117
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti İlham Əliyevin
Avropa Komissiyası sədrinin müavini
Loyola De Palasio ilə görüşü
18 may 2004-cü il
Azərbaycan Prezidenti Ilham Əliyev mayın 18-də Brüsseldə Avropa Komissi-
yası sədrinin müavini, energetika, nəqliyyat və Avropa Parlamenti ilə əlaqələr üzrə
üzvü xanım Loyola De Palasio ilə görüşmüşdür.
Prezident Ilham Əliyev ilə görüşmək imkanından məmnun olduğunu bildirən
xanım Loyola De Palasio son illərdə Azərbaycanda həyata keçirilən mühüm işləri
vurğuladı, bunların Avropa Komissiyası tərəfindən yüksək qiymətləndirildiyini,
dövlətimizin başçısının demokratiyanın inkişafı və insan hüquqlarının qorunması
sahəsindəki fəaliyyətinin faydalı olacağını söylədi.
Görüşdə TRACEKA proqramının, Xəzərin enerji ehtiyatlarının işlənilməsinə
dair imzalanmış müqavilələrin həyata keçirilməsi, Bakı-Tbilisi-Ceyhan əsas ix-
rac boru kəmərinin tikintisi barədə söhbət getdi. “Şahdəniz” yatağından çıxarı-
lacaq qazın Avropaya nəqli məsələsi diqqət mərkəzində oldu. Xanım Loyola De
Palasio dedi ki, biz bu layihəyə böyük əhəmiyyət veririk və Avropa Komissiyası
Azərbaycan qazının Türkiyə və Yunanıstan vasitəsilə Avropaya çatdırılması üçün
öz köməyini əsirgəməyəcəkdir. O, bunu da bildirdi ki, Avropa Komissiyası “Av-
ropada qonşuluq siyasəti” strateji sənədini bu il mayın 12-də hazırlamış və Av-
ropa Birliyinə göndərmişdir. Iyunun sonunda həmin sənəd Avropa Parlamentində
müzakirə olunacaqdır.
Prezident Ilham Əliyev ölkəmizdə aparılan iqtisadi islahatların müsbət
nəticələrindən, əsas ixrac boru kəmərinin tikintisinin gedişindən danışdı,
Azərbaycanın TRACEKA layihəsinə böyük əhəmiyyət verdiyini vurğuladı.
Dövlətimizin başçısı bildirdi ki, Azərbaycan “Şahdəniz” yatağından hasil ediləcək
qazın tezliklə Avropa bazarlarına çatdırılmasında maraqlıdır. Azərbaycan Prezi-
denti dedi ki, ölkəmiz Avropa strukturlarına inteqrasiyanı öz siyasətinin mühüm
istiqamətlərindən biri hesab edir.
Azərbaycan Prezidenti Ilham Əliyev Avropa Komissiyası sədrinin müavini ilə
görüşdən sonra Dünya Gömrük Təşkilatının (DGT) iqamətgahı qarşısında “Dədə
Qorqud” abidəsinin təntənəli açılış mərasimində iştirak etdi.
Abidənin açılışından sonra Dünya Gömrük Təşkilatının binasında DGT ilə
Azərbaycan Respublikasının Dövlət Gömrük Təşkilatı arasında niyyət protokolu-
nun imzalanma mərasimi oldu.
Azərbaycan Prezidenti Ilham Əliyev mərasimdə iştirak edirdi.
Sənədi DGT-nin baş katibi Mişel Dane və Azərbaycan Dövlət Gömrük
118
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Komitəsinin sədri Kəmaləddin Heydərov imzaladılar.
Mayın 18-də Azərbaycan Prezidenti Ilham Əliyev onun üçün ayrılmış
iqamətgahda - “Conrad” mehmanxanasında Küveytin xarici işlər naziri şeyx
Məhəmməd əs-Sabahı qəbul etdi.
Həmin gün Azərbaycan Prezidenti Ilham Əliyev Belçika Krallığının Baş naziri
Gi Verhofstadt ilə görüşdü.
Görüş başa çatdıqdan sonra Prezident Ilham Əliyev və Baş nazir Gi Verhofstadt
Azərbaycan Respublikası ilə Belçika Krallığı arasında üç sənəd - ikiqat vergitut-
manın aradan qaldırılması və vergidən yayınmanın qarşısının alınması haqqında
konvensiya, sərmayələrin qarşılıqlı qorunması və təşviqi haqqında saziş və gömrük
məsələləri üzrə qarşılıqlı inzibati yardım göstərilməsi haqqında ikitərəfli saziş im-
zaladılar.
Azərbaycan Prezidenti Ilham Əliyev sonra Avropa Birliyinin iqamətgahında
AB Şurasının Baş katibi, AB-nin ümumi xarici və təhlükəsizlik siyasəti üzrə ali
nümayəndəsi Xavyer Solana ilə görüşdü.
Görüşdən sonra mətbuat nümayəndələri üçün brifinq keçirildi.
Mayın 18-də Avropa Birliyinin iqamətgahında “Avropa Birliyinə yeni 10 ölkənin
qoşulmasını nəzərdə tutan Avropa Birliyi ilə Azərbaycan arasında tərəfdaşlıq və
əməkdaşlıq sazişinə protokol”un imzalanma mərasimi oldu. Prezident Ilham Əliyev
mərasimdə iştirak edirdi. Sənədi AB tərəfindən Finlandiyanın AB yanında daimi
nümayəndəsi xanım Ann Anderson və Avropa Komissiyasının xarici əlaqələr üzrə
baş direktorunun müavini Maykl Li, Azərbaycan tərəfindən ölkəmizin AB yanında
daimi nümayəndəliyinin başçısı səfir Arif Məmmədov imzaladılar.
Mayın 18-də Azərbaycan Prezidenti Ilham Əliyev onun üçün ayrılmış
iqamətgahda - “Conrad” mehmanxanasında “Euronews” telekanalına müsahibə
verdi. Prezident Ilham Əliyev Brüsselə səfərinin ikinci gününün sonunda Türkiyə
Baş nazirinin müavini, xarici işlər naziri Abdullah Gülü qəbul etdi.
Azərbaycan Prezidenti Ilham Əliyevin Belçika Krallığına işgüzar səfəri davam
edir.
119
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti İlham Əliyevin
Avropa Komissiyasının genişlənmə üzrə üzvü
Günter Verhogen ilə görüşü
18 may 2004-cü il
Azərbaycan Prezidenti Ilham Əliyev mayın 18-də Brüsseldə Avropa Komissiya-
sının genişlənmə üzrə üzvü Günter Verhogen ilə görüşmüşdür.
Cənab Günter Verhogen dövlətimizin başçısını Avropa Komissiyasının
iqamətgahı önündə böyük hörmət və ehtiramla qarşıladı. Prezident Ilham Əliyev və
cənab Günter Verhogen binanın foyesində, Azərbaycan Respublikasının və Avropa
Komissiyasının bayraqları önündə xatirə şəkli çəkdirdilər.
Sonra təkbətək görüş keçirildi. Söhbət zamanı Azərbaycan-Avropa Komissiya-
sı əməkdaşlığı və onun perspektivlərinə dair müzakirələr aparıldı. Cənab Günter
Verhogen bildirdi ki, Avropa Komissiyası özünün yeni proqramı olan “Avropa qon-
şuluq siyasəti”nə Azərbaycanı da cəlb etmək niyyətindədir və bu, Azərbaycanın
iqtisadi və digər sahələrdə inkişafı üçün faydalı ola bilər.
Görüşdə Ermənistan-Azərbaycan, Dağlıq Qarabağ münaqişəsinin sülh yolu ilə
aradan qaldırılmasına dair danışıqlar prosesinin gedişi, Cənubi Qafqaz regionun-
da vəziyyət və qarşılıqlı maraq doğuran digər məsələlər ətrafında fikir mübadiləsi
edildi.
Cənab Günter Verhogen dövlətimizin başçısı ilə görüşməkdən şərəf duyduğunu
vurğuladı və Prezident Heydər Əliyevin Azərbaycanın inkişafı sahəsində göstərdiyi
xidmətləri vaxtilə yaxından izlədiyini bildirdi.