123
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
arasında əməkdaşlığın daha da gücləndirilməsi, qarşıda duran problemlərin həlli
baxımından böyük əhəmiyyət daşıyır. Bu siyasətin həyata keçirilməsi istiqamətində
Avropa Birliyi qarşısında mühüm vəzifələr durduğunu bildirən cənab Prodi yeni
qonşuluq siyasətinə yanaşmada təmsil etdiyi təşkilatın ədalətli mövqe tutduğunu
vurğuladı.
Qonaq Ermənistan-Azərbaycan, Dağlıq Qarabağ münaqişəsinin tezliklə sülh
yolu ilə həll edilməsinin yeni qonşuluq siyasətinin uğurla həyata keçirilməsi üçün
vacib olduğunu söylədi.
Cənab Romano Prodi dedi ki, 500 milyon əhalinin yaşadığı geniş bir ərazini
əhatə edən Avropa Birliyi bölgədə mühüm rol oynayan Azərbaycan ilə əməkdaşlığın
genişləndirilməsinə böyük əhəmiyyət verir. O, əmin olduğunu söylədi ki, bu əlaqələr
bundan sonra da durmadan inkişaf edəcəkdir.
Qəbulda Prezidentin Icra Aparatının xarici əlaqələr şöbəsinin müdiri Novruz
Məmmədov və Azərbaycanın Avropa Birliyi yanında nümayəndəliyinin başçısı
Arif Məmmədov iştirak edirdilər.
124
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Azərbaycan Respublikasının Prezidenti İlham Əliyev
Avropa Komissiyasının nəqliyyat və energetika üzrə
Baş direktoru Fransua Lamurunun rəhbərlik etdiyi
nümayəndə heyətini qəbul etmişdir
13 noyabr 2004-cü il
Azərbaycan Respublikasının Prezidenti Ilham Əliyev noyabrın 13-də Prezident
sarayında Avropa Komissiyasının nəqliyyat və energetika üzrə baş direktoru Fran-
sua Lamurunun başçılıq etdiyi nümayəndə heyətini qəbul etmişdir.
Qonaqları səmimiyyətlə salamlayan dövlətimizin başçısı Avropa Komissiyası-
nın nümayəndə heyəti ilə görüşdən məmnunluq duyduğunu bildirdi.
Prezident Ilham Əliyev Avropa Komissiyasının təşəbbüsü ilə Azərbaycanda 11
dövlətin energetika nazirinin və 14 dövlətin nəqliyyat nazirinin iştirakı ilə iki konf-
ransın keçirilməsinin çox böyük əhəmiyyət daşıdığını vurğuladı. Dövlətimizin baş-
çısı qeyd etdi ki, bu tədbirlərdə müzakirə olunan məsələlər həm Azərbaycan, həm
də region üçün xüsusi əhəmiyyət daşıyır.
Energetika və nəqliyyat sahələrinin Azərbaycanın gələcək iqtisadi inkişafı üçün
əsas istiqamətlərdən biri olduğunu nəzərə çarpdıran Prezident Ilham Əliyev dedi
ki, bu sahələrdə ölkəmiz son illər böyük uğurlar əldə etmişdir. Dövlətimizin başçısı
bildirdi ki, Azərbaycanda həyata keçirilən, böyük həcmdə xarici sərmayələrin cəlb
edildiyi qlobal enerji layihələrinin, o cümlədən ixrac boru kəmərləri layihələrinin
gerçəkləşməsi regional əməkdaşlıq baxımından yaxşı nümunə olmaqla bərabər,
eyni zamanda, müxtəlif ölkələrin səyləri birləşdirilərkən regional əməkdaşlığın
uğurlu nəticələr verdiyini göstərir.
Azərbaycanın bu sahədə əldə olunmuş uğurlarla fəxr etdiyini vurğulayan Prezi-
dent Ilham Əliyev dedi ki, ölkəmizdə bu cür mühüm tədbirlərin həyata keçirilməsi
həm gündəlikdə duran vacib iqtisadi məsələlərin geniş müzakirə edilməsi üçün im-
kan yaradır, həm də Azərbaycanda enerji və nəqliyyat infrastrukturunun daha da
möhkəmləndirilməsi işinə xidmət edir.
Son illər Azərbaycanda nəqliyyat sahəsində, o cümlədən aviasiya, gəmiçilik,
dəmir yolu və digər sahələrdə böyük inkişafa nail olunduğunu nəzərə çarpdıran
dövlətimizin başçısı bildirdi ki, ölkəmiz üçün müasir tipli sərnişin təyyarələrinin,
neft tankerlərinin alınması, Ipək Yolu üzərindəki avtomobil magistralının yenidən
qurulması və sair işlər Azərbaycanda dünya standartlarına uyğun nəqliyyat infrast-
rukturunun olması üçün yaxşı əsaslar yaradır.
Azərbaycan ərazisindən tranzit daşımalar üçün mühüm dəhliz kimi fəal surətdə
istifadə olunduğunu vurğulayan Prezident Ilham Əliyev bu baxımdan ölkəmizin
Şərq-Qərb nəqliyyat dəhlizində əhəmiyyətinin gündən-günə artdığını nəzərə çarp-
125
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
dırdı. Avropa Birliyi ilə əlaqələrimizin sürətlə inkişaf etməsindən məmnunluqla
söhbət açan dövlətimizin başçısı ölkəmizin bu təşkilatın yeni qonşuluq siyasətinin
fəal iştirakçılarından birinə çevrildiyini bildirdi. Prezident Ilham Əliyev əmin oldu-
ğunu bildirdi ki, ölkəmizin bu siyasətdə fəal iştirakı Azərbaycanın Avropa Birliyi
ilə əməkdaşlığı çərçivəsində yaxın zamanda yeni konkret layihələrin və proqramla-
rın gerçəkləşməsi işinə xidmət edəcəkdir.
Dövlətimizin başçısı bildirdi ki, Avropa Birliyinin Azərbaycana, xüsusilə də
Ermənistan-Azərbaycan, Dağlıq Qarabağ münaqişəsinin həlli və torpaqlarımızın
işğaldan azad edilməsi məsələsinə diqqətinin artması çox müsbət haldır. Təşkilatın
Cənubi Qafqaz üzrə xüsusi nümayəndəsinin təyin edilməsi bunu bir daha sübut edir.
Prezident Ilham Əliyev dedi ki, Avropa strukturlarına, ümumiyyətlə, Avropa
ailəsinə inteqrasiya Azərbaycanın xarici siyasətinin ən prioritet istiqamətlərindən
biridir. Bizim ümumi inkişaf strategiyamız daim bu prinsiplərə əsaslanır. Çox
məmnunam ki, ölkəmiz Avropa Komissiyasının təşəbbüsü ilə mühüm tədbirlərin
keçirildiyi yer kimi seçilmişdir. Əminəm ki, bu tədbir uğurla başa çatacaq,
Azərbaycanın Avropa Komissiyası ilə əməkdaşlığı bundan sonra da inkişaf
edəcəkdir.
Səmimi qəbula və xoş sözlərə görə dövlətimizin başçısına minnətdarlığını
bildirən Fransua Lamuru əvvəllər müxtəlif vəzifələrdə çalışarkən Prezident Heydər
Əliyevlə keçirdiyi çox səmərəli görüşləri böyük məmnunluqla xatırladığını söylədi.
Prezident Ilham Əliyevin Belçikaya səfəri zamanı Brüsseldə olmadığı üçün
dövlətimizin başçısı ilə görüşə bilməməsindən təəssüfləndiyini bildirən qonaq dedi
ki, Avropa Komissiyasının təşəbbüsü ilə Bakıda keçirilən tədbirlər öz mahiyyəti ba-
xımından çox əhəmiyyətli hadisələrdir və bu cür tədbirlərin keçirilməsi Avropa Bir-
liyinin Qafqazda və daha geniş məkanda regional əməkdaşlığı möhkəmləndirməsi
işinə xidmət edir.
Azərbaycan ilə nəqliyyat və energetika sahəsində TRASEKA və INOQEYT
kimi mühüm proqramların həyata keçirildiyini nəzərə çarpdıran cənab Fransua La-
muru dedi ki, Avropa Birliyi regionun enerji daşıyıcılarının təhlükəsiz ixracında
birbaşa maraqlıdır.
Enerji daşıyıcılarının Avropaya ixracının çoxşaxəliliyinin təmin edilməsi baxı-
mından Avropa Birliyinin Azərbaycan ilə əməkdaşlığa xüsusi maraq göstərdiyini
vurğulayan qonaq bildirdi ki, Avropa Birliyinin məqsədi regionla uzunmüddətli
əməkdaşlığın həyata keçirilməsindən ibarətdir. Bu işdə isə əsas təminatın region-
da sabitliyin təmin edilməsindən ibarət olduğunu nəzərə çarpdıran cənab Fransua
Lamuru Ermənistan-Azərbaycan münaqişəsinin yaxın zamanlarda həll olunacağına
böyük ümidlər bəslədiklərini söylədi.
Görüşdə Baş nazirin müavini Abid Şərifov iştirak edirdi.