133
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti İlham Əliyevin
və Avropa Komissiyasının Sədri Joze Manuel Barrozunun
birgə brifinqi
7 noyabr 2006-cı il
Azərbaycan Respublikasının Prezidenti Ilham Əliyev və Avropa Komissiyasının
sədri Joze Manuel Barrozu noyabrın 7-də Brüsseldə Azərbaycan Respublikası və
Avropa Ittifaqı arasında enerji məsələləri üzrə strateji tərəfdaşlığa dair anlaşma me-
morandumu imzalamışlar.
Sənədin imzalanmasından sonra mətbuat nümayəndələri üçün keçirilən brifinqdə
Avropa Komissiyasının sədri Joze Manuel Barrozu və Azərbaycan Prezidenti Ilham
Əliyev bəyanatlarla çıxış etdilər.
Avropa Komissiyasinin Sədri Joze Manuel Barrozunun bəyanatı
Xanımlar və cənablar, xoş gördük!
Prezident Ilham Əliyevi Brüsseldə salamlamaqdan böyük məmnunluq hissi du-
yuram. Biz indicə Prezident Ilham Əliyevlə birlikdə Azərbaycan və Avropa Ittifaqı
arasında enerji tərəfdaşlığına dair anlaşma memorandumunu imzaladıq. Bu me-
morandum Komissiyanın davamlı enerji təhlükəsizliyinin təminatı strategiyasının
bir nəticəsidir. Bu strategiyada enerji sektorunda əsas neft ixrac edən və tranzit
ölkələr arasında əlaqələrin genişləndirilməsinə xüsusi diqqət verilir. Bu anlaşma
memorandumunun icrası Azərbaycanın Avropa Ittifaqının enerji bazarlarına daha
tez inteqrasiyasına kömək edəcəkdir. Xəzər hövzəsindən enerji daşıyıcılarının nəqli
nəticəsində Avropa Ittifaqının enerji təhlükəsizliyi daha da güclənəcəkdir. Eləcə də
bu, Azərbaycanda enerjiyə olan tələbatın daha səmərəli şəkildə idarəedilməsi siste-
minin yaradılmasına və təcrübə mübadiləsinə imkan verəcəkdir.
Mən bir fikri xüsusi vurğulamaq istəyirəm ki, Avropa Ittifaqının enerji
təhlükəsizliyinin təmin edilməsində Xəzər hövzəsindən nəql olunacaq enerji da-
şıyıcıları böyük rol oynayacaqdır. Biz buna görə Azərbaycana minnətdarıq. Yəni
Azərbaycan enerji sahəsində Avropa Ittifaqı ilə daha yaxından əməkdaşlıq edəcəkdir.
Eləcə də məmnunluq hissi ilə qeyd edirik ki, Azərbaycan Avropa Ittifaqının qon-
şuluq siyasətinə daxil olub və bu, ölkədə sabitliyə və rifaha öz töhfəsini verəcəkdir.
Təbii ki, enerji və iqtisadi sahədə əməkdaşlıq çox vacib məsələlərdir.
Lakin Azərbaycan ilə Avropa Ittifaqı arasındakı əməkdaşlıq təkcə bunun-
la məhdudlaşmır. Avropanın yeni qonşuluq siyasəti daha genişdir. Biz demokra-
tiya, idarəçilik, azadlıq və insan hüquqlarının qorunması kimi ümumi dəyərlərə
əsaslanaraq irəli getmək niyyətindəyik. Mən bu məsələlərlə, o cümlədən
134
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Azərbaycan mətbuatında söz azadlığı ilə bağlı bəzi məlumatları Azərbaycan Pre-
zidenti ilə hərtərəfli müzakirə etdim. Əminəm ki, cənab Prezident bu barədə sizə
əlavə məlumat verəcəkdir.
Biz Azərbaycanla güclü və hərtərəfli münasibətlərin yaradılmasında maraqlıyıq.
Təbii ki, islahatlar sahəsində Azərbaycana yardım etməyə hazırıq və bu barədə də
fikir mübadiləsi apardıq. Mən çox məmnunluq hissi ilə vurğulamaq istəyirəm ki,
Azərbaycan Prezidentinin fikrincə, islahatlar yalnız iqtisadi yox, siyasi sahədə də
aparılmalıdır.
Biz Azərbaycana neft və qaz hasilatından gələn gəlirlərin şəffaf şəkildə idarə
olunması və iqtisadiyyatın davamlı şəkildə inkişaf etdirilməsi sahəsində də yar-
dım göstərməyə hazırıq. Azərbaycan çətin dövrlərini yaşayarkən Avropa Birliyi ona
400 milyon avrodan artıq məbləğdə yardım göstərmişdir. Amma indi Azərbaycan
dünyanın ən sürətlə inkişaf edən ölkələrindən biridir. Mən böyük məmnunluq hissi
ilə demək istəyirəm ki, bu gün Azərbaycan və Azərbaycan Prezidenti Avropa Itti-
faqı ilə qarşılıqlı maraqlara və ümumi dəyərlərə əsaslanan münasibətlərin inkişaf
etməsini istəyir.
Cənab Prezident, Brüsselə gəldiyinizə görə, təşəkkür edirəm.
Azərbaycan Respublikasının Prezidenti İlham Əliyevin bəyanatı
Çox sağ olun, cənab sədr!
Xanımlar və cənablar!
Mən bu gün Brüsseldə olmağımdan və cənab sədr Barrozu ilə ikitərəfli
münasibətlərimizlə və regional inkişafla bağlı məsələləri müzakirə etməkdən çox
şadam.
Əlaqələrimizin uzun tarixi var. Azərbaycan öz müstəqilliyini əldə etdiyi vaxt-
dan etibarən biz hər zaman Avropa Ittifaqının dəstəyini hiss etmişik. Xüsusilə
də, Azərbaycanın tarixində ən çətin anlarda biz Avropa Ittifaqından həm güclü
maliyyə dəstəyi, həm də siyasi dəstək almışıq. Azərbaycanın 15 illik müstəqilliyi
dövründə ölkəmizin Avropa Ittifaqı ilə münasibətləri uğurla inkişaf edir. Bu gün biz
münasibətlərimizin yeni bir mərhələsinə qədəm qoyuruq. Avropa Ittifaqının Cənubi
Qafqazda yeni qonşuluq siyasəti və enerji məsələləri üzrə strateji tərəfdaşlığı
çərçivəsində uzunmüddətli tərəfdaşlığa başlayırıq. Hər iki məsələ, əlbəttə ki,
Azərbaycan üçün böyük əhəmiyyət kəsb edir və əminəm ki, qarşıdan gələn illər
ərzində bu əməkdaşlıqda daha böyük inkişafa nail olacağıq.
Azərbaycanda siyasi və iqtisadi islahatlar paralel şəkildə aparılır və biz de-
mokratik cəmiyyət qururuq. Qanunun aliliyi və insan hüquqlarının qorunma-
sı prinsipləri əsas tutulur. Yəni bu iki məsələni biri-birindən ayırmaq olmaz. Bir
sözlə, bu məsələlərin Azərbaycan və ümumiyyətlə regional əməkdaşlıq üçün bö-
135
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
yük əhəmiyyəti var. Xüsusən də, ölkədəki böyük neft və qaz ehtiyatlarını və parlaq
gələcəyimizi nəzərə alaraq, bu məsələlərin ölkə üçün nə qədər vacib olduğunu anla-
ya bilərik. Indi biz bu məsələyə müxtəlif formada baxırıq. Ona görə Avropa Ittifaqı
ilə əməkdaşlıq bizim üçün nəinki iqtisadi göstəricilərimizi təkmilləşdirmək, eyni
zamanda, gələcək illər ərzində ölkəmizdəki meyarları Avropa Ittifaqının meyarları-
na daha da yaxınlaşdırmaq imkanı yaradır.
Biz ümumi dəyərləri bölüşürük. Azərbaycanda getdiyimiz yol, qarşımızda duran
vəzifələr aydın şəkildə anlaşılır və bu cür məsələlər bizim üçün prioritet xarakter
daşıyır. Görüşlərimiz zamanı həmin vacib məsələləri müzakirə etdik və əminəm ki,
gələcək illər ərzində Avropa Ittifaqı ilə Azərbaycan arasındakı əməkdaşlıq davam
etdiriləcək və genişlənəcəkdir. Biz bu əməkdaşlığa qarşılıqlı maraq doğuran və fay-
da verən yeni elementlər gətirəcəyik.
Azərbaycan olduqca mühüm neft və qaz hasilatçısına çevrilir. Azərbaycanda
neft və qaz gəlirlərinin idarə edilməsinin olduqca müasir sistemi var. Azərbaycan
hasilat sənayesində gəlirlərin şəffaf şəkildə idarə edilməsi təşəbbüsünə qoşulmuş-
dur və bu, digər ölkələr üçün nümunə ola bilər. Bu, beynəlxalq maliyyə təsisatları
tərəfindən də bildirilmişdir.
Bir sözlə, ölkəmizin iqtisadi göstəriciləri və siyasi inkişafı bu imkanları yarada-
caq və Avropa Ittifaqı ilə əməkdaşlıq bu çərçivədə aparılır. Siyasi əməkdaşlıq, siya-
si və iqtisadi islahatlar, enerji təhlükəsizliyi məsələləri - bunlar hamısı bu baxımdan
bizim tərəfimizdən nəzərdən keçirilir. Avropa Ittifaqı ilə bütün bu məsələlərdə və
ümumiyyətlə əməkdaşlığımız bu istiqamətdə gedir.
Mən xoş qəbula görə minnətdaram və apardığımız müzakirələrdən çox
məmnunam və demək istəyirəm ki, gələcək əməkdaşlığımıza böyük maraqla baxı-
rıq. Çox sağ olun.
Sonra mətbuat nümayəndələrinin suallarına cavab verildi.
Dmitri Şkurko (Ukrinform): Mənim sualım Prezident Ilham Əliyevədir. Av-
ropa Ittifaqı ilə enerji dialoqu çərçivəsində Azərbaycan Odessa-Brodı-Qdansk
kəmərinin istifadəsində nə dərəcədə maraqlıdır və Azərbaycan neftinin bu boru
kəməri ilə nəqli nə vaxt gözlənilir?
İlham Əliyev: Bu məsələ Ukrayna Prezidenti ilə görüşlərimiz zamanı bir neçə
dəfə müzakirə olunub və biz bununla bağlı Azərbaycan-Ukrayna birgə işçi qru-
pu yaratmışıq. Hazırda həmin boru kəmərinin kommersiya tərəfinin, digər iqtisa-
di amillərin və istismarın müəyyən edilməsi mexanizmləri qiymətləndirilir. Biz
görüşlərimiz zamanı Azərbaycanın yalnız boru kəmərinin neftlə doldurulmasın-
da yox, eyni zamanda, neftin nəql olunduğu ölkələrdə neft məhsullarının emalı
və paylanmasında da iştirakını müzakirə etdik. Mən bilirəm ki, Avropa Ittifaqı bu
layihəyə maraq göstərir və bunu da müzakirə etdik. Bu, məsələnin həlli üçün yaxşı
bir çərçivədir. Gələcəkdə regionumuzda neft hasilatının həcmi çox böyük olacaq və
Dostları ilə paylaş: |