268
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2016, № 7 (80)
NAKHCHIVAN STATE UNIVERSITY.
SCIENTIFIC WORKS, 2016, № 7 (80)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2016, № 7 (80)
VALEH ƏLİXANOV
Naxçıvan Dövlət Universiteti
UOT: 378
İDMAN VƏ ƏXLAQ
Açar Sözlər: idman, əxlaq, əxlaq inkişafı, uşaqların əxlaqı, əxlaqi təhsil.
Key words: sports, morality, moral development, morals of children, moral
Ключевые слова: спортивный, мораль, нравственное развитие, нравственности детей,
нравственное воспитание.
İdman və əxlaq bir-birində ayrı anlayışlar kimi qəbul edilsə də, hər iki sahəni birləşdirən
ortaq bir nöqtə insan və insanlararası əlaqələri təşkil edən qaydalar sistemi mövcuddur. Hər iki
anlayış insanlararası əlaqələrin, qarşılıqlı təsiri nəticəsində ortaya çıxmışdır. Əxlaq insanın əxlaqi
ictimai dəyərini əks etdirir və uşaqlıq illərindən etibarən formalaşmağa başlayır. Ümumiyyətlə
uşaqların əxlaqi inkişafına həmyaşıtlarının böyük təsiri vardır.
İdmançı həm də əxlaqlı olmalıdır. Böyük öndər M.K.Atatürk “Mən ağıllı və çevik, eyni
zamanda, əxlaqlı idmançıya üstünlük verirəm” cümləsi söylədiklərimizi tam ifadə edir. Çünki,
insanın seçdiyi və yiyələndiyi idman təhsil vasitəsilə bədəndə sağlam, azad ruh da tərbiyə edir.
Səhhətinə laqeyd olan insan əxlaqdan, ədəb tərbiyəsindən uzaqlaşar. əxlaq və idmanın vəhdəti
nəticə etibarı ilə qüvvətli bir bir şəxsiyyətin meydana gəlməsinə səbəb olar. İdman öz quruluşu
etibarı ilə sağlamlığa, birlik və bərabərliyə, qardaşlığa, yoldaşlığa və dostluğa söykənən bir insan
birliyidir.İdman və əxlaqın hər ikisi qaydalar sistemi kimi qəbul oluna bilər. İdman qaydaları
olmadan yarışlarda idmançıların etdikləri hərəkətləri qiymətləndirmək olmaz. Nizam-intizamsız hər
bir idman yarışı olmadığı kimi, qaydaya uyğun gəlmə hərəkəti idman qaydalarından ayrılıqda da
əxlaq mümkün deyildir. İdmançının əxlaqlı davranışları sayəsində idmançı adını yüksək tutmaq
mümkündür.
Cəmiyyətin əxlaq dəyərini meydana gətirən qaydalar o cəmiyyətdə yaşayan insanların dəyər
verdikləri kəslərin davranışları ilə ölçülür. İdman tarixində insanlara nümunə olmuş şəxslərin
həyatlarında idman tədbirlərinin böyük əhəmiyyəti olduğunu görürük. Tarixin ilk dövrlərindən
başlayaraq varlığını yalnız fiziki və əqli gücdən qüvvətli ola bilən insan qoruya bilərdi. Qaydaları
o, qoyar, nizam-intizamı o təyin edərdi. Bu da şübhəsiz idman tədbirlərinin təmin etdiyi güc və
hərəkət ilə olurdu.Yaxşı at çapa bilən, səlis ox atıb, qüvvətli qolu ilə qılınc çalan, əyləncə və
mərasimlərdə öz bacarıqlarını göstərənlər o cəmiyyətin eyni zamanda xarakterini də ifadə edirdilər.
Orta əsrlərdə cəngavərlərin yetişdirilməsində yeddi cəngavər bacarığının altısını idman
tədbirləri, yeddincisi isə ədəb-ərkan qaydaları təşkil edirdi. Bu isə idmanın cəmiyyətin həyatında
özünə hörmət qazanmasında və cəmiyyət qaydalarının nizamlanmasında öz təsirini göstərirdi.
Orta əsrlər dövründə cəngavərliyə yönəldilən uşaqlar idmanla 3-6 yaşları arasında məşğul
olmağa başlayırdılar. Bu yaş dövründə belə hesab edilirdi ki, uşaq səhf ilə doğrunu ayırd etməyə
cəhd göstərir, əxlaqi tərbiyəsi də eyni vaxtda inkişaf edir.
Əxlaqi inkişaf haqqında ədəbiyyat, uşağın idman fəaliyyətinə başlama və davam etdirmə
yaşının da əxlaq inkişafının ən əhəmiyyətli mərhələlərindən olduğunu göstərir. Bu dövrlər ərzində
təşəbbüsü əllərində saxlaya bilənlər, uşağın əxlaqi cəhətdən təkmilləşməsində bir söz sahibi
olacaqlar. İdmana başlamağın əhəmiyyətli dövrləri hesab olunan 4-8 yaş həyatı özünəməxsus
qaydada qəbul etmə dövrü (Egosantizm) sayıldığına görə şəxsiyyətin formalaşması da bu dövrdən
başlanması da məlum olur.
Əxlaq insan davranışları və bu davranışlar nəticəsində ortaya çıxan əlaqələr üzərində
dayanır.Burada əsas məqsəd müəyyən qaydalar çərçivəsində insanların cəmiyyət tərəfindən
bəyənilən davranışlarını meydana gətirmələrini təmin etməkdir.İdmana da ictimai normalar,
qaydalar və yollar sistemi olaraq baxmaq lazımdır.
269
İdmanla məşğul olmaq istənildikdə hərəkətlər nizamlanmış və qaydalı şəkildə olması vacib
məsələ kimi qarşıya çıxır.İdman hərəkətləri birbaşa əxlaqla əlaqədardır.Çünki, idmanda, xüsusilə
komanda oyunlarında insanlar bir-biri ilə münasibətdə olur, əlaqə saxlayırlar.İdman kimi əxlaq da
ən yaxşı həyat tərzini möhkəmləndirməyə çalışır. Əxlaq insanda reallaşması arzu olunan yüksək
əqli xüsusiyyət və qabiliyyətlərin ümumi ifadəsidir.
Əxlaq cismani və əqli bərabərliyin marağındadır. İdmanın bu məqsədi insanları həm
cismani, həm də əqli tarazlı bir şəxsiyyətin meydana cəlməsini təmin etməkdir. Xüsusi
ilə komanda
yarışlarındakı oyun qaydaları, eynilə əxlaq qaydalarında olduğu kimi müsabiqə əsasında
oyunçuların hərəkətlərini və bir-birilə olan əlaqələrini təşkil etmək məqsədi ilə yaradılmışdır.
Əxlaqi prinsipləprə uyğun davranışlar isə qiymətləndirilə bilər. Bu qaydalara əsasən davranan
idmançıların mükafatlandırıldığı hallarda onlara bənzəməyə çalışan bir çox idmançı olacaqdır. Belə
idmançıların adlarını küçələrə, idman təşkilatlarına verilməsi idmana yeni başlayanlara nümunə
olacaqdır. İdmanla məşğul olan insan yalnız öz hissələrini idarə edə bilir və eyni zamanda, digər
şəxslərin azadlıqlarına hörmət edən və qaydalara riayət edən şəxsə çevrilir.
Oyun uşağın fiziki, əqli və sosial inkişafı üçün son dərəcə əhəmiyyətli bir fəaliyyətdir.
İdman elmləri mövzusunda yazan bəzi tanınmış pedaqoqlar bir insanın fiziki və fərdi
xüsusiyyətlərini təyin edən ən əhəmiyyətli amilin «məqsəd» olduğunu qəbul edirlər. Onlar
göstərirlər ki, əsl iş rəqabət və sistemli şəkildə aparılan bir yarış mühitində bu qabiliyyəti ortaya
çıxarmaq, inkişaf etdirmək insanı cəmiyyətə fayda verə biləcək şəxs halına gətirmək iqtidarındadır.
«İstedad» insanın dünyaya gəldiyi andan etibarən onun müvəffəqiyyət qazanması üçün lazım olan
psixoloji, morfoloji, fizioloji və antrometrik bir keyfiyyət şəklində təsvir edilir. Hər insan
doğulduğu andan etibarən məqsədli olması sayəsində müəyyən bir qabiliyyətə malikdir. Bu
qabiliyyətin ortaya çıxarılması
vəzifəsi əvvəlsə ailəyə, daha sonra müəllimlərə həvalə edilir.
Uşağın hansı sahədə qabiliyyəti olduğunu ortaya çıxarılması nə qədər erkən olarsa,
qabiliyyətin inkişaf etdirilməsi o qədər də tez olar. Fərdlər arasındakı əxlaqi inkişaf səviyyəsi fərdi
təhsil yolu ilə təşkil edilə bilər. Cəmiyyət daxilində etibarlı əxlaqi qayda və davranışlar baxımından
təhsil almaları fərdlərin daha üstün səviyyəli əxlaqi dəyərlərə malik ola bilmələrini təmin edəcək.
Fərdin içində yetişdirdiyi və yaşadığı cəmiyyətin ədalət anlayışı ilə əxlaq inkişafı arasında əlaqə
var. Ədalətli bir mühitdə yetişən fərd öz dəyərlər sistemini tənqid edərək yenidən qiymətləndirə
bilər. İdmançılar və ölkələr arasındakı rəqabətin miqyasının hər keçən gün bir az daha artdığı indiki
vaxtda qabiliyyətlərinin mümkün qədər tez və düzgün olaraq tanınması idmanda müvəffəqiyyət
üçün həyati əhəmiyyət kəsb edir.
İdman insanın fiziki, əqli və ictimai baxımdan inkişaf etdirən, başqa sözlə desək, insanın
xarakterini yetişdirən, şəxsiyyəti yetkinləşdirən və eyni zamanda, onun atmosferi içərisində zövqlü
yaşaya bilmək üçün qəbul edilmiş hüquq qaydalarına və həm yazılmış və həm də yazılmamış əxlaq
qaydalarına riayət edilməsi lazımdır. Bu qaydalarına pozulması qarşısında cəza ala bilərik, ya da
cəmiyyətdən qovula bilərik. Bir idman oyununda özünə yer almaq istəyən adam da oyun qaydaları
ilə uyğunlaşmalıdır. Bu qaydaları
oyun müddəti, oyun sahəsi, oyunçu sayı kimi artıq
qanuni şəkildə
qəbul edilmiş qaydalar və vəsaitin istifadəsindən etina etməmək, yoldaşına xor baxmamaq, kimsəni
oyundan məhrum etməmək, kimi yazılmamış, amma hər idmançının uyğunlaşmalı olduğu
qaydalardır. Qaydaları olmayan bir oyun və ya idman yarışı mümkün deyil.
Ən sadəsindən başlamış ən mürəkkəbinə qədər hər oyunun özünə görə qaydaları var. Oyun
qaydaları hərəkət nümunələri insanlararası əlaqələrin nəticəsidir və insan hərəkətini nizamlayır,
yönləndirir.
Yarışlar əsnasında idmançıların necə davranmaları fərqli şəkillərdə ifadə edilə bilər.
Qaydalar oyunçuların istəyindən və tələbatından doğur. Oyun qaydaları ilə oyunla qələbə
qazanmaq bərabərliyi təmin edilmiş olur. Bu məktəbdəki idmaq müsabiqələri üçün də etibarlıdır.
Oyunçularda ədalətli davranma xüsusiyyətini yüksəldir.
Məktəbdaxili yarışlarda hər şagird öz düşüncəsinə görə fərqli məqsədlər üçün oynayır.
Məsələn, müsabiqə şəklindəki imtahanda bəzi şagirdlər yaxşı qiymət almağa,daim qol vurmağa can
atırlar. Bəziləri isə məktəbdə qazanacaqları müsbət nəticələri düşünürlər. Digər fənlərdən dərs deyən