Məhəmməd Hadi və mətbuat
157
“Füyuat”da çap etdirdiyi əsərlərdən danışarkən bu əsərə də
münasibət bildirdiyimizdən, burada yalnız “Dəbistan”akı mətnlə
“Füyuzat”dakı mətn arasındakı fərqləri göstərməklə kifayət-
lənəcəyik. Yeri gəlmişkən, həm “Firdovsi-ilhamat”da, həm də
sonrakı kitablarda “Dəbistan”dakı mətn əsas götürülmüşdür(377,
79-81; 379, 40-41).
Aşağıdakı ilk səkkiz misra “Füyuzat” jurnalınakı mətndə
yoxdur:
Olmarızmı həqqi-insaniyyədən biz zövqyab,
Yoxsa dünyada nəsibi-millət olmuĢdur əzab?
Kimsəyə olmur əsərbəxĢa fəğanü dadımız,
Aləmi yandırmayır bilməm neçin fəryadımız?
Sanma atəĢdir ki, rövzənlərdən olmuĢ Ģölədar,
Ahi-cangahi-fəqirandır könüllərdən çıxar.
Ah, əmniyyətlə olmazmı vətən cənnətmisal,
Etmərizmi yari-ümmidi dərağuĢi-vüsal?(191, N 3).
Bundan başqa, “Dəbistan”dakı 18-ci: “Qönçeyi-elmü
ədəblə xüldzar olsun vətən, Zibi-ədlü dad ilə pirayədar olsun
vətən” beyti “Füyuzat”da 14-cü beyt olaraq bu redaksiyada
getmişdir:
Zibi-ədlü dad ilə pirayədar olsun vətən,
Haizi-Ģanü Ģərəf bir xüldzar olsun vətən(154, 147).
Digər bir fərq isə şeirin sonluğunda özünü göstərir. Belə
ki, “Dəbistan”da şeir:
Niyyəti-xalis ilə meydana girsək, Hadiya,
Bəxtimiz nəcmi olur zinətfəzayi-etila,-
beyti ilə bitdiyi halda, bu beyt “Füyuzat”da yoxdur.
“İrfandır” rədifli “Sevgili şagirdlərimizə ərməğan”
şeiri(192, N 4) şagirdləri məktəbə təqrib niyyəti ilə qələmə
alınmış, mövzuca və məzmnca M. Hadinin “Dəbistan”da maarif
və elmin faydası barədə yazdığı əsərlərlə eyniyyət təşkil edir.
“Firdovsi-ilhamat”da “Şagirdanə ərməğan” adı ilə getmiş altı
beytlik bu şeir(377, 10) “Dəbistan”dan götürülərək eyni ilə
“Seçilmiş əsərləri”nə daxil edilmişdir(379, 42).
Dəbistan bir qəfəs, Ģagirdlərdir bülbüli-lahut,
İslam Qəribli
158
Dəbistan ləfz, onun mənayi-mənidarı irfandır,-
beyti ilə tamamlanan bu şeirdən başa M. Hadinin “Dəbistan”da
“Dünya saheyi-qəmdir” adlı, “Olmasın” rədifli on beytlik bir
qəzəli də dərc olunmuşdur(193, N 4). “Dəbistan”dan götürülərək
mətnində dəyişiklik edilmədən “Firdovsi-ilhamata”(377, 33),
oradan da “Seçimiş əsərləri”nə salınan (379, 77) bu ictimai
məzmunlu əsəri M. Hadinin bəşər tarixi barədə düşüncələri də
adlandırmaq olar.
Mahiyyət, mündəricə və ideyaca tutumlu, həcmcə çox da
böyük olmayan bu əsərin bütün beytləri bədii sual əsasında
qurulmuşdur. İlk iki beytdə oxuyuruq:
GülĢəni-aləmdə bir gül varmı bixar olmasın?
Hansı bülbüldür cəfayi-xardən zar olmasın?
Gördünüzmü bir çiçək baği-fənadə solmasın,
Hansı bir nəxli-əməl vardır ki, bibar olmasın?
Suallara veriləcək cavablar, təbii ki, aydındır. Gülü
tikansız, bülbülü gülün aşiqi olan qızılgülün tikanlarının
cəfasından ayrı təsəvvür etmək olmaz. Sualın qoyuluşu başqa
mətləblrdən xəbər verir. Olmazdımı gül tikansız yaranaydı, bülbül
də məşuquna yetmək üçün əzablara düçar olmayaydı? Açan hər
bir çiçəyin solması təbiidir. Barsız xurma ağacı olmadığı kimi,
əvəzsiz, nəticəsiz əməlin də olmadığı təbiətin qanunudur. Elə iş
görməli, elə yaşamalısan ki, çiçək kimi solub gedəndən sonra da
rəhmətlə xatırlanasan və elə əməl sahibi olmalısan ki, əməllərinə
görə xəcalət çəkməyib, əksinə, fəxarət hissi keçirəsən.
M. Hadi irsinin tədqiqində danılmaz xidmətləri olan Mir
Cəlal çox haqlı olaraq qeyd edir ki: “M. Hadidə fəlsəfəyə,
təfəkkürə, ictimai mücadilələrin mənasını axtarmağa, insanları
yalnız öz işləri, öz münasibətləri haqqında deyil, həm də ümumən
varlıq haqqında düşünməyə çağırmaq, mövcud “sirli” aləmin
mübhəm suallarından xilas üçün çarə tapmaq həvəsi, insanın
acizliyinə dözməmək arzusu üstündür”(62, 209). İnsanın
acizliyinə dözməyən, bəşəriyyətin gələcəyinə böyük ümidlərlə ba-
xan M. Hadi bildirir ki, insanlğa, bəşəriyyətə xidməti özlərinə
Məhəmməd Hadi və mətbuat
159
şərəf işi hesab edən, şəxsi mənafelərini ictimai amallara qurban
verənlər tarixin bütün mərhələlərində məhrumiyyətlərə düçar
olublar və şairin fikrncə, bundan qətiyyən narahat olmağa,
peşmançılıq hissləri keçirməyə dəyməz. Qardaşları Yusifi elə-
belə, məzə xatirinə quyuya atmadılar, Yusif onlardan gözəl, ağıllı,
ata yanında və cəmiyyət içərisndə hörmətli olduğu üçün həsəd
üzündən bu çirkin əmələ əl atdlar. Bu əməlləri ilə qardaşlarına
zülm etdikləri kimi, doğma atalarına da cəfa etdilər. Oğul dərdi
çəkməkdən ata kor oldu. Axırda qardaşlar da, Yusif də, Yəqub
peyğəmbər də əməllərinə görə Allah-taaladan mükafatlarını aldılar
və hər kəs əməlinin meyvəsini daddı.
“Atdılar nari-bəlayə həzrəti-İbrahimi”, niyə, nə üçün?
Əqrəbasını bütpərəstlikdən əl çəkməyə, təkallahlığa, düz yola,
salamat bir əqidəyə dəvət etdiyi üçün. Allah İbrahimə əməlinin
müjdəsini verdi və onu yanar od içində salamat saxladı. Yəhya,
Musa, İsa kimi Quranımızda adı çəkilən müqəddəs peyğəmbərlər
qövmləri tərəfindən min cürə tənələrlə üzləşdi. Biri şəhid oldu,
biri Firon tərəfindən zülm və sitəm gördü, digəri isə çarmıxa
çəkildi, lakin heç biri insanlığa xidmətdən geri çəkilmədi.
Hansı peyğəmbər olubdur çəkməsin yüz min əza,
Varmı bir Əhməd düçari-təni-əĢrar olmasın? -
deyən M. Hadinin Məhəmməd peyğəmbəri, sonrakı beytlərdə
Sokratı, Bəstamini, Həllac Mənsuru xatırlaması təsadüfi deyil.
Adları qeyd olunanların zəmanəsində həqiqəti yaydıqları, doğru
danışıb düzgün əməl sahibləri olduğundan hansı məhrumiyyətlərə
düçar olmasını kim bilmir ki? Fəqət zülm eləyənlər nəhayətdə
Allahın qəzəbinə tuş oldular, zülm olunanlar Tanrının
mərhəmətini qazanaraq əbədiyyətə qovuşdular.
Qəzəlin son beytlərində oxuyuruq:
Hansı aĢiqdir cahanda naili-didari-yar,
Varmı bir pərvanə məhvi-Ģöleyi-nar olmasın?
Vermədi Fərhadə çərxi-bivəfa ġirinini,
Hadiya, kimdir fəna mülkündə xunbar olmasın?(379, 77).
Dostları ilə paylaş: |