129
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti İlham Əliyev
Avropa Birliyinin Cənubi Qafqaz üzrə xüsusi
nümayəndəsi Heyki Talvitiyenin rəhbərlik etdiyi
nümayəndə heyətini qəbul etmişdir
14 sentyabr 2005-ci il
Azərbaycan Respublikasının Prezidenti Ilham Əliyev sentyabrın 14-də Prezi-
dent sarayında Avropa Birliyinin Cənubi Qafqaz üzrə xüsusi nümayəndəsi Heyki
Talvitiyenin rəhbərlik etdiyi nümayəndə heyətini qəbul etmişdir.
Görüş zamanı Ermənistan-Azərbaycan, Dağlıq Qarabağ münaqişəsinin həlli,
Azərbaycanda qarşıdan gələn parlament seçkiləri, Azərbaycan-Avropa Birliyi
əməkdaşlığı və qarşılıqlı maraq doğuran bir sıra digər məsələlər müzakirə olun-
muşdur.
130
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Azərbaycan Respublikasının Prezidenti İlham Əliyev
Avropa Birliyi “Üçlüyü”nün (Troyka) nümayəndə
heyətini qəbul etmişdir
3 oktyabr 2006-cı il
Azərbaycan Respublikasının Prezidenti Ilham Əliyev oktyabrın 3-də Prezident
sarayında Avropa Birliyi “Üçlüyü”nün (Troyka) nümayəndə heyətini qəbul etmişdir.
Prezident Ilham Əliyev qonaqları salamlayaraq dedi ki, sizin ölkəmizə səfəriniz
çox əhəmiyyətlidir və Avropa Birliyi ilə Azərbaycan arasında əməkdaşlığın in-
kişafında yeni mərhələnin başlanğıcı deməkdir. Azərbaycanın Avropa Birliyi ilə
əlaqələrinin səviyyəsinin yüksək olduğunu vurğulayan Prezident Ilham Əliyev dedi
ki, biz müxtəlif sahələrdə əməkdaşlığımızı genişləndirmək niyyətindəyik. Qonşu-
luq siyasəti bütün regiona sülh və inkişaf gətirəcəkdir. Ümid edirəm ki, aparılan
müzakirələr Avropa Birliyi ilə Cənubi Qafqaz münasibətlərinin inkişafında faydalı
olacaqdır.
Prezident Ilham Əliyevin fikirləri ilə şərik olduqlarını söyləyən Finlandiyanın
xarici işlər naziri Erkki Tuomioya Azərbaycanda qonşuluq siyasətinin fəaliyyəti
barədə müzakirələr apardıqlarını bildirdi. Bakıya səfərin çox səmərəli olduğu-
nu vurğulayan qonaq ümidvar olduğunu bildirdi ki, qonşuluq siyasəti regionda
münaqişələrin həllinə töhfələr verə biləcəkdir. O dedi ki, biz münasibətlərimizin
təkcə iqtisadi baxımdan deyil, həm də davamlı siyasi dialoq və əməkdaşlıq
çərçivəsində dərinləşəcəyinə ümid edirik.
131
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti İlham Əliyevin
Avropa Birliyi Şurasının Baş katibi, Xarici Siyasət və
Təhlükəsizlik Siyasəti üzrə Ali Nümayəndəsi
Xavyer Solana ilə görüşü
7 noyabr 2006-cı il
Azərbaycan Respublikasının Prezidenti Ilham Əliyev noyabrın 7-də Brüsseldə
Avropa Birliyinin iqamətgahına gəlmişdir.
Binada Azərbaycan Respublikasının dövlət bayrağı asılmışdı.
Prezident Ilham Əliyevi binanın önündə Avropa Birliyi Şurasının Baş katibi,
xarici siyasət və təhlükəsizlik siyasəti üzrə ali nümayəndəsi Xavyer Solana böyük
hörmət və ehtiramla qarşıladı.
Sonra Azərbaycan Prezidenti Ilham Əliyevin Avropa Birliyi Şurasının Baş katibi
Xavyer Solana ilə təkbətək görüşü oldu.
Prezident Ilham Əliyev Azərbaycanda gedən siyasi-iqtisadi inkişaf proseslərin-
dən və müxtəlif sahələrdə qazanılan uğurlardan danışdı.
Avropa Birliyinin Azərbaycanla əlaqələrə böyük əhəmiyyət verdiyini bildirən
Xavyer Solana bunun müxtəlif sahələrdə, o cümlədən enerji sahəsində əməkdaşlığın
inkişafına təkan verəcəyini vurğuladı. O, yeni qonşuluq siyasətindən danışaraq,
bunu Azərbaycan-Avropa Birliyi əməkdaşlığının yeni mərhələsi adlandırdı. Xavyer
Solana Ermənistan-Azərbaycan, Dağlıq Qarabağ münaqişəsinin həlli və regional
məsələlərlə də maraqlandı.
Prezident Ilham Əliyev ölkəmizin Avropa Birliyi ilə münasibətlərə çox bö-
yük önəm verdiyini vurğuladı, “Yeni qonşuluq siyasətinə dair fəaliyyət planı”nın
əhəmiyyətindən danışdı və əməkdaşlığın bundan sonra da genişlənəcəyinə
əminliyini söylədi. Prezident Ilham Əliyev Ermənistan-Azərbaycan, Dağlıq Qa-
rabağ münaqişəsinin həlli ilə bağlı danışıqlar prosesinin hazırki vəziyyəti barədə
ətraflı bəhs edərək dedi ki, bu məsələ yalnız və yalnız Azərbaycanın ərazi bütövlü-
yü prinsipinə əməl olunmaqla həll edilə bilər.
Xavyer Solana Azərbaycanı regionda çox əhəmiyyətli rol oynayan dövlət kimi
səciyyələndirdi və ümumiyyətlə, Avropa Birliyinin regionla əlaqələrində ölkəmizlə
əməkdaşlığın çox mühüm yeri olduğunu vurğuladı.
132
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Azərbaycan Respublikasının Prezidenti İlham Əliyevin
Avropa Komissiyasının sədri Joze Manuel Barrozu ilə görüşü
7 noyabr 2006-cı il
Azərbaycan Respublikasının Prezidenti Ilham Əliyev noyabrın 7-də Brüsseldə
Avropa Komissiyasının sədri Joze Manuel Barrozu ilə görüşmüşdür.
Cənab Barrozu Azərbaycan ilə əməkdaşlığın səviyyəsinin yaxşı olduğunu
bildirərək dedi ki, əlaqələrin daha da genişləndirilməsi üçün potensial böyükdür. O,
Azərbaycan Respublikası ilə Avropa Birliyi arasında imzalanacaq enerji məsələləri
üzrə strateji tərəfdaşlığa dair anlaşma memorandumunun əhəmiyyətini vurğu-
ladı, Azərbaycanın Avropaya inteqrasiyasının Avropa Birliyi üçün də vacibliyini
bildirdi. Cənab Barrozu dedi ki, biz Azərbaycanın Avropa Birliyi ilə əlaqələrini
yüksək qiymətləndiririk, qonşuluq siyasəti çərçivəsində işbirliyindən məmnunuq,
əlaqələrimizdə iqtisadi, o cümlədən enerji sahəsində əməkdaşlıq mühüm yer tutur.
Bununla yanaşı, demokratik dəyərlər baxımından da əməkdaşlığımız faydalıdır. Elə
etməliyik ki, həm Azərbaycan əhalisi, həm də Avropa Birliyi ölkələrinin əhalisi
bunun əməli nəticələrini görsün.
Avropa Birliyi ilə əməkdaşlığı yüksək qiymətləndirən Azərbaycan Prezidenti
Ilham Əliyev ölkəmizdə gedən iqtisadi inkişaf proseslərindən, yoxsulluğun azaldıl-
ması, yeni iş yerlərinin açılması və demokratik islahatlar barədə ətraflı söhbət açdı
və bildirdi ki, bütün sahələrdə Avropa dəyərlərinə qovuşmağın bizim üçün böyük
əhəmiyyəti var. Prezident Ilham Əliyev Azərbaycanın Avropa Birliyinə töhfəsindən
də danışaraq, ölkəmizin əlverişli coğrafi mövqeyi, zəngin təbii sərvətləri və geniş
nəqliyyat infrastrukturu olduğunu vurğuladı və dedi ki, bu baxımdan Azərbaycan
da Avropa üçün böyük əhəmiyyət daşıyır.
Söhbət zamanı Ermənistan-Azərbaycan, Dağlıq Qarabağ məsələsinə də toxu-
nuldu. Prezident Ilham Əliyev danışıqlar prosesinin hazırkı mərhələsi, eləcə də
Azərbaycanın bu məsələdə mövqeyi barədə məlumat verdi.
Avropa Komissiyasının sədri dedi ki, biz yalnız enerji sahəsində deyil, digər
sahələrdə də Azərbaycanla əməkdaşlığın genişləndirilməsində maraqlıyıq.
Görüşdə qarşılıqlı maraq doğuran bir sıra məsələlər də müzakirə olundu.
Dostları ilə paylaş: |