Məhəmməd Hadi və mətbuat
133
altında xar, zəlil yaşamaqda” olan İranı onu gözləyən labüd
fəlakətdən qurtarmaq üçün yollar axtarılmalıdır.
Məktubun başqa bir yerində oxuyuruq: “Həzrəti-vala
cəsuranə söylədiyim bu sözlərdə məni məzur tutmalıdır. Məni bu
nöqtəyə sövq edən vətən məhəbbətidir. Zira, sevgili vətəni düçari-
təhlükə görüyor və ənqərib zamanda əcnəbilərin dəsti-qəhharəsinə
düşəcəklərini müşahidə ediyoram. Aləmi-mədəniyyət nəzərində
şərəf və etibarımızı büsbütün qayib edəcəyimizi hiss etməkdəyəm.
Binaənəleyh madam ki, bir həyatı vətən uğrunda bəzli-səy və
qeyrət edərək lazım olur isə rahi-vətəndə fədayi-can edəcəyəm. Təriqi-
həqqaniyyətə həyatımı belə müzayiqə etməyəcəyəm”(148, 86).
“Bakı tarixindən bir nəbzə” adlı məqalədə M. Hadi cümə
günü, dekabrın 22-də Bakı dəmir yol vağzalından general-
qubernator Semyon Andreyeviç Fadeyevin Tiflisə yola salınma
mərasimi və mərasimdə iştirak edənlər sırasında general M. İ.
Kanevski, qubernator Alişevski, Bakı qazısı Mir Məhəmməd
Kərim ağa, Hacı Zeynalabidin Tağıyevin də olduğu barədə
məlumat verdikdən sonra Bakının tarixi haqqında söz açır.
Bakının tarixi barədə bilgilər verərkən o, ərəb tarixçisi Yaqut
Həməviyə və A. Bakıxanovun “Gülüstani-İrəm” əsərinə daha çox
istinad edir. Birinci Pyotrun (M. Hadidə Petr ibn Aleksey ibn
Mixail) Bakını tutmaq planından başlayaraq Bakıda baş verən
hadisələrə qədər hazırda tarixşünaslığımızdan bizə bəlli olan
hadisələr barədə danışan müəllif məqaləni belə bir cümlə ilə
tamamlayır: “Bakı şəhəri Rusiyaya 1801 sənəyi-miladiyyədə tərk
olunmuşdur”(148, 90).
“Füyuzat”ın 11-ci sayında M. Hadinin dərc olunan ikinci
əsəri
“Məlumati-tarixiyyə”
məqaləsidir(157,
171-174).
“Məhəmməd Hadi” imzası ilə çıxan məqalənin soninda “Mabədi
var” qeydi verilsə də, sonrakı nömrələrdə məqalənin davamına
rast gəlmədik.
Tarix elmini “aləmi-bəşəriyyətə mənfəətbəxş ülum,
fünundan biri” hesab edən M. Hadiyə görə “tarix bir kitabi-
məlumatbəxşadır ki, insanları əhvali-maziyə vaqif, iqtizaati-hala
İslam Qəribli
134
aşina, təmini-istiqbala agah və xəbərdar eylər”(157, 172). Tarixini
bilməyən xalqların və ya tarixi bəlli olmayan millətlərin bu elmin
xeyir və faydasından büsbütün qafil olduğunu bəyan edən müəllif
Rusiya müsəlmanlarını da həmin cərgəyə daxil edir, təəssüflə
bidirir ki, mükəmməl tariximiz yazılmadığından şərəfli
keşmişimiz zaman keçdikcə unudulmaqda, qaranlıq pərdələr
altında itib-batmaqdadır. “Millətini kamalınca tanımayan adam
millətpərvər olmayacağı nə qədər aydın bir həqiqət isə, vətənini
kəma huvə həqqihi bilməyənlər (kifayət dərəcədə doğru, düzgün
tanımayanlar - İ. Q.) də vətənpərəst olmayacaqları bir o qədər açıq
bir keyfiyyətdir” (157, 173), - yazan müəllif qarşısına Rusiya
hökumətinin ərazisində yaşayan təxminən 20 milyon “milləti-
nəcibeyi-islamiyyə”- müsəlman haqqında oxuculara məlumat
vermək məqsədi qoyur. Bu iyirmi milyon müsəlman, şairin
fikrincə, “altı böyük qismə ayrılaraq qövmiyyət etibarınca hər bir
qismə bir ünvan, bir isim verilmişdir” və həmin qövmlər
bunlardır: 1) qazanlılar, 2) kumuklar, 3) kırımlar, 4) sibiryalılar, 5)
türküstanlılar, 6) qırqızlar.
M. Hadi məqaləsində qeyd edir ki, “İşbu qırqız taifəsi
külliyyət
üzrə
badiyəpeyma
və
səhranişindir...,
aləmi-
bədəviyyatda yaşayırlar”(157, 174). Yaşadıqları yer, ərazi “Çin
məmaliki ilə həmhüdud olan və ərəb tarixində “Dəşti-qıpçaq”
namilə adlanan əraziyi-vasiədir”. Əsas məşğuliyyəti maldarlıq və
heyvandarlıq olan bu qövmün “at ilə dəvə sürüləri pək çoxdur.
Başlıca yeyəcək və qidaları bəslədikləri heyvanatın məhsuludur.
At südü ən nəfis, ən sevgili ətimələridir”.
Qırqızlar haqqında bu kiçik, ümumi qeydlərdən sonra
müəllif “qazanlılar” (əslində tatarlar- İ. Q.) haqqında nisbətən
geniş məlumat verir, onların Volqa (İdil), Kama, Belaya, Oka çayı
və Ural dağları ətrafafında yaşadıqlarını bildirir.
Qazanlıların tarixən mədəni və oturaq həyat keçirən bir xalq
olduğunu bildirən müəllif qeyd edir ki, hazırda onlar kompakt
halda Rusiyanın bir sıra yerlərinə dağılmış, Perm, Ufa, Samara,
Nijni-Novqorod, Orenburq daha şox onların şəhərləri sayılır.
Məhəmməd Hadi və mətbuat
135
Fikirlərinə davam edən müəllif daha sonra yazır: “Fəqət biisim
təhtində yaşayan əfradi-müslimə yalnız sabiqüz-zikr şəhərlərə
münhəsir olmayıb bu isim bil-ümum Peterburq, Penza, Saratov və
Bəhri-Müncəmidi-Şimali sahillərində (Şimal Buzlu Okeanı - İ. Q.)
vaqe Arxangel bələdələrində ixtiyari-iqamət edən tatarlara işbu
“qazanlılar ismi tətbiq oluna bilər”(157, 174).
Məqalədə bolqarlar barədə verilən məlumatlar daha əhatəli
və maraqlıdır. Məqalədə oxuyuruq: “Foli nəhrinin ətraf və həvalisi
bolqar namilə adlanan bir qövmün igamətgahi-nüfus və
cövlangahi-nüfuzu olmaqla bərabər, nəhri-məzkurun kənarında
təsis olunmuş Bolqar şəhəri qövmi-məzburun məqərri-hökuməti
olmuşdur... İşbu bolqar taifəsinin türk qövmündən olması ilk dini-
mübini-islama müşərrəf olan bu qövm olduğunu tatar alimlərinin
ən məşhurlarından Şəhabəddin Mərcani həzrətləri təlif etdiyi
“Müstəfidül-əxbar fi əhvali-Qazan və Bolqar” nam əsərində zikr
və isbat etmişdir”. Orta əsr ərəb tarixçilərindən İbn Əsir, İbn
Hövqəl, Yaqut əl-Həməvi və İstəxrinin də bu qövmün türk və
müsəlman olması barədə yazdığını qeyd edən müəllif onların
Abbasi xəlifələrindən olan Əl-Müqtədirbillah Cəfərin dövründə
müsəlmanlığı qəbul etməsini bildirir.
Bolqarların zaman-zaman bəşər mədəniyyətinə töhfələr
verdiyini yazan müəllif onların müasir durumundan danışanda
bildirir ki, “Hal-hazırda isə bolqar məmləkəti bir xarabazar təşkil
ediyor. Əlhalatan haza came minarəsi, məqbərəsi və hasarının bir
qismi və bir xeyli asari-qədiməsi tamaşagəranın vəsaili-ənzari-
tamaşası olmaqdadır”(157, 174).
İstiqlaliyyətini əldən vermiş bolqarlar barədə ürək ağrısı ilə
məlumat verən, “bu gün də Bolqar şəhəri bir xarabazardan
ibarətdir”, - deyən müəllif daha sonra yazır: “Biləxirə tatar
qövmünün Orta Asiyadan seyli-xüruşan kimi gəlməsi bu gün də
Rusiya idarəsində bulunan Şərqi və Cənubi Avropanı əhatə
etmişdir”(157, 174).
Dostları ilə paylaş: |