240
danışma”. O isə cavabını sualla verdi: “Bura quşlamağa
çıxmışıq ki?”
Çevrən qəfəs, çıx azad ol!
Quşbeyin yox, quşqanad ol!
Uç uzaqlaş, salamat ol!
Dayanmağa gəlməmişik.
Lağlağı söhbətlər çox asanlıqla yalan, qeybət kimi böyük
günahlara yol aça bilir. Odur ki, təqva əhlinin nəinki belə
söhbətləri dinləməsi, hətta onlara etiraz etmək niyyətilə
bu cür məclislərə qatılması belə məqbul deyildir.
İbrət
Bir gün Vuheyb ibn Ömər Sayrafi həzrətlərini qəbir daş-
ları arasında ayaqlarını uzadıb torpaqla oynayarkən gö-
rənlər soruşdular: “Ey Bəhlul, nə edirsən?” Həzrət sakitcə
buyurdu: “Mənə əziyyət etməyən, qeybətimi qılmayan
insanlarla oturub söhbət edirəm. Bunlar dirilərdən daha
təhlükəsizdirlər”.
Uç içindən ələmlərin,
Həşri vardır aləmlərin.
Arasında zalimlərin
Oyanmağa gəlməmişik.
Bütləri yıx, hər sənəm od!
Dövründən çıx, bu dönəm od!
Cənnət nurdu, Cəhənnəm od,
Biz yanmağa gəlməmişik.
Boş, faydasız, zərərli şeylərdən biri yüngül, bayağı mu-
siqiylə müşayiət olunan eyş-işrət məclisləri, əyləncələr,
tamaşalardır. Dövrümüzdə belə şeylər o qədər yayılmışdır
ki, artıq onları mənəviyyatlara yaratdığı təhlükə baxı mın-
dan birinci yerə də qoymaq olar. Müasir texniki imkanlar
241
elədir ki, istənilən şəxs evindən, kabinetindən, maşınından
çıxmadan istənilən əyləncəni seyr edə, hətta ona qatıla bilir.
“İnsanlardan elələri vardır ki, elmsizcəsinə Allah yolun
dan sapdırmaq və onu əyləncəyə çevirmək üçün boş söz
ləri satın alırlar. onlar üçün həqarətli bir əzab vardır”
(Loğman, 6). Bu ayənin nüzulu ilə bağlı rəvayət olunur ki,
Məkkə müşriklərindən Nadr ibn Haris gözəl bir müğənni
cariyə almışdı. Qureyşdən birini İslama meyillənən görüncə
evinə gətirər, cariyəsinə onu yedirib-içirməyi, xoş söhbət-
lərlə, mahnıyla, şeirlə əyləndirməyi tapşırardı. Beləcə, o kim-
səni nəşələndirib, sonda deyərdi: “Gördünmü, bu, Mu həm-
mədin dəvət etdiyi şeydən, namazdan, onun qar şısında
çarpışmaqdan daha gözəl deyilmi?”
Adəm oğlu, həddini bil!
Nədən belə tərs, inadsan?
Özünü bil, Rəbbini bil:
Yer üzündə amanatsan.
At hər zülfü-pərişanı,
Eyş-işrəti, şöhrət-şanı.
At dünyanı, kəhkəşanı,
Sən özün bir kainatsan.
Böyüklərimiz hər cür əyləncə məclislərindən nəinki uzaq
durar, hətta belə şeylərə rast gəldikdə bunu xətalarının nəti-
cəsi hesab edərdilər.
İbrət
Hammad ibn Müslim Dəbbas həzrətləri bir gün yolda
gedərkən bir evdən çalğı və mahnı oxuyan bir qadının səsini
eşitdi. Dərhal tövbə və istiğfar edərək evinə dönüb ev əhlin-
dən soruşdu: “Biz hansı günahı işlədik ki, bu gün yolda bir
günahla qarşılaşdıq?” Xanımı: “Axşam evə hədiyyə olaraq
bir tabaq gətirmişdilər. İçində bir canlının şəkli vardı” –
söy lədi.
242
Tabağı gətirdib qırdıqdan sonra buyurdu: “Bir də belə
şey qəbul etməyin”!
Dünyana sən hörmət qoysan,
Sərmayə və zəhmət qoysan,
Nəfsinə sən qiymət qoysan,
Ya qəpiksən, ya manatsan.
Nəfs yüngül, oynaq, bayağı şeylərə daha meyillidir.
Tərbiyə edilməzsə, o meyil hər yaşda qalır. İbrahim Nəvvas
həzrətlərindən soruşdular: “Əcəba, nədən insan şeir din lər-
kən vəcdə gəlir, halbuki Quran dinlərkən eyni vəcdi duy-
mur, hərəkətə gəlmir? Hikməti nədir?”
Həzrət buyurdu: “Quran insana çökən bir ağırlıq san cısı
kimidir. Ona qapılan kimsədə taqət qalırmı ki, vəcdə gəlsin,
hərəkət edə bilsin. Amma şeir elə deyildir. Nəfs ondan
xoşlanır və dinlərkən hərəkətə keçir”.
Şair odur sözü güdə,
Nə fitnə, nə fəsad ola.
Qələmini külüng edə,
Özü gərək Fərhad ola.
Şair yazmaz, həkk eləyər,
Nə şirk, nə də şəkk eləyər.
Hər haramı tərk eləyər,
Hər tövbəsi fəryad ola.
Haqq şairi para pusmaz,
Sözü udar, amma qusmaz.
Haqla söylər, haqsız susmaz,
Bəlkə ondan ustad ola.
Haqq qafiyə kəramətdir,
Qeyriləri nədamətdir.
İşin sonu Qiyamətdir,
Axırımız abad ola.
243
Mənasız, lüzumsuz şeylərə uymamaq bu şeylərə aludə
olan insanlardan da bacardıqca gen durmaq deməkdir.
Allah yolçusu yol yoldaşlarını düzgün seçməlidir. Yusif ibn
Hüseyn Razi həzrətləri buyurdu: “Allah yolunda yerimək
istəyən bir kimsə üçün ən böyük təhlükə bu yolda olma yan
kimsələrlə bərabər olmaqdır”.
İbrət
İbrahim ibn Əbu Talib Bətaihidən nəql olunur: “Bir gün
Əbu Bəkr ibn Qavvam həzrətlərini ziyarət etmək üçün yola
çıxdım. Bir karvana rast gəlib onlara yol yoldaşı oldum.
Yolboyu karvandakılar içkidən, içki məclislərindən bəhs
etdilər. Mən yolu başa vurub ibn Qavvam həzrətlərinin
hüzuruna getdim. Məni görüncə: “Xeyirdir, ya İbrahim,
bu halın nədir?” – dedi. Mən də: “Halım necədir ki?” – deyə
sordum. O: “Əlində içki və alətləri var”, – dedi. Mən: “Yol
gə lərkən bir karvanın camaatı ilə yol yoldaşlığı elədim.
Onlar ancaq içkidən bəhs edirdilər. Deməli, söhbətləri mənə
təsir etmişdir”, – dedim. Həzrət buyurdu: “Övladım, yaxşı
kimsələrlə yoldaşlıq et. Pislərdən bacardığın qədər uzaq
dur. Çünki onlarla ünsiyyət dünya və Axirətdə üz qarasıdır”.
Adəm oğlu, cahil olma,
Hər əməlsiz alimdən qaç.
Dünya qəflət, qafil olma,
Hər əməlli zalimdən qaç.
Pislərin içində gəzən pisliyin özünə, ətrafında dolanan
tozuna bulaşar. Uca Allah buyurdu: “zülm edən kim sə lərə
yaxın getməyin ki, sizə toxunar” ( Hud, 113). Zalıma zəru rət
olmadan yaxınlaşmaq istəyən onu zülmdən çəkindirmək
niyyəti güdmürsə, onun məiyyətindən sayılır.
İbrətlər
Süfyan Sevri həzrətləri birisiylə birlikdə evin qapı sında
dururdu. Önlərindən süslənmiş bir adam keçdi. Yoldaşı bu
Dostları ilə paylaş: |