər-
DDT, lindan, heksaxlorbenzol, fenolsirkə turşusunun törəmələri olan
pestisidlər və digər zəhərli birləşmələr axıdılır ki, onların miqdarı
(mq/l-lə) hələlik dəqiq hesablanmamışdır.
Xəzər dənizində hövzə dövlətlərindən başqa bir neçə ölkələrin neft
şirkətləri neft və qaz emalı ilə məşğul olduğundan Xəzərin ekoloji
çirklənməsində onların da payı az deyildir. Odur ki, Azərbaycan
Respublikasının Ekoloji və Təbii Sərvətlər Nazirliyi Xəzər dənizinin
çirklənməsinin qarşısını almaq üçün çox işlər görməlidir.
Sual və tapşırıqlar
1.Xəzər dənizi necə əmələ gəlmişdir və tarixi məlumatlar kimlər
tərəfindən verilmişdir.
2.Xəzər və Kaspi adları necə yaranmışdır?
3.Xəzəryanı ölkələr hansılardır və Azərbaycan ərazisində Xəzər
sahilinin uzunluğu necə km-dir?
4.Xəzər dənizinə ümumiyyətlə necə çay tökülür və onlardan ən
böyükləri hansılardır?
5.Xəzər dənizinin antropogen çirklənmə məhsulları hansılardır?
_____________________
120
Fəsil IV.
MATERĠK ÇĠRKLƏNDĠRĠCĠLƏRĠ
VƏ ONLARIN TƏSĠR MEXANĠZMĠ
Bundan əvvəlki fəsillərdə Yerin biosistemində gedən proseslərdə
kimyəvi birləşmələrin təsiri qeyd edilərək, əsas etibarı ilə atmosferin
və hidrosferin ekoloji vəziyyəti təhlil edilmişdir.
Yer qabığının üçdə birini təşkil edən materik hissəsi, başqa sözlə
Litosfer (lito-daş deməkdir) canlı orqanizmlərin əsas kütləsinin
mövcud olduğu biosfer təbəqəsində gedən təbii və antropogen
çirklənmələr və onların aradan qaldırılması daha qlobal problemlər
yaratmaqdadır.
Bəşəriyyətin durmadan artımı və inkişaf mərhələləri, kimyəvi
maddələrin biogeokimyəvi dövranına təsir edən əsas faktor kimi XX
əsrin sonu və XXI əsrin əvvəllərində daha qabarıq şəkildə özünü
biruzə verməkdədir.
Hesablamalar göstərmişdir ki, insanların təsərrüfat fəaliyyətləri
nəticəsində materiklərin biokütləsi 25% azalmışdır.
Elmin müasir səviyyəsində biokütlənin azalmasının antropogen
faktorlardan asılılığının dəqiq təyin edilməsi çətinlik törədsə də
planetin əhali artımının sürəti bu problemin daha da dərinləşməsinə
göstərəcəyi mənfi təsir artıq dərk ediləndir.
Bu ekoloji problemlər əhalinin sıx yerləşdiyi Avropa qitəsində
yaranmaqdadır. Məlumdur ki, şəhər əhalisinin artımı istər-istəməz
insanların sağlamlığına təsir edən faktorları da çoxaldır. Bu qarşısı
alınmaz proses bizdən asılı olmayaraq davam edəcək və gələcək
nəsillərin həyatında daha da güclənərək sonu bəlli olmayan təzadlar
yaradacaqdır.
Ətraf mühitin çirkləndiriciləri sırasına pestisidlər, radionuklidlər,
ağır metallar və digər zəhərli birləşmələr daxildir ki, bu fəsildə onların
əmələ gəlməsi və təsir mexanizmi təhlil ediləcəkdir. Bu maddələr
əsasən antropogen yolla yaranır və cəmiyyətin inkişaf səviyyəsi ilə düz
mütənasiblik təşkil edir.
121
PESTĠSĠDLƏR HAQQINDA MƏLUMAT
Pestisid – iki latın sözündən yaranmışdır; «Pestis»-yolxucu xəstəlik,
«sido»-öldürürəm, məhv edirəm. Pestisidlər və ya kimyəvi zəhərli
maddələr, kənd təsərrüfatında becərilən mədəni bitkiləri və məhsulları
ziyanvericilərdən qorumaq, eləcə də bitkilərin məhsuldarlığını artırmaq
üçün istifadə olunur.
Tədqiqat nəticəsində məlum olmuşdur ki, hər il dünyada istehsal
olunan dənli bitkilərin üçdə biri ziyanvericilər və fitopatoloji
göbələklər vasitəsilə məhv olur.
Bitkilərin ziyanvericiləri və xəstəlik törədənləri əsasən həşəratlar,
gənələr, yumuşaq bədənlilər, nemotodlar (həlqəli qurdlar), fitopotogen
göbələklər, bakteriyalar, viruslar və bitki mənşəli orqanizmlərdir.
Kənd təsərrüfatının əsas ziyanvericilərindən biri də gəmiricilərdir.
İnsanlar üçün təhlükəli xəstəliklər və epidemiyalar yayan
ziyanverici həşəratlar və gənələrdir. Onlar malyariya, isitmə, ensefalit,
vəba, taun kimi qorxulu xəstəliklərin yaranması və yayılmasında əsas
rol oynayırlar.
XX əsrdə bu xəstəliklərin qarşısı demək olar ki, alınmışdır. Bir sıra
dərman preparatları vasitəsilə peyvəndlər aparılır, eyni zamanda kəşf
olunan zəhərli kimyəvi maddələrin köməyilə epidemik xəstəlikləri
yayan zərərvericilər məhv edilir.
Pestisidlər istifadə məqsədinə görə aşağıdakı qruplara bölünür:
a) insektisidlər – həşaratları məhv edənlər;
b) akavitsidlər – gənələri məhv edənlər;
c) nematotsidlər – qurdları məhv edənlər;
d) fungisidlər – bitki xəstəliklərini məhv edənlər;
q) bakteriosidlər – bakteriyaları məhv edənlər;
j) virisidlər – virusları məhv edənlər;
z) herbisidlər – alaq otlarını məhv edənlər;
i) zoosidlər – gəmiriciləri məhv edənlər.
Bitkilərin inkişafını sürətləndirən və ya ləngidən kimyəvi maddələr
də pestisidlərə aid edilir. Bir sıra pestisidlər – defoliantlar və
desikantlar pambığın maşınla yığılması zamanı tətbiq edilir.
Xalq təsərrüfatında herbisidlər, insektisidlər və fungisidlər daha çox
istifadə edilir. Bu maddələrə tələbat ildən-ilə artdığından, yeni-yeni
Dostları ilə paylaş: |