Məhəmməd Hadi və mətbuat
163
əsərlərində təkrar-təkrar iqrar edən şair millətin bugünkü halına
baxıb açı göz yaşları axıdaraq yazır:
Nə istedadi-ülviyyət, nə də irfanımız vardır,
Dəyərsiz, xeyirsiz yüz min sürü nadanımız vardır.
Şairin
təsvirində
insanlıqdan
kənar
düşmüş
cəmiyyətimizdə adı insan, əməlləri heyvan əməllərinə bənzəyən
çox sayda canlılar vardır ki, əməlləri ilə ətrafındakılara Allah-
taalanın qəzəbinə tuş gəlmiş şeytandan betər ziyan vururlar.
Oxucusuna:
Nə kəsb etdik, bəradər, göstərin bazari-sevdadə? -
sualı ilə müracət edən şair dərhal da bidirir ki, açıq gözlə baxsaq
görəcəyik ki, yaxşı əməldən çox, pis əməllərin sahibi olmuş,
böyük eyiblər qazanmışıq. Boşboğazlığı özümüzə peşə etmişik və
“bütün əfradımız” insaf və vicdandan dəm vurmaqdadır, “Fəqət,
heyhat!.. Nə insafü nə vicdanımız vardır”.
Cəhlə təslim olduğumuzdan maarif əhlini hər an təkfir
etməyə hazırıq. Elmsizliyimizin ucbatından gərəkli ilə gərəksizi
(M. Hadidə xəzəflə dürrü – İ. Q.) bir-birindən ayırmağa hünərimiz
yoxdur. Dildə məqsədimiz “Kəbeyi-ülyayi-hürriyyət”dir deyirik,
lakin nə hürriyyətə gedən yolu tanıyıriq, nə də azadlıq uğrunda bir
qurbanımız yoxdur. Ürəyimizdən keçir ki, hürriyyət uğrunda bir iş
görək (Könül istər ki, bu yolda əsbran olsun), lakin bu gen
dünyada (cövlangahi-vase) ürəklərimizdən keçənləri həyata keçirə
biləcəyimiz bir meydan tapmırıq. Çünki meydanı tapmağa
çalışmır, sadəcə arzu edirik. Arzunun gerçəkləşməsi üçün
çalışmaq, iş görmək lazımdır, bunlar da bizdə yoxdur. Bəlkə bir
millət olaraq bizim azad, firavan bir məmləkətdə, maarif,
mədəniyyət və iqtisadiyyatca inkişaf etmiş ölkələr sırasında
yaşamağa haqqımız, yaxud hünərimiz yoxdur? Yox, belə deyil:
Biz o tutiləriz kim, Ģəkkəristani-maarifdə,
Bəqayi-nam üçün asarımız, dastanımız vardır(195, N 114).
Belədirsə, niyə bu qədər xar və zəlil olmuşuq? Yenə də
sualın cavabı aydındir: Cəhl adlı şeytanın əlindən qurtulub
hüququnu tələb etməyən, hürriyyətini qazanmaq üçün qurban
İslam Qəribli
164
verməyən millət tarix səhnəsindən silinməyə məhkumdur. Bizim
millət isə istedadlı, hünərli, hər cür insani, bəşəri haqları
qazanmağa layiq millətdir və bu milləti doğru yola yönəldən
qüvvələr lazımdır ki, kimin kim olmağı bilinsin.
“İrşad”da dərc olunan hər iki əsər, təhlildən göründüyü
kimi, tənqidi, inqilabi və bir qədər də satirik məzmun daşyan
əsərlərdir və hər iki şeirin başlıca ideyası milləti bugünkü halına
baxıb dünya hadisələrindən ibrət götürməyə və öz müqəddəratını
həll etmək üçün mübarizəyə səsləməkdən ibarətdir.
****
M. Hadinin 1906-cı ilin 16 dekabrından 1907-ci ilin 26
martına qədər (cəmi 14 nömrə) Bakıda nəşr olunan “Birinci
olaraq türk dilində həftəlik sosialist qəzetəsi” olan, ... ilk əvvəl
Mehdi bəyin (Medi bəy Hacınıski – İ. Q.) təhdi-müdiriyyətində,
sonra isə Məhəmməd Əmin Rəsulzadənin redaktorluğu ilə çıxan
“Təkamül” qəzetində” (393, 51) “El fəryadı” adlı beşlik formalı
bir şeiri dərc olunmuşdur(196, N 1). “Həqiqətpərvər” imzası ilə
çıxan bu əsər mətnində heç bir dəyişiklik edilmədən “Firdovsi-
ilhamat” kitabına da salınmnış (377, 85-86), eyni ilə sonrakı
kitablarına da düşmüşdür(379, 381; 29 39-40).
Altı bəndlik şeir bütünlüklə azadlığın tərənnümünə həsr
olunmuşdur. Vətənin inkişafının hürriyyət və sərbəstliklə bağlı
olduğunu söyləyən müəllif şeirin ilk bəndində bildirir ki, millət
hürriyyət sayəsində inkişaf edərək yüksək fikirləri kəsb edə, hər
mülk, məmləkət həqiqi qiymətini anlaya bilər. Avropalılar
azadlıqlarını əldə etdiklərindən kamal sahibi olduqları halda,
digər millətlər əsarət altında olduqları üçün maarif və
mədəniyyətdən məhrum edilərək məhv edildi.
Sonrakı bəndlərdə M. Hadi qeyd edir ki, cəmiyyətdə şəxs,
söz, fikir və qələm azad olmalıdır ki, “Hər kəs gələ hürriyyət ilə
şövqə, xüramə”. Sərbəstlik olmalıdır ki, insan məramına çatmaq
üçün qəti addımlar ata, vətənin çiçəklənməsi üçün işlərini davam
etdirə bilsin. Bunun üçün elə bir cəmiyyət qurulmalıdır ki, o
cəmiyyətdə:
Məhəmməd Hadi və mətbuat
165
Hər kəs həqi-məĢruinə sahib gərək olsun,
Qayətdə ədalətli qəvanin qoyulsun,
Ən faidəli qaidələr cari olunsun,
Mizani-ədalət və müsavat qurulsun(196, N 1).
M. Hadinin təsvirində yaşadığı məmləkətdə bunlar olma-
dığından “Fasid olub əlhəqq vətənin abü havası” və bu vətənin
əvvəlki əmin-amanlığından əsər-əlamət yoxdur. Məmləkətdəki
hərc-mərcliyə son qoymaq üçün yeni qanuni-əsasi – konstitusiya
meydana qoyulmalı, orada elə maddələr olmalıdır ki, onların
sayəsində vətənin dərdlərinə çarə tapılsın.
M. Hadinin “El fəryadı” şeirinin çap olunduğu “Təkamül” qəzeti
Şerin beşinci bəndi məzmununa görə əvvəlki bəndlərdən
fərqlidir. Bu bənddən anlaşılan məna bundan ibarətdir ki, “milləti
şahrahi-fünunə” sövq etmək üçün minlərcə vətənpərvərlər
canlarından keçib, al-qanlarına qərq olaraq hürriyyətin dadını
kütlələrə dadızdırmağa cəhd etmişlər. Millətin xoşbəxtliyi üçün iş
görmək əvəzinə boş-boş danışıb özlərini millət qəhrəmanı kimi
gözə soxmağa çalışanlara vətən uğrunda şəhid olanları nümunə
göstərən şairin qəti qərarı belədir: danışmaqdansa iş görmək,
sözdən əmələ keçmək lazımdır.
Sözdən əmələ keçməməyin nəticəsidir ki, məmləkətdə:
Zülm atəĢi hər yanə saçır dudeyi-zülmət,
Biçarə vətən sanki olub məhĢəri-Ģərrət,
Səhrayi-bəladə gəzir avarə rəiyyət.
“Vətən ana, vətəndaşları isə onun övladlarıdır”, - deyən
şair sual edir: